ОУ„Браќа Миладиновци“ – Добрушево деновиве е домаќин на наставници од Италија, Унгарија, Турција и Хрватска кои со наши наставници и ученици работата на проект кој има цел да им помогне на учениците со потешкотии во учењето.

Државна видеолотарија донираше 100.000,00 денари на Скијачкиот клуб Пелистер од Битола. Наша цел е да им овозможиме на младите скијачи да добијат шанса да бидат дел од меѓународни натпревари.

Со натчовечки напори вечерва локализиран е пожарот што избувна во атарот на селото Ротино и не се дозволи проширување кон моликовата шума,соопштија од Општина Битола.

Пожарот во атарот на потпелистерското  село Ротино и натаму е активен, а  засилениот ветер го отежнува гаснењето. Кризниот штаб на Општина Битола по одржаниот сосотанок донесе одлука да побара помош од Дирекцијата за заштита и спасување за да се активираат авионите за гансење на пожари.

Битолчани, сакале или не, мора да одат со главата крената низ тесните битолски сокаци, не заради нешто друго туку ако гледаат во земјата може не дај Боже тула или греда да ги удри по глава. Во централното градско подрачје околу улиците Ленинова, Солунска, Нико Фунадали  има десетици стари куќи и авлии кои се пред распаѓање, па ѕидовите, настрешниците, покривите се дел срушени, а дел висат и се голема и сериозна опасност по животот на минувачите, особено за децата.

За дел од овие објекти се знае дека се во приватна сопственот, газдите се иселени одамна од градот, други пак,  се во државна сопсвеност, односно се имот на АД за стопанисување со станбен  и деловен простор .

Пожар покрај регионалниот пат Битола-Ресен во близина на Ротино избувнал денеска претпладне.

Еден ден по еколошката акција „Мети си со класнето“, местото во близина на Новиот пазар во Битола каде вчера се чистеше, денес го зафати пожар. Организаторите на акцијата не знаат дали пожарот се појавил случајно или пак некој го потпалил местото, но бараат инспектори да утврдат што се случува.Од Противпожарната единица во Битола велат дека пожарот е изгаснат и дека бил предизвикан од човечки фактор.

Вработени од хотел „Битола„ денес со лопати во рацете и земја се обидуваа да ја затрупаат дупката што зина во близина на хотелот. Таа е со пречник околу половина метар, длабочина околу два метри, а во внатрешниот дел исполнета е со вода. Засега не се знае од што точно се појавила, но претставува опасност зашто во хотелот престојуваат и стари лица, а на околу има згради, центри за едукација на деца и други фирми. На парче картон поставен е натпис „пази дупка“, но тоа како да го привлекува уште повеќе вниманието на минувачите, па сите ѕиркаат да видат што има внатре. Тоа е опасно бидејќи околното земјиште се лизга.

Повторно се бележат пешачките премини во Битола. Бележењето го прават неколку екипи на терен, најпрво во централното градско подрачје, особено на фреквентните улици, а потоа, ќе се продолжи и во останатиот дел од градот.