„Ветувањата со кои се рафрлаше сегашната власт пред две години преминаа во буквален хаос во однос на паркирањето во градот. Иако ветуваа со полна уста , а досегашниот концепт за јавно-приватно партнерство страшно го критикуваа, сега се виде дека се било само голема манипулација. Ни кога ветуваа, ни сега немаат концепт и решение за проблемот со јавното паркирање“, обвини на прес конференција Стефан Димовски, потретседател на ОК на ВМРО-ДПМНЕ во Битола.

Исто така рече дека голи пароли се тврдењата оти паркинг услугите поевтинуваат. „Ако се земе статистиката дека најмногу битолчани во просек ги користат за два часа, со сегашните цени ќе плаќаат и поскап паркинг“, рече Димовски. Додаде дека неизвесна е судбината на новото јавно претпријатие, а извесна е само онаа на вработените кои останаа на улица. 

„Поделени се околу 1000 картички на земјоделците од Пелагонија за користење на зелена нафта. Со оваа мерка земјоделците ќе набават нафта за 30 проценти поевтина, која во овој момент е повеќе од потребна за прибирање на плодовите , но и за обработка на земјиштето, па задоволството кај земјоделците е големо бидејќи се намалува цената на самото производство, а со тоа и земјоделскте производи ќе бидат поконкуретни и на крајот се враќаат пари директно кај земјоделците што досега се нема случено“, рече на денешната прес конференција Менде Трајковски портпарол на Општинската организација на СДСМ од Новаци.

ЈКП Нискоградба им соопштува на граѓаните во општина Битола дека поради изведување на градежни работи на улицата „Мордо Нахмијас Лазо“ , на потегот од раскрсницата со улицата „Димитар Тодоровски “ до патчето за манастирот „Света Ана“ , улицата ќе биде затворена за сообраќај  во периодот од 7, оо до 15, оо часот ,во наредните неколку денови се до завршување на работите. 

За време на изведувањето на работите ќе има прекин во снабдувањето со вода, а сообраќајот ќе се регулира според воспоставениот режим.

Се молат граѓаните да се придржуваат кон ова соопштение.

ЈКП Нискоградба

Времето денеска ќе биде сончево и многу топло. Ќе дува слаб ветер од југоисточен правец. Минималната температура ќе биде помеѓу 13 и 22, а максималната ќе достигне од 34 до 40 степени.

Во Пелагонискиот Регион температурата ќе се искачи до 37 степени.

Во Скопје сончево и многу топло време, со температура до 39 степени.

До среда ќе се задржи сончево и многу топло време со натпросечни температури на воздухот. Ќе биде активирано жолто, а за некои региони портокалово ниво на опасност од високи температури и УВ зрачење.

Во среда попладне и во четврток ќе има зголемување на облачноста проследена со локален пороен дожд и грмежи. Од четврток ќе има и намалување на температурата, најпрво во северните делови, а од петок и насекаде низ земјава.

Битолскиот велосипедист Јовче Даскаловски од клубот „Екстрим бајк тим Битола“ на Државниот шампионат во спуст во Грција успеа да победи во дисциплината сингл краун.

Жетвата на пченица е на самиот крај, ожниени се близу 68 илјади хектари со лебно жито. Министерот за земјоделство, шумарство и водостопанство Трајан Димковски денска беше меѓу земјоделците во пелагониското село Гермијан каде на средба со земјоделците се разговараше за жетвата, цената и условите за откуп.

-Министерот за земјоделство, шумарство и водостопанство Трајан Димковски денеска го посети  селото Гермијан придружуван од раководителот на подрачната единица на МЗШВ во Битола Методија Илиевски  Директорот на АФПЗРР Николче Бабовски, Градоначалникот на Општина Новаци Љубе Кузманоски.
Во фокусот на оваа посета беше ставена жетвата која се наоѓа во завршна фаза.
Годинава според последните податоци вкупно се ожниени 67.833 хектари или 92% о вкупната жетвена површина која изнесува 73.479 хектари, информираат од Министерството за земјоделство.

Тура со мотори низ улиците на Битола, а голем дел од моторџиите немаа соодветна опрема, односно не носеа кациги, иако колоната и на почетокот и на крајот ја обезбедуваше полиција.

Денес во Битола се измерени 35 степени, а топло време со исклучително висока температура метеоролозите најавуваат и за утрешниот ден, кога се очекува во Битола температурата да се искачи до 37 степен. 

Граѓанската иницијатива „Понаку“ бара од Јавното претпријатие „Комуналец“ да им ги врати металните обрачи за кеси кои ги отстрани од битолските улици, за како што пишуваат во нивната реацкија, да можат повторно да ги насместат и битолчани да имаат каде да го фрлаат ѓубрето. Реакцијата на „Поинаку“ следува откако „Комуналец“ пред неколку денови ги тргна жолтите кеси и металните обрачи и на прес конференција соопшти дека тоа го направи по налог на комуналната инспекција.

„Бидејќи изнесовте дека во ноќта помеѓу 01 и 02 август 2019 година ги презедовте овие дејствија наводно по налог на комуналниот инспекторат при Општина Битола, бараме од Вас јавно да ја презентирате документацијата која согласно Законот за јавна чистота и Одлуката на Општина Битола од 2012 година ( објавена во Службен Гласник бр.14/2012 година ) треба да биде составена при преземање на вакви дејствија ( записник, фотографии, присутни лица, службени белешки, потврда за одземени предмети и останато – член 115, 116 и 117 од истата одлука ). Исто така презентирајте и документација и доставете информација до јавноста дали е формирана комисија од Градоначалникот на Општина Битола која е должна да постапува по жалби при вакви ситуации ( член 117 од истата одлука )“, пишува во реакцијата на „Поинаку“.

Понатаму прашуваат „по кој основ ги држите осум дена металните обрачи, каде се наоѓаат истите, зошто не ги враќате, за да можеме повторно да ги наместиме како битолчани би имале каде да го фрлаат ѓубрето низ градот“.

„Зошто објавивте дека започнавте постапка за набавка на 70 канти за ѓубре, дури откако ние наместивме обрачи со кеси, доколку до 01/08/2019 година имаше доволно канти за ѓубре низ Битола“, велат од „Поинаку“.

На местата од каде беа извадени кесите за ѓубре, поставени се лепенки со натпис „ Овде имаше кеса за ѓубре, Панде ја изваде“.

Директорот на Комуналец Панде Богоевски пре четири дена соопшти дека кесите се тргнати по налог на комуналната инспекција зашто со нив се прекрушуваат одредби од Законот за јавна чистота и Одлуката за одржување на јавна чистота на јавните површини во Битола, ја нарушуваат амбинеталноста на градот.