Не треба никој да биде стигматизиран, никако заболените, а уште помалку луѓето во карантин затоа што тие се здрави луѓе и тоа е механизам и модел кој не штити сите нас. Тој модел мораме да го поддржиме, рече министерот за здравство Венко Филипче на денешниот прес.

Апелот следуваше откако деновиве во Битола се појавија негативни реакции околу сместувањето на наши државјани од странство кои се враќаат дома , во карантин во хотел во центарот на Битола.

„Сите се прегедани од интернист и епидемиолог, досега нема ниту еден заболен од вирусот. Има неколку четири или пет болни лица, тестирани кои се негативни, заболени од обична настинка и тие во рамките на тој карантин се настрана од сите други лица. Тие наши сограѓани не претставуваат апсолутно никаква опасност нити за непосредната околина нити за градовите каде се сместени зашто тоа се целосно здрави луѓе кои мора да поминат 14 дена во самоизолациоја“, рече Филипче.

„Во ‘Плодност’ на одделение има уште две родилки со бебиња, кои утре ќе бидат испишани и се во одлична здравствена состојба. Други пациенти нема, ниту пак некој е однесен во друга болница“, рече доктор Tаше Трпчевски од болницата „Плодност“.

Како што веќе знаете, еден од нашите доктори е носител на корона вирусот и за таа цел е ова обраќање до медиумите, за да не се продолжува со шпекулации и ширење невистини.

Д-р Христијан Трчевски во изминатиот подолг период не го напуштил градот, по што следува заклучеок дека го добил вирусот од некој пациент, иако, болницата од првиот ден на алармирањето за корона вирусот, ја зголеми хигиенската постапка во болницата.

Неговата совесност и како родител и како доктор, го натера да направи дури два тестови. Од првиот беше негативен, а по неколку дена позитивен на КОВИД 19. Тој е во одлична здравствена состојба.

Веднаш, како што носи редот, ги известивме сите надлежни институции, а најбиските на д-р Христијан се во самоизолација. Тоа се случува и со голем дел од персоналот.

По увидот на терен и по сите процедури, болницата има дозвола да продолжи со работа. Ние имаме и втор, резервен тим на доктори и медицински сестри, кои веднаш би можеле да ја заменат првата постава на медицинските лица.

Малку за карантинот и за сите вас кои "Не сте против луѓето, ама оти баш во центраот на Битола "
1. Слика бр.1, вака изгледа вообичаен оброк.Се доставува пред врата,приборот е пластичен за еднократна употреба
2. Слика бр.2, средства за дезинфекција,вреќи за ѓубре и сл. Оставени во собите, со цел гостите самостојно да ја одржуваат хигиената во истите.
3.На секој спрат има полиција која стриктно нагласува дека никој не смее да мрдни од соба (во спротивно ќе има ригорозни казни)
Малку упростено...Секој онај кој е во карантин во тие 14 дена ќе нема апсолутно никаков контакт со надворешниот свет....Ни роднини,ни кувари,ни чистачки,ни дилери во казиното ?

Уште малку доупростено за сите "стручни лица". Многу побрзо ќе се заразите од некој при чекањето ред на 20цм пред банка,маркет,на пазар и сл. од колку од овие кои ве "загрозија и ви го окупираа светиот бастион во срцето на градот". Ќе се заразите и од оние кои ќе ја кријат болеста од страв и срам од јавната осуда,наместо да се поддржат истите и да знаат дека кој и да заболи треба да добие поддршка и помош....Дај боже никој да не заболи,но тоа не е можно.

п.с. Во тој хотел,а веројатно и во Молика,единствените 2 во Битола кои исполнуваа услови и се пријавија да сместат повратници(се пишува повратници,а не заболени како што стручно веднаш ги оценивте) има по некој ваш комшија,школски другар,познаник. Фино би било да им однесете по некоја вода,овошје или витамини. Оставете на рецепција,полицијата ќе им ги достави во собите.Гарантирам дека живи ќе излезите од таму,без последици. Себичност,неинформираност,шпекулации....Тоа е полошо и побрзо убива од Короната

Горан Пинза

Строги контроли се спроведуваат вечерва за време на полицискиот час во Битола. Фотографијата е направена на крстосницата кај Бела чешма меѓу улиците Иван Милутиновиќ и Едвард Кардељ. Фото Апла.мк .

Со цел намалување на ризикот, стравот и паниката кај битолчани бараме власта веднаш да преземе активности за изнаоѓање на посоодветна локација за карантинско сместување и во иднина навремено да ја информира јавноста за сите активности кои ги презема“, стои во реакцијата на Иванчо Тошевски, претседател на ОК ВМРО ДПМНЕ и советник во Советот на општина Битола

„Исто така, како претседател на Комисијата за безбедност при Советот на Општина Битола во соработка со колегите од Советничката група на ВМРО ДПМНЕ и Коалицијата изработивме иницијатива со сет на мерки во кои е предвидено и итно затворање на пристапот до градот на лица кои доаѓаат од подрачјата на територија на Република Македонија, каде има регострирани позитивни на корона вирусот. Иницијативата на Градоначалнчката Петровска ќе и биде предадена уште денес“, посочува Тошевски.

Првиот регистриран случај на коронавирусот во Битола, Христијан Трпчевски, пред малку се огласи на својот ФБ профил и одговори на сите обвинувања, стигматизирања, исмејувања на социјланите мрежи на негова сметка. Вели дека најверојатно се заразил од некој пациент во болницата „Плодност“ и покрај сите епидемиолошки мерки што се спроведуваат во оваа здравсвена установ. Раскажува за симптомите на болеста кој биле  како обичен грип  и одлуката да се тестира. Но првиот тест покжал дека е негативен на коронавирусот, но сепак, инсистирал на второ тестирање кое покажало дека е корона позитивен. Тој апелира секој кој има најмал сомнеж за добивање на овој вирус да се тестира. Ви го пренесуваме целиот ФБ статус на Христијан Трпчевски.