Телевизори, шпориња, фрижидери, фотелји и друга покуќнина  честопати може да се види во реката Драгор. Денеска оваа збирка е надополнета со двосед.

Приоритет на Владата и локалната власт е економскиот напредок, создавање европски општини, со најдобри услови за граѓаните. Клучни во оваа насока се растот на платите  и изградбата на инфраструктурни проекти во Битола, рече министерот за финансии Драган Тевдовски, на денешната средба  со градоначалничката Наташа Петровска.

После 38 случаи на повредени пешаци, граѓански организации од Битола  ја започнаа кампањата„ СТОП  сакам да поминам“ со цел поставување на семафор за пешаци  на улицата „Васко Карангелевски“ во Битола во делот кој води кон ОУ „ Елпида Караманди“ , Домот за донечиња и мали деца и до Ценатрот  за лица со попреченост.

Со средства од Центарот за развој на Пелагонискиот Регион отпочната е  четвртата фаза од партерното  уредување на коритото на река Шемница во вредност од 2.710.921 денари, објави градоначалничката на Општина Могила Јасмина Гулевска.

Со почетокот на нејзиниот мандат започнати се инфраструктурни проекти за изградба на патишта, израмнување на полските патишта, нови краци за водовод и канализација во повеќе населени места во општината.

-Економскиот развој на општина Могила и понатаму ќе продолжи со несмалено темпо, а со тоа и инвестициите во инфраструктурата и подобрувањето на условите за живот, вели Гулевска.

Сите примени кандидати на конкурсот за вработување во Клиничката болница веќе имаат потпишано договор и се регуларно пријавени со исклучок на неколку кои треба да си го регулираат претходниот статус, пишува во демантот испратен од Клиничката болница од Битола на прес конференцијата што ја одржа ВМРО-ДПМНЕ дека имало застој во вработувањата. Менаџерскиот тим на болницата предводен од директорот Зоран Лазаров, во демантот посочуваат дека нивниот почитуван колега, д-р Тони Коњановски, кој зборуваше на пресот на ВМРО-ДПМНЕ, изнел невистини како во делот на вработувањата , така и во делот за акцелераторот.

Има пропусти и застој во реализација на долго очекуваниот конкурсот за вработување на 30 лекари во Клиничката болница во Битола, обвинија на прес конференција од Општинскиот комитет на ВМРО-ДПМНЕ во Битола. Од партијата посочија дека меѓу неисполнетите ветувања и стопирани отпочнати проекти е и акцелераторот за зрачна терапија во Болницата. Од СДСМ им возвратија дека претходната власт оставила пуштош во здравствениот систем и болницата и дека во нивно време немало вработување на толку импозантен број од 70 лица во болницата.

Ракометниот клуб „Пелистер“ отвора нова страница во своето работење. Исплатени се сите долгови на клубот кон добавувачите, а исто така исплатени се и обврските кон играчите, екипта е консолидирана, со што се создаваат нови можности и перспективи, објавија денеска од управта на РК „Пелистер“.

Локализиран е пожарот кој вчера попладне избувна во близина на селото Асамати, Ресенско, соопштија од Противпожарната единица на Ресен за Апла.мк.

„Поржарот е локализиран. Во гаснењето учествувавме со три поротивпожарни возила и седум пожарникари. Пожарот се прошири од Асамати кон Грнчари. При крај е интервенцијата и пожарот е веќе локализиран“, велат од Противпожарната единица од Ресен.

Пожарот, велат, не го зафатил заштитниот појас со трски кај Езерани.

Ракометната школа на прочуелниот македонски ракометар Кире Лазаров, капитенот на македонската ракометна репрезентација, почна со работа во Битола и Новаци. Школата тренинзи одржува во училишните спортски сали во општина Новаци, а во Битола во ОУ „Коле Канински“ и ОУ „Климент Охридски“. Со обуката ќе бидат опфатени деца од трето до седмо одделение кои од страна на професионалци ќе ги совладаат основите на ракометот, на тимската работа, ќе стекнат кондиција, а врз ќе се делува и едукативно и педагошки. Тренери за Битола и Новаци се дипломираните професори по физичка култура Кирил Атанасовски и Борче Марковски.

Ликовните уметници и младите ликовни таленти од Москва, Русија, деновиве беа пријатно изненадени од богатството и квалитетот на детски ликовни творби што Малиот битолски Монмартр ги изложи кај нив во националната библиотеката Доброљубов.

Изложбата на битолскиот Монмартр беше отворена во петокот и ќе трае до први октомври. Таму покрај тоа што можат да се видат стотици квалитетни детски цртежи, се одржаа и часови за сликање со акварел техника на кои учествуваа млади ликовни таленти од Битола и Москва.