Адвокати ангажирани во имплементацијата на проектот „ Мобилни тимови за правна поддршка на поединци и семејства со ниски приходи“ финансиран со средства од Европска Унија ги едуцираа жителите на општина Новаци.

Целта на проектот е зајакнување на пристапот до правда на најранливите категории на граѓани со што ќе се придонесе кон правно зајакнување , подобрување на законодавството и имплементација  на постоечките механизми кои се однесуваат на пристапот до правдата.

Проектот опфаќа серија активности и тоа: правно советување од страна на мобилни тимови, локални настани на правна свесност на локалното население, стратешко застапување во предмети кои се однесуваат на пристап до правда, активности за подобрување на законите, нивна примена и политиките кои се однесуваат на пристапот до правда.

На обуката беа присутни околу 30 лица од разни целни групи, категории на граѓани и  разни возрасти.Поставија прашања од правен карактер на кои добија соодветни одговори и совети од страна на стручните лица.

По спроведувањето на проектот се очекува да се постигнат неколку резултати и тоа:

-       обезбедени 1920 правни совети за правните проблеми и прашања кои ги засегаат граѓаните со ниски приходи и нивните семејства,

-       зголемена свесност и познавање од областа на правото  со спроведување на  64 локални настани за правно описменување на локалното население,

-       преглед на имплементацијата на важечкото законодавство кое се однесува на пристап до правда преку изготвување на два годишни извештаи за 2017 и 2018 година со користење на индикатори развиени од Европска унија,  и

-       подобрена законска рамка од областа која се однесува на пристап до правда преку поднесување на предлози и иницијативи.

Проектот започна да се имплементира на 1 јануари 2018 година, а ќе трае до 31 август 2019 година.

За проекти што ќе се имплементираат во селските  средини во Пелагонија, Центарот за развој на Пелагонискиот плански регион со поддршка на Министерството за земјоделие ќе вложи близу 6 милиони денари.  

-Нови проекти за Центарот за развој на Пелагонискиот плански регион финансирани од страна на Министерството за земјоделство, шумарство и водостопанство на РМ, преку кои ќе се унапреди земјоделството и руралниот развој во регионот.
Во рамките на Програмата за капитални субвенции за развој на плански региони во областа на земјоделството и руралниот развој , Центарот за развој на Пелагонискиот плански регион со поддршка на МЗШВ во руралните средини на Пелагониските општини ќе имплементира проекти со вкупна вредност од 5 855 968 денари.
Целта на проектите е да се олесни пристапот до обработливите површини, како и да се зголеми и олесни производството на земјоделски производи, изјави Гого Видимче , директор на Центарот за развој на Пелагонискиот плански регион.

Бројот на граѓански организации во Битола изнесува 590, меѓутоа бројот на активни здруженија е помал, пишува во Стратегијата за соработка на Општина Битола со невладиниот сектор. Од постоечкиот број на невладини организации само три се регистрирани како еколошки здруженија. 

Методи Силјановски од  денеска  со решение  е избран за директор на ЈКП „Нискоградба“-Битола со мандат од 4 години. Со одлука на градоначалничката Наташа Петровска, Силјановски  е избран за директор како кандидат кој во целост ги исполнил бараните услови од распишаниот  јавен  конкурс.  Тој во изминатиот период, од смената на локалната власт досега раководеше со претпријатието како вршител на должност. Силјановски е дипломиран градежен инженер, доаѓа од редот на вработените во „Нискоградба“ и е кадар на Либерално- демократската партија.

Денеска во Битола започна последниот од трите дводневни настани за вмрежување наменети за граѓанските организации и креаторите на младински политики на тема „Младинска мобилност“. Настанот го организираат Младинскиот културен центар – Битола и Фондацијата за претприемачки сервис за млади, во рамките на проектот „Јакнење на капацитетите на граѓанските организации со цел унапредување на креирањето на младински политики“, од програмата IPA TAIB 2013 „Зајакната вклученост на граѓанското општество во реформите за интеграција во Европската унија“.

-Ова е последниот од трите настани за вмрежување помеѓу граѓански организации и креатори и спроведувачи на политики и програми за млади и е посветен на многу важна тема за младите, а тоа е мобилноста со цел да се оддаде едно признание за важноста и влијанието на мобилноста врз позитивниот професионален и социјален развој на младите. Настанот ќе овозможи да се добијат директни информации за моменталната состојба како и плановите, програмите и новините во областа на мобилноста, презентација на најдобри практики и споделување на искуства и научени лекции од мобилноста на терен. Ќе се дискутира Bh за Еразмус плус вклучително за ЕВС програмите, за Peace Corps волонтерите, за платформите млади инфо и јутвики итн, вели Мери Нашоку, координатор за градење на капацитети  од Младинскиот културен центар во Битола.

Според концептот на настанот, денеска се организира панел дискусија со осврт на можностите и новините во програмите за мобилност, како и за искуствата и научените лекции од мобилноста на терен, а се дискутира по следниве прашања:

-          Кои програми за мобилност се достапни во Македонија?

Кои се програмите кои се користат или можат да се обезбедат за младинска мобилност?

-          Во кои области на мобилност се реализираат овие програми? Кои се зацртаните цели кои програмите сакаат да ги остварат? (Што претставуваат и кои се разликите меѓу програмите Еразмус +, ЕВС, РИКО, други)

-          Кои се потребите на младите и младинските организации во поглед на мобилноста? Дали програмите одговараат на овие потреби?

-          Кои се препораките за подобро искористување на понудените програми за мобилност  и зголемување на нивниот ефект?

Утре ќе се посвети внимание на Б2Б (бизнис со бизнис) средбите помеѓу граѓанските организации со цел поврзување, запознавање и остварување соработка во иднина. 

Настанот е наменет за претставници на граѓански организации кои имаат искуство и интерес за работа во полето на младинската мобилност, креатори и спроведувачи на политики за млади на национално и локално ниво, образовни институции, млади корисници на програмите за мобилност и сл.

Невладината организација "Еко жена" од Битола, по повод претстојните Новогодишни празници, за штитениците од Заводот за рехабилитација на деца со оштетен слух "Кочо Рацин", донираше андроид бокс и 60 пара чорапи.