Државните електрани заедно со РЕК Битола, ФОД и синдикалните организации од овие компании, со екипа од 50  опремени и обучени лица, на повик на Општина Битола денеска започнаа со дезинфекција во сите влезови на станбените единици во Нова Битола.

Со првиот чекор во наплатниот центар на трите јавни претпријатија „Водовод“, „Нискоградба“ и „Комуналец' , ќе ве пречекаат вработени од претпријатијата кои ќе ви понудат дезинфекција на рацете со соодветно дезинфекциско средство. Ако се знае дека честото миење на рацете е неопходно за да се ограничи ширењето на инфекции, во овој случај со дезинфекција на рацете се намалува ризикот од пренесување на вирусот и се штитат не само граѓаните кои дошле да ги платат сметките за вода, туку и вработените во наплатните центри, велат од  јавните претпријатија. Вработените љубезно ќе ве информираат дека дезинфекцијата е добар начин да ги неутрализирате бактериите и вирусите на нашите  раце. Средството за дезинфекција за раце тоа го прави на  оптимален начин, така што вашето здравје ќе  биде добро заштитено додека  се допираат одредени површини каде што има поголема феквенција на луѓе.

-Ме изненади гестот на вработените, и тоа многу позитивно, веднаш штом  влеговме во новиот наплатен центар љубезно ни понудија дезинфекција на рацете, и за тоа им сме благодарни, бидејќи и ние како граѓани допираме различни површини, предмети,  други лице,  облека, што може да има честички. Вака безбедни се и граѓаните, ама и вработените во наплатниот центар. Добро е што јавните претпријатија и институциите се грижат за нас граѓаните, вели битолчанка. 

ЈП „Водовод“ претходно ги презеде сите превентивни дезинфекциони мерки за сите објекти на претпријатието, а тие  мерки ќе се повторуваат и во иднина, по потреба. Вработените имаат на располагање заштитна маска и ракавици, а средства за чистење на рацете со раствор на алкохол се поставени во сите работни простории. Во ова јавно претпријатие согласно одлуките на Владата за превенција од ширење на Ковид 19  на огласните табли поставени се информативни содржини за превенција од ширење на Ковид 19. 

Општина Битола ги известува граѓаните дека поаѓајќи од општествената одговорност и следејќи ги мерките и препораките на Владата на РСМ за спречување на ширењето на корона вирусот, а притоа водејќи сметка и за економските последици за превозниците кои го вршат општинскиот линиски превоз, во наредниот период од 27.03.2020 година, ќе има  дополнително редуцирање на поаѓањата од возните редови на општинските линии и истите ќе сообраќаат како што следува:

Линијата 1 во понеделник, среда и петок ќе сообраќа со времињата на поаѓање на Д и А ХЕРА ТРАНС во временскиот период од 06:20 до 10:20 часот и од 14:20 до 17:00 часот; во вторник и четврток ќе сообраќа со времињата на поаѓање на ХЕРА ПРЕВОЗ во временскиот период од 06:00 до 10:00 часот и од 14:00 до 16:40 часот, во спротивната насока; а во сабота ќе сообраќа со времињата на поаѓање на ХЕРА ПРЕВОЗ во временскиот период од 06:00 до 12:00 часот.  

Линијата 4 во понеделник, среда и петок ќе сообраќа со времињата на поѓање на ЛУКА ЕКСПРЕС во временскиот период од 06:00 до 10:20 часот и од 14:00 до 16:40 часот; во вторник и четврток ќе  сообраќа  со времињата на поаѓање на ТУРИСТ ПРЕВОЗ во временскиот период од 06:15 до 10:15 часот и од 14:15 до 16:55 часот, во спротивната насока; а во сабота ќе  сообраќа  со времињата на поаѓање на ТУРИСТ ПРЕВОЗ во временскиот период од 06:15 до 12:15 часот.  

Линијата 5 во понеделник, среда и петок ќе  сообраќа  со времињата на поѓање на ХЕРА ТУРС во временскиот период од 06:15 до 10:45 часот и од 13:45 до 16:45 часот; во вторник и четврток ќе  сообраќа со времињата на поаѓање на ГОПЕШ ТРАНС во временскиот период од 05:45 до 10:15 часот и од 14:00 до 17:00 часот, во спротивната насока, а во сабота ќе  сообраќа  со времињата на поаѓање на ГОПЕШ ТРАНС во временскиот период од 05:45 до 11:45 часот.

