Се санира влезот во Клиничката болница во Битола, од каде  ги информираат пациентите за внимателност и трпеливост додека се изведуваат градежните работи со кои ќе де овозможи подобар пристап на санитетските возила во Клиниката.

-Во Клиничка Болница Битола  се вршат градежни работи на влезот пред ургентна медицина и влезот во болницата  се со цел да се подобри пристапот на санитетските возила кои доаѓаат и заминуваат од болницата. Затоа ги замолуваме пациентите за внимателност,  стрпливост и претпазливост, бидејќи самиот пристап ќе биде отежнат одреден период. Овај  градежен зафат моравме  да го отпочниме  се  со цел  да се санира просторот за кој санитетските возила се соочуваа долг период со проблеми при  пристапот до влезот на болницата.  Се надевам дека пациентите ќе имаат разбирање за отежнатиот пристап, вели Сузана Конеска, портпарол на ЈЗУ Клиничка Болница Битола.

Битола да се кандидира за град на УНЕСКО, предложи Душан Стругар, етнолог конзерватор од Словенија, воедно и претседател на Организацискиот одбор на осмиот симпозиум на етнолози конзерватори од Словенија, Хрватска, Босна и Херцеговина, Србија и Северна Македонија што се одржува во Битола.

Во натпреварот од СЕХА лигата што попладнево се одигра во спортската сала „Боро Чурлевски“  во Битола, Еурофарм Работник  направи сензација и  со два гола разлика го порази унгарскиот ракометен гигант Веспрем, европскиот вицешампион, кој во своите редови има голем број ракометни ѕвезди. 

Републичкиот совет за безбедност на сообраќајот на патиштата во соработка со МВР продолжува со реализација на кампањата - "Безбедни деца во сообраќајот- за безбедна и сигурна иднина". Едукативната акција се организираше во ОУ „Гоце Делчев“ во Битола каде децата од второ одделение учеа како безбедно да го преминат пешачкиот премин

Денес во посета на гимназијата „Јосип Броз-Тито“ Битола, беше амбасадорката на Обединетото Кралство на Велика Британија и Северна Ирска, Рејчел Галовеј. Повод за посетата беше електронскиот гимазиски весник „Е-ОКО“, кој излегува од 18 декември 2013 година, па сè до денес. Учениците ѝ презентираа за работата на весникот и бројните активности кои се изведени во текот на училишната година, а ја претстаавуваат гимназијата. Беше истакната и соработката со „Медиум“, како главен причинител за нашата средба. На крајот директораката на гимазијата Фанинја Наумовска, помошник директорот Мите Ристов и проф. Соња Живковиќ Ѓорѓиевска изразија благодарност за посетата и надеж за повторна средба.

  За Апла.мк известуваат Кирил Блажевски, Емилија Мицевска IV-1

Во рамкитe на проектот ,,Училишта на 21 век” учениците од ОУ Тодор Ангелевски се вклучени во критичкото размислување и решавање на проблемите и примена на уредот Микро:бит. Практично го применуваат Микробитот со решавање на зададени задачи и проблеми. Kлубот за кодирање прави интересни  чекори со микробитот за што директно се одговорни наставниците Весна Гагаловска,  Слаѓана Бојаџиева и   Љупчо Божиновски.