Филип Рикер, вршител на должност помошник државен секретар на САД за Европа и Евроазија и амбасадорката на САД во земјава Кејт Мари Брнз денес оствариja средба со градоначалничката на Битола, Наташа Петровска. 

Со ликовни дела на кои е отсликана Битола, нејзините архитектонски и културни богатства, како и вечната Хераклеја синоќа во Завод и музеј од Битола беше отворена изложба по повод јубилејот 60 години творештво на познатиот битолски уметник Панде Петровски. Оваа изложба која содржи над 200 негови творби беше отворена во предвечерието на фестивалот „Илинденски денови“ и е поддржана од Министерството за култура, Општина Битола, Центарот за култура и други институции..

Престануваат да важат посебните мерки за работа и превентива  дадени  по  препорака на министртството за здравство при прогласувањето  на епидемија на морбили на ниво на државата. Од денес важи редовниот ред на работа  во Клиничка Болница Битола, потврди за апла.мк поптпаролот  на Клиничка болница -Битола Сузана Конеска.

Во јавното претпријатие „Комуналец“ вчера се одржала средба на советници од Општината, на која присуствувале претставници на советничкото мнозинство и опозицијата, додека поради користење на годишен одмор своето отсуство го најавиле советниците од граѓанската иницијатива „Поинаку“, соопшти директорот Панде Богоевски.

Женска обредна поворка „Водичарки“ од селото Беранци прогласена  е за културно наследство од особено значење, подкатегорија големо значење, објави Владата на Р.С.Македонија во Службен весник.

,,Започнуваме со значаен проект за општината и тоа интегриран систем за зелен транспорт. Ќе бидат набавени две електро-транспортни возила, мини бус и помало возило, кои ќе бидат ставени во функција на граѓаните и ученици. Проектот опфаќа и систем за полнење на овие возила со електрична енергија", рече градоначалничката Наташа Петровска.