Се бележат пешачките премини пред училиштата во Битола. Градоначалничката Наташа Петровска најави дека до стартот на учебната година, односно до понеделник, ќе биде обележана хоризонталната сигнализација со сите училиште во општината.

„Бидејќи е законски завршена постапката за избор на извршител околу означувањето на хоризонталната сигнализација, до понеделник ќе се обележат пешачките премини до училиштата како би се овозможило пред почетокот на училишната година, учениците да имаат побезбеден пристап до сите институции“, рече Петровска. 

 

Во изминатиот период, Општината се обиде на тендер да пронајде фирма која ќе ги обележи пешачките премини со поквалитетна и подолготрајна боја. Но, таква фирма не се пријави, па тендерот пропадна и потоа мораа да распишат нов.  

Фабриката за опрема и делови својата општествена одговорност денес ја покажа на дело донирајќи влезни врати во Основното училиште „Климент Охридски“ во Битола. Со оваа донација и училиштето, а и околу илјада ученици кои од понеделник таму ќе посетуваат настава, ќе бидат побезбедни.

Директорот на ФОД, Методија Тасевски, рече дека со оваа скромна донација, фабриката изразува поддршка кон училиштето „Климент Охридски“ на почетокот на учебната година, а соработката ќе продолжи и понатаму.

Битола се помалку е мојата Битола, а веќе четириесетина години ги газам истите улици. Градот тој, а лицата на Широк Сокак непознати. Некогаш од средби со пријатели еден час го минував Корзото. Денес одвај и да имам кому да мавнам. Миграција збриша цели генерации. Дел се блиску, во метрополата, па доаѓаат преку викенд. Но, многу повеќе се оние распрскани низ белиот свет, со стотици километри далеку од местото кое некогаш го нарекуваа дом.

Пред почетокот на учебната година, со средства од Општина Битола, се работи на последните активности за санација на покривните конструкции во две битолски училишта.

Од Општина Битола соопштија дека Средното општинско медицинско училиште „Д-р Јован Калаузи“, доби нова покривна конструкција во делот на санитарниот чвор на вториот кат во училиштето.Таваните кои речиси не беа употребливи и претставуваа опасност за учениците, се заменуваат со нови, со што, по подолго време, на учениците во ова средно училиште кои учат на вториот кат, ќе им се овозможи да ги користат тоалетите на сопствениот кат. На овој начин, се надминува уште еден горлив долгогодишен проблем во ова училиште, особено за учениците, затоа што се оптоваруваа тоалетите на останатите катови. Општина Битола, за реконструкција на таванскиот дел за ова училиште одвои над 37.000 денари.

Облечени по фустани, високи потпетици, шапки, венчиња од цветови, па дури и вратоврски, битолчани дотерани возеа точаци. Тие беа дел од настанот 51-ва критична маса „Дотерани на точак“ чиј повик беше „Да возиме како прави дами и господа“. На велотурата се придружија неколку стотици битолчани, а велосипедската дружба започна од плоштадот Магнолија, се одвиваше низ градските улици и заврши во Бар чаршија.

Некои песни не се забораваат. Остануваат евергрини. Таков е случајот со вонвременските синглови на познатата пејачка Сашка Петковска. Денес се навршуваат 35 години од нејзината трагична смрт во сообраќајна несреќа на патот Куманово-Свети Николе, а имаше само 32 години кога почина. Иако беше родена во Зрењанин, се сметаше за битолчанка бидејќи порaсна во градот на конзулите. Битола до денес не ја заборави, на забави се пејат нејзините песни, а музичарите до денес ја издвојуваат како еден од најдобрите женски музички гласови што произлегле од Битола.

-Ајде, со среќа да ни е денешната спогодба и соработка, рече генералниот директор на РЕК-Битола, Васко Ковачевски на денешното  потпишување на меморандуми за соработка со градоначалниците на општините Битола, Новаци и Могила, Наташа Петровска, Љубе Кузмановски и Јасмина Гулевска.

Според првиот човек на РЕК-Битола , комбинатот сака да им помогне на соседните општини во делот на економијата, социјалата и пред се во екологијата.

