Патници во километарски колони  возила со часови се загалвени на Плетвар поради  густ чад и намалена видливост од голем шумски пожар над  селата Тројаци и Топлица. Сообраќајот на патот  Прилеп-Росоман е во прекин  во двата правца од 15 часот и 40 минути информираат од Автомото сојузот.

Битолчанката Мери Тошевска има потреба од донации на хумани граѓни за да го продолжи лекувањето во Ниш, Србија. Таа се движи со инвалидска количка, а медицинскиот третман што го добива таму ја подобрува нејзината здравствена состојба. За да се исправи на нозе мора да продолжи со лекувањето во Србија, кое мораше да го прекрати неодамна поради недостиг на средства. Сега оваа неуморна и храбра жена и мајка живее со надеж дека ќе успее да ги собере потребните средства и да се избори за поквалитетн живот каков што заслужува. 

Донации на: 

Општина Битола го објави конкурсот за доделување на наградата „4-ти Ноември“ за 2019 година. Наградата се доделува на физички и прани лица како знак на општествено признание за значајни остварувања во стопанството, науката, уметноста, културата, воспитанието и образованието, здравствената заштита, социјалната заштита, спортот, техничката култура, заштитата и унапредувањето на животната средина и природа како и други сегменти од животот, трудот и творештвото што претставуваат посебен придонес за развојот на општината, Република Северна Македонија и светот.

Наградата се доделува во две категории: едногодишна за достигнувања во периодот од 01.08.2018 до 31.07.2019 година и за животно дело што претставува заокружена континуирана творечка целина. 

 Наградата за едногодишни достигнувања се доделува на правни и физички лица, а за животно дело на едно физичко лице. Наградата за правни лица се доделува во вид на диплома, за поединци во вид на диплома и паричен износ, а за живтно дело во диплома и паричен износ. 

Право на предлагање кандидати имаат правни лица, здруженија на граѓани, групи на граѓани, поединци. 

Предлогот треба да биде детално образложен во писмена форма, во 10 примероци, а за кандидатите поединци да содржи и кратка биографија. 

Предлогот за доделување на награда за печатени или снимени творби се приложува и примеок од нив. 

Конкурот трае од 13.09.2019 до 14.10 2019 година. Предлозите се изнесуваат до УО на Фондот на наградата „4-ти Ноември“ на Општина Битола Ул. Булевар 1-ви Мај бр. 61 Битола.   

ИФФК „БраќаМанаки“ информира дека на еден ден пред почетокот на 40-тото јубилејно издание, во Македонија пристигна Едвард Лакман, годинашнит лауреат на Златна камера 300 за животно дело.

Пред почетокот на Филмскиот фестивал „Браќа Манаки“, домакинот во Битола, Центарот за култура на својата фејсбук страница објави поштенска марка со ликот на Милтон Манаки кој била пуштена во употреба во 1980 година. Тоа било една година по создавањето на фестивалот, а марката во тоа време кога писмата биле едно од носечките средства за комуникација на далечина, покажува за високото вреднување на  делото на Манаки на просторите на поранешна Југославија. Годинава фестивалот слави 40 години постоење, па една ваква иницијатива добро ќе дојдеше.

„Во 1980 година тогашна ПТТ пошта на Југославија објави поштенска марка со ликот на Милтон Манаки. Нека ова биде поттик и за Македонска Пошта. Убаво би било браќата Милтон и Јанаки Манаки да ги имаме на наша поштенска марка во ново издание“ напишаа од Центарот за култура.

Преку дружба со публиката во ресторан Чифлик со групата Калабалак актерот Петар Горко прослави 30 години богат актерски ангажман.

Петар Николовски истакнат член на СДСМ е избран да ги води младите социјалдемократи од Битола во наредните две години. На денешната редовна конференција за избор  на Николовски  присуствувале  дел од општинското раководство на СДСМ Битола, дел од поранешните претседатели на СДММ Битола, како и генералниот секретар на СДММ Виктор Велевски, потпретседателот на СДММ Никола Рилак и членот на извршниот одбор на СДММ Марко Спиркоски.

Николовски е избран едногласно. На конференцијата исто така се  избрани и извршниот и надзорниот одбор. 

Во Битола за прв пат на 15 септември ќе се одржи “Трчај Бе”, трката на 5 и 10 километри низ улиците на нашиот град. Почетокот е закажан од 09:00 часот на Плоштадот Магнолија.

За таа цел изготвен е сообраќаен проект за посебен сообраќаен режим и издадена е согласност од Општина Битола, како и одобрение бр. 12.1.5/2280/2 од 12.09.2019 година на МВР - СВР Битола.

Посебниот сообраќаен режим ќе започне во недела 15.09.2019 година во 07:00 и ќе трае до 12:00 истиот ден. За тоа време улиците - Булевар 1-ви Мај (од страна на музичкото училиште - до Црн Мост и од страна на Општината до Безистенот), ул. Добривое Радосављевиќ (кај стаклената зграда и зграда Грозд) ул. Никола Тесла (кај Скопска пивара) ул. Михајло Бојаџиев, ул. Димо Хаџи Попов (помеѓу Офицерски дом и Аероклуб) како и градското шеталиште и цела улица Широк Сокак ќе бидат затворени за сообраќај.

Во Бугарија најверојатно се наоѓаат над педесетина патриотски, необјавени песни од македонскиот револуционер, поет и народен херој, Мите Богоевски (1918-1942). Вакви сомнежи во 2012 година изнесе Богомил Богоевски , синот на починатиот поет, вечејќи дека во изминатите години во неколку наврати му се јавувале лица од Бугарија повикувајќи го да оди лично и да го земе творештвото од неговиот татко.