Линијата 6 ќе сообраќа од понеделник до петок со времињата на поаѓање во временскиот период од 06:00 до 10:00 часот и од 14:00 до 17:00 часот.

Линијата 7 ќе  сообраќа од понеделник до петок со времињата на поаѓање од автобуското стојалиште „Јавор“ во 06:10, 07:00, 13:10 и 15:20 часот.

Линијата 8 ќе сообраќа во вторник и петок со времињата на поаѓање од автобуското стојалиште „Симпо“ во 07:15 и 15:15 часот.

Линиите 10 и 11 ќе сообраќаат во вторник и петок со времињата на поаѓање од автобуското стојалиште „Јавор“ во 05:30 и 11:30 часот.

Линијата 14 ќе сообраќа со времињата на поаѓање од автобуското стојалиште „Симпо“ во 05:55 и 15:30 часот.

Линиите 13 и 15 ќе сообраќаат во вторник и петок со времињата на поаѓање од автобуското стојалиште „Шехерезада“ во 07:00 и 13:30 часот.

При одржувањето на линиите, возилата треба да сообраќаат со преполовен капацитет и со запазување на препорачаното растојание меѓу еден и друг патник.

Основното јавно обвинителство Ресен поднесе предлози за издавање казнени налози за три лица заради кривично дело – Непостапување според здравствени прописи за време на епидемија од член 206 став 1 од Кривичниот законик.

Техничкото училиште се вклучи во процесот на изработка на визир маски потребни за вработените во јавните и приватните здравствени установи од градот во овој толку сензитивен период на пандемија со корона вирусот.

Владата на Република Северна Македонија и Инспекцискиот Совет апелираат до граѓаните да ги пријавуваат затекнатите неправилности и непочитување на владините мерки и препораки за спречување на ширењето на заразата од КОВИД- 19.

За поефикасно дејствување и одговор на прекршувањата инспекторатите отворија нови е-мејл адреси, а ставени се во функција и бесплатни телефонски линии. Неправилностите и поплаките може да се пријавуваат на следните мејлови и броеви:

-Државан инспекторат за труд  Оваа е-адреса е заштитена од спамботови. Треба да ви е овозможено JavaScript за да ја видите.
151 31

-Државен пазарен инспекторат  Оваа е-адреса е заштитена од спамботови. Треба да ви е овозможено JavaScript за да ја видите.
191

-Државен санитарен и здравствен инспекторат  Оваа е-адреса е заштитена од спамботови. Треба да ви е овозможено JavaScript за да ја видите.
0800 255 55

-Агенција за храна и ветеринарство  Оваа е-адреса е заштитена од спамботови. Треба да ви е овозможено JavaScript за да ја видите.
0800 3 2222

-Државен инспекторат за транспорт  Оваа е-адреса е заштитена од спамботови. Треба да ви е овозможено JavaScript за да ја видите.

-Агенција за лекови и медицински средства  Оваа е-адреса е заштитена од спамботови. Треба да ви е овозможено JavaScript за да ја видите.

 Инспекциските служби со сите свои капацитети продолжуваат интензивно да работат на терен. Без исклучок секој кој нема да се придржува до мерките на Владата ќе биде санкциониран. Овие мерки се донесени во интерес на здравјето на граѓаните и на јавното здравје и мора да се почитуваат. Повикуваме на одговорност од секое правно лице, од секоја индивидуа во нашето општество. Јавното здравје зависи од сите нас.

ЈП Пазари спроведува контролирано движење во Градскиот зелен пазар, со тоа што од денес ги затвори дел од влезовите во пазарот, а пред оние што се отворени постави прагови со дезинфекциони средства. Така што сега граѓаните ќе мораат да го дезинфицираат своите обувки при влез и при излез од Градскиот пазар.

-Превентивна дезинфекција на влезот на ЈП Пазари, како дел од превентивните мерки за заштита од корона вирусот. -Со оглед на зголемената опасност ЈП Пазари ги затвори двата влезови во долниот влез на Градскиот пазар и спрoведува контролирано движење на граѓаните. ЈП Пазари во изминативе денови презеде бројни акции за дезинфекција на двата пазари и на административните објекти, вели директорот на ЈП Пазари Владе Атанасовски.