„Кугламе и сме среќни“ е проект во целосна реализација на ЗГ „Нови перцепции“ од Битола. Се работи за афирмирање на кугларскиот спорт во Битола и Битолско кој ќе трае од 10-ти септември до крајот на календарската 2018 година.

 ЗГ „Нови перцепции“ оваа активност ја реализира во соработка со Општина Битола, Општина Могила, Општина Новаци и кугларскиот клуб „Хераклеа“ - Битола.

Проектот овозможува бесплатно да започнат да куглаат 400 ученици кои во учебната 2018/19 година запишале 9-то одделение во основните училишта од трите Општини под надзор и тренерска работа на искусни кугларски тренери од Битола. Сите активности на учениците, вклучувајќи ги тренинзите, обуките, турнирите, гостување во Скопје ќе бидат во целост покриени од страна на ЗГ „Нови перцепции“.

Состојбата со безбедноста на сообраќајот на патиштата во Битола е сериозна, граѓаните треба да ја разбудат својата свест во насока на подобрување на сообраќајот, а секоја од институциите да ги преземат активностите кои се од значење за здравјето и безбедноста на граѓаните , предупредува Јасмина Талевска, претседател на Општинскиот совет за безбедност на сообраќајот на патиштата, пред „Неделата за безбедност на сообраќајот на патишатата“. 

- Забележуваме каков метеж има на сообраќајниците во кој секојденевно се пробиваме,

забележуваме дека хоризонталната и вертикалната сигнализација  се на многу ниско ниво. Исто сметам лично дека е небезбедно, зошто децата треба да почнат на школо во септември, а немаме обележано пешачки премини. Улиците стануваат небезбедни за движење на пешаците и не проточни за возилата, наведува Талевска, претседател на Општинскиот совет за безбедност на сообраќајот.

Таа оценува дека Битола има висок степен на моторизација,  застарен возен парк и решенијата кои се веќе дадени  во сообраќајната студија не одговараат на оваа слика.

- Оваа состојба е една колективна одговорност, секоја институцијата треба да биде повикана на таа одговорност. Институциите треба да бидат покоординирани, полицијата треба да биде носител на подобрување на состојбата, контрола, превенција,мерки, вели Талевска.

Според неа од извештајот за годинава  се заклучува дека зголемен е бројот на сообраќајни незгоди особено со млади.

А во извештајот стои дека 146 сообраќајни незгоди се случиле за првите шест месеци од годинава со една жртва, а лани во истиот период имало 138 сообраќајки со три жртви. Покачувањето годинава е за 5, 8 проценти со тоа што оваа година поголемиот број на сообраќајки биле во населено места или 110, наспроти 105 лани.

Иванчо Тошевски, претседател на Комисијата за безбедност при Советот на Општина Битола, оценува дека на територијата на Општината алармантно е што најголем процент од сообраќајните незгоди се случени во населено место каде што за безбедноста во сообраќајот е надлежена Општина Битола.

Виктор Илиев од граѓанската иницијатива „Битола на точак“, вели дека проблем се површините во градот кои се окупирани со автомобили и метежот кој се прави.

- Велиме катни гаражи, но за нив треба простор, градот има многу повеќе коли од колку што може да поднесе, улиците не се прилагодени за толкав сообраќај и сите насоки во иднина наместо да одат кон градење на катни гаражи, да се оди во насока на мерки кои ќе го намалат бројот на автомобили во следните години за околу 7 до 9 илјади, предлага Илиев.

Градоначалничката Наташа Петровска, нагласи дека уште во месец април, е објавен првиот јавен повик за обележување на хоризонтална сигнализација,но поради новите критериуми, немаше понудувач на тендерот.

-Потоа веднаш се спроведе втора постапка која што е во завршна фаза, избран е понудувачот, но тече жалбена постапка од друг понудувач. По одлуката, ќе се спроведува обележувањето на хоризонталната сигнализација, посочи градоначалничката Петровска.

Чоколадно млеко „Моја кравица“ и чоко корнфлекс и оваа среда битолската млекарница „Бимилк“ подготви како изненадување за своите потрошувачи. До работните места и домовите на дел од своите потрошувачи во Битола вработени им го доставија вкусниот чоколаден појадок за активен почеток на новиот работен ден. Чоколадното млеко „Моја кравица“ го буди детето во секој од нас!