На есен најмалку за една третина ќе биде намалено производството на квалитетни јаболка во Преспа, а последиците од големото невреме што пред десетина дена ја зафати Долна Преспа ќе се чувствуваат и во следните две години.

„Во делот кој беше зафатен од ураганот, ние така го нарековме невремето, нема да имаа воопшто јаболка. Штетите се стопроцентни. Околу 400 хектари беа зафатени од невремето на потегот од јужниот дел на Сливница до Маркова Нога. Во тој дел штетаната ќе биде не само за оваа година, туку и за наредната бидејќи се оштетни насадите. Неколку стотини садници се откорнати, а и оние кои останаа се без лисна маса, тоа значи дека одвај би преживеале догодина. Оваа и следната, а можеби и таа по неа година да имме негативни последици, трета години по ред до 2021 година“, вели Љубе Пампулевски претседател на Здружението на овоштари „Благој Котларовски“ од Ресен.

Верскиот празник „Св. Недела“ повторно ги собра на едно место велувци, без оглед на тоа каде сега  живеат, дали во Битола, во државата или во туѓина, во САД, Канада, Австралија, Европа . Дворот на селската црква која се наоѓа во центарот на Велушина спроти некогашниот Дом заживеа  со верниците, кои присуствуваа на свечената црковна литургија , заеднички ручек , музика и пријатна атмосфера каде се разменуваат спомените за Велушина некогаш, кога селото броеше и над  1500 жители. Велувци велат дека доколку би се собрале сите на едно место би биле над 5000 жители.

Лидерот на ВМРО-ДПМНЕ Христијан Мицкоски во придружба на координаторот на локалниот огранок во Битола Иванчо Тошевски и други панинари денес се искачија на врвот Антена на Пелистер. Ова беше дел од активностите за одбележување на 29-от роденден од основањето на ВМРО-ДПМНЕ Битола. Тие го посетија и споменикот Пирамида посветен на македонскиот алпинист Димитар Илиевски Мурато од каде се протега прекрасна глетка кон Преспанското Езеро.

Бегалецот Мицкоски, кој вчера побегна од лидерска средба, поучен од неговиот ментор – бегалецот Груевски, како ноќна птица долета во Битола за да слави роденден на ненародна партија која наместо народните, во прв план ги става личните интереси, обвини на денешната прес конференција Борче Корлевски , портпарол на СДСМ -Битола.

На местото каде што е денешна Жито Битола од памти век имало млин. На тоа место се наоѓал еден од првите млинови во Битола и му припаѓал на богатиот Исмаил бег кој живеел за време на Османлиската империја. Ова е само дел од податоците за животот во Битола во турско време што со публиката на Локум фест ги сподели студентот по историја Васко Гичевски кој има пасија да го истражува отоманскиот период.

Предлог законот за СЈО треба да го добиеме и разгледаме, треба да видиме што Заев во спрега со рускоско обвинителството ѝ понуди денес на македонската јавноста, изјави за медиумите лидерот на ВМРО-ДПМНЕ Христијан Мицкоски кој вечерва е присутен на пролсавата 29 години од формирањето на огранокот во Битола.

На зградата кај  Атпазар, на дел од фасадата кон   улицата „Прилепска“, деновиве почна цртањето на мурал кој ќе има површина од околу 130 метри квадратни.

Екипи на ЈКП "Нискоградба" продолжуваат со работа на колекторскиот систем кој треба да ги собира отпадните води од Потпелистерието. Инфраструктурните работи се изведуваат во делови на потегот од Дихово па нагоре кон Бегова чешма .

Од ЈП „Нискоградба“ за Апла.мк соопштија дека прочистителната станица ќе биде сместена во близина на поранешната фарма во Дихово и ќе ги опфати сите отпадни води од Бегова чешма, па надолу се до Дихово, тоа значи од хотелот „Молика“, Детското одморалиште, доколу се стави во функција, хотелчиња, ресторани, вили во Потпелистрието, како и дел од селата во подножјето на планината.

Градоначалничката на Битола Наташа Петровска од својата работна посета во САД преку својот фејсбук профил порача дека посветеноста, емпатијата, заедништвото, подадената рака се вредности што треба да се негуваат и развиваат глобално.

„Човештвото има еден дом, независно од кој град сте. Исти потреби, исти цели -заедно до поубави места за живеење“, напиша Петровска на фејсбук.

Таа од 9 до 19 јули престојува во работна посета на САД на покана на Амбасадата на САД во Скопје, како учесник во Мулти-регионалниот проект „Локална дипломатија и глобално ангажирање“ во организација на американскиот Стејт департмент.Целта на студиската посета е црпење искуства за развојот на општините на повеќе полиња, вмрежување меѓу градови и соработката на локалната со централната власта.