Дуќанџии од Старата битолска чаршија, нивни вработени и муштерии бараа повеќе локации за вело- паркинзи во овој дел од градот.

Претставник на Фондот за иновации и технолошки развој, во салата на Советот на Општина Битола, пред директорите и професорите на битолските основни и средни училишта го презентираше годинешниот повик за награди под наслов „Предизвик за млади истражувачи“.

До 31 март, сите основни и средни училишта можат да аплицираат на отворениот повик од страна на Фондот за иновации и технолошки развој и да учествуваат на Предизвикот за млади истражувачи и истражувачки. Натреварувачкот тим треба да биде составен од 1-2 наставника во улога на ментори на проектот и 3-7 ученици, учесници во проектот. Иновацискиот натпревар има за цел да креира истражувачки проекти од областа на природните и техничките науки.

Неда Икономова Гавриловска, од Фондот за иновации и технолошки развој на промотивната средба истакна дека процесот на истражување треба да се основа на научен метод, односно да вклучува формулација, тестирање и потврда на хипотеза по пат на експеримент и набљудување. Таа го појасни и начинот на аплицирање, можностите и придобивките од учеството на училиштата во проектот.

Дел од присутните претставници на училиштата дадоа и свои предлози за подобрување и поуспешно реализирање на проектите.

Ова е втор повик до училиштата за аплицирање за млади истражувачи. Минатата година, три битолски училишта беа во наградените и добија средства за нивните проекти. ОУ „Стив Наумов“ доби 229.000 денари за проектот „Квалитетот на воздухот во мојата училница“, кој го работеа двајца ментори и десет ученици. СОТУ „Ѓорѓи Наумов“, со тројца ментори и тројца ученици, го работеа проектот „3Д технологиите, предизвик на денешницата и неопходност на иднината“ и за него добија 250.000 денари. Меѓу наградените беше и проектот на СОУ „Јосип Броз Тито“, под наслов „Присуство на тешки метали во почвата на потег Битола-РЕК Битола“. Него го изработија двајца ментори и шест ученици, со средства во висина од 287.500 денари.

25 годишниот полицаец Енвер Тоска од Битола, осуден е на 18 години затвор за свирепото убиство на 36 годишниот битолчанец Бекир Алили, што се случи лани во септември во близина на прилепското село Беловодица. Кривичниот совет на Основниот суд во Прилеп, одлуката ја објави денеска, по рочиштето кое почна и заврши вчера, откако Тоска пред судот ја призна вината за убиството.  

Општина Битола презема мерки за изградба на нова градинка во поранешната Касарна во Битола со цел да се намали бројот на деца кои чекаат за прием во постоечките детски градинки.

Градинката ќе зафача површина на градежната парцела од 2189 метри квадратни, додека површината на градба предвидена за објектот ќе биде 1618 метри квадратни.

На десет дена пред почетокот на пролетта, и после сончевото и топло време со температури до дваесетиот степен, денес Баба Марта донесе снег во градот под Пелистер и температури под нулата. Утрово во Битола беа измерени минус два сепени Целзиусови, а дневната температура се искачи само до четвртиот степен над нулата.

Енвер Тоска 25 годишен полицаец од Битола, денеска  во прилепскиот Основен суд  го призна свирепото убиство на 36 годишниот битолчанец  Бекир Алили, што се случи лани во септември во близина на прилепското село Беловодица. Ова за апла.мк го потврди и адвокатот на Тоска, Васко Георгиев.

Последното родено Еврејче во Македонија пред самата депортација кое го преживеало Холокаусотот, денес познат уметник низ светот, Мати Грумберг проектираше сончев часовник, голема скулптура која ќе ги краси Еврејските гробишта во Битола. Скулптурата која е донација од Израел, по проектот на Грумберг ја изработи фимрата „Пет Битола“ и се наоѓа во нивниот двор после Светонеделските гробишта, а наскоро се очекува да биде поставена во центaрот на Еврејските гробишта.

Таму горе на небото

зора руди, земја буди,

ден морави шири крила

и алова точи свила...

(Кочо Рацин)

Следните две фотографии се од Димче Дамчевски 

Песна за желбите пред Споменикот на депортираните Евреи во Битола денес испеаја групата „Отсма“ од Израел составена од тинејџери со попреченост. Тие под водство на музичкиот терапевт Офра Коен денес преку песна ја ирзазија нивната жеба да живеат во мир. Во групата настапија пет солисти и едно момче кое свиреше гитара, а настапот им беше крајно синхронизиран како да пее професионален хор со музичка придружба. Имаа настап на комеморацијата по повод 76 годишнината од депортацијата на битолскаите Евреи и ги разнежнија срцата на присутните.

„Јас сум музичар и продуцент и верувам цел мој живот дека инклузијата во општеството е многу важна. Мојата работа од срце им ја посветувам на овие деца кои ја учат музиката како и сите останати луѓе, пеат и танцуваат. Осум години го работам ова и друшата ми е исполнета, правиме музика за сите луѓе и тоа делува како музичка терапија за овие млади лица“, рече Коен.

Таа додаде дека настапиле во Битола зашто сакале да му покажат на целиот свет дека на овие деца им треба некој што ќе верува во нивните можности.

„Името на групата е ‘Отсма’ , тоа е моќ, симболично е поставено името да покаже дека ние можеме да направиме нешто што сакаме. Дека е возможно и тука се виде дека е“, додава музичкиот терапевт.

Тунејџерите, други лица со попречености, гости од Изараел, битолчани денес се приклучија кон Маршот на животот што традиционално се одржува по втор пат во Битола токму на денот кога во 1943 година беа депортирани 3013 битолски Евреи во логорите на смртта. Тие го поминаа патот што пред 76 години го вревеа Евреите до Железничката станица од каде беа со вагони однесени и никогаш не се вратија назад.

(извор СДК.МК) 

Кандидатот за претседатeл Стево Пендаровски на празникот Прочка од Битола испрати порака за национално помирување. Запрашан на кој политичар би му простил на денешен дeн, тој рече „на сите оние кои имаа лоши зборови за мене во изминатите години“, а при тоа додаде дека простувањето треба да стане пракса за сите, посебно за Македонците меѓу кои има длабоки и широки поделби.