Мерната станица на платформата Земи здив  во месноста Бадембалари, денеска попладне покажа високи концентрации на штетни честички во амбиенталниот воздух. Со помош на жителите  од Бадембалари, кои направија фотографии и видео се откри и  изворот на аерозагадувањето- запалена отпад, а огнот ја зафати и сувата трева во околината.

На територијата каде интервенира Битолската противпожарна единица годинава се евидентирани 312 пожари што е рекорд. Пожарникарите велат дека само во март на територијата на Битола имало во еден ден осум пожари. Изминатите денови, иако темературите  беа многу високи, немаше голем број на пожари. Но, сепак со интерневции од претходните месеци се достигнува рекорден број газнења незапаметен во последните години.  

46 годишниот битолчанец, со иницијали З.С. ,возачот на “цитроен берлинго“, загина на самото место во тешка сообраќајна несреќа што денеска околу 12:40 часот се случила на магистралниот пат, Прилеп – Битола, кај селото Тополчани.

Во еден ден пламнаа три пожари на територијата на општина Новаци за кои нема точни податоци од што се предизвикани, но постојат сомнежи дека биле потпалени.

Полицијата информира дека -На 02.08.2019 година во 03,00 часот во с.Дихово-битолско, во двор на вила сопственост на Д.М. од страна на неговиот зет за ќерка Р.Р.Џ. (58) било опожарено патничко моторно возило „Опел Корса“ со битолски регистарски ознаки и кровот на вилата, a по претходна расправија. Р.Р.М. е приведен од полициски службеници. Се работи на расчистување на случајот.

Со полагање цвеќе пред споменикот на Илинден во храмот на црквата Св. Недела во Битола, започна чествувањето на големиот македонски празник Илинден. Претставници од Советот на Општина Битола положија цвеќе во име на градоначалникот Наташа Петровска, која денес присуствуваше на свечената церемонија во Крушево. Цвеќе положија и претставници од Советот на Општина Битола и политичките партии СДСМ и ВМРО-ДПМНЕ.

Кај споменикот на двата илиндена пред Центарот за култура, во чест на големиот и светол празник Илинден, делегација од Советот, предводена од советничката Виолета Дракалска, положи свежо цвеќе. Во чест на празникот и жртвите кои ги положија животите за денешната слободна Македонија, со свежо цвеќе почест им оддадоа и делегациите од Советот на Општина Битола, Општинската организација на Сојузот на борци Битола, како и политичките партии СДСМ и ВМРО-ДПМНЕ.

Скулптура на коњ поставена е во мариовското село Градешница, а посветена на сите жртви од Првата светска војна. Споменикот е донација на уметникот и склулптор Златко Бојковски кој живее во Скопје, но роден е во  Градешница. Скулптурата е изработена за да се одбележат 100 годишнината од завршувањето на Првата светска војна. Бојковски ја изработувал три години од шрапнели од бомби кои ги собирал на Кајмакчалан и Добро Поле на местата каде се водел Солунскиот фронт. Откако го завршил делото, побарал да се постави во неговото родно село. Споменикот беше откриен денес во присуство на градоначалникот на Новаци Љубе Кузманоски.

Јавното претпријатие „Стрежево“ на своите вработени, граѓаните на Битола и на цела држава им го честита Денот на Републиката, 2 -ри Август кога било дигнато Илинденското востание во 1903 година и се одржало Првото заседание на АСНОМ во 1944 година. Илинден е еден од најголемите македонски празници во кој е испреплетен кодот на македонската самобитност, истрајност и вековитост.