Жаклина Наумовска е избрана за нов  секретар на ОО на СДСМ Битола, додека  Александар Дракуловски за организационен секретар на партијата во Битола. Ова се новите соработници на првиот човек на СДСМ во Битола Златко Ќурчиевски, кој неодамна ја доби довербата од лидерот Зоран Заев да раководи со општинската  организација во Битола.

Наумовска долги години е  активен член на партијата, а на  битолската јавност и е позната како актуелен советник  во  Советот на Општина Битола.  

Синоќа во партиските простории во Битола се одржа изборна конференција на која присуствуваше новиот генерален секретар, Љупчо Николовски.

На изборната конференција беа избрани членовите на новиот Извршен и Надзорен одбор.

Во новиот состав на Извршниот одбор влегуваат 18 членови мегу нив Панде Богоевски, директор на ЈКП Комуналец, Весна Спиркоска, директор на Здравствениот дом, Зоран Дојчиновски  директор на јавното претпријатие кое ќе управува со паркинзите, Димитар Пипилевски, директор на школото во Бистрица , Бисера Костадиновска Стојчевска  професор на Педагошки факултет и Цветe Димитриевска, професор на Техничкиот факултет во Битола.

Започна  поставувањето на лед светилките во Градскиот зелен пазар во Битола, и веќе неколку денови пазарот е осветлен навечер каде рабоите се веќе завршени. Шест тимови на фирмата изведувач работата на поставување на светилките за што меѓу тезгите се поставени и монтажни скелиња. Пазарџиите велат дека се задоволни бидејќи лед светилките ќе се палат и дење кога времето ќе биде облачно.

-Градскиот пазар во Битола ќе светне и во ноќните часови.
ЈП Пазари го заврши тендерот за поставување на нови ЛЕД светилки во градскиот пазар. Промената на старите светилки ќе заврши за десетина дена.
Вкупна инвестиција 200.000 денари се обезбедени од сопствени извори.
Темницата  ќе стане минато, најави неодамна  директорот на ЈП Пазари- Битола Владе Атанасовски.

Не е искосена бујната вегетација која прекрива делови од Историската патека на Пелистер, пешачка зона која ги поврзува Инфо центарот сместен во Вилата на Лазо со месноста викана Бегова чешма. На делови бујната вегетација достигнува висина од две метри и ја има прекриено патеката, па таму е тешко поодна, посебно за мали деца. 

Директорот на Националниот парк Амет Аџиу вели дека моменталната ситуација се должи на недостиг на работна сила. Имено, во моментот во посета на Пелистер се странски експерти вклучени во валоризација на паркот, па дел од вработените се ангажирани во тој процес. Директорот посочува дека ги искосиле ливадите кои се најпосетени од туристи преку лето, како Голема и Мала Ливада, излетничкото место Кај печурката и други  локации кои се приоритетни. Аџиу додава дека за скоро време ќе се искоси и вегетација која покрива делови од Историската патека на Пелистер.

Јавното претпријатие за паркинзи ќе започне со работа веднаш по завршување на тендерските постапки за набавака на опрема, а во меѓувреме ќе течат и огласите за вработување. Се очекува до крајот на месецот да профункционира наплатата на градските паркинзи, а во овој вакуум период пркирањето низ Битола е бесплатно.

Битолската библиотека опреми катче каде читателите можат да остават предлози кои нови книги би сакале да ги позајмат и прочитаат.

Здружението на пезнионери од Битола заедно со Здружението на инвалитски пензионери и инвалиди на трудот од Битола почна со реконструкција на влезните скали кон Здруженијата кои беа руинирани. Сега се става и пристапна рампа за употреба од страна на лицата со посебни потреби. За изведување на работата беа добиени пет понуди, а според најповолна цена од страна на комисијата беше прифатена фирмата „Евро инженеринг“ од Битола.  Согласно договорот со изведувачот, реконструктивните работи треба да завршат за еден месец. 

За 16 проценти се зголемуваат платите на сите вработените во градинките, објави денеска на прес конференција СДСМ, а оваа одлука ќе се најде утре на дневен ред на седнцата на Советот на Општина Битола. Со ова, велат од СДСМ, после долги години ќе се покачат платата на вработените во  градинките.

Баирчани чекале да се стемне за баба Цена и Таца да излезат на улица, да седнат на камењата и да кажат што разбрале преку ден. И така до утредента слушнатото од уста на уста ќе се пренесело тебе- мене. Сабајле главна вест. И коментарите почнувале со браво за еди кој си оти сторил нешто или ја’зк за друг кој си оти не сторил нешто.