Еко центарот кој што работи под закрила на ЈП „Комуналец“ и со поддршка на Општина Битола, е носител на големиот настан кој што ќе се случи по повод Денот на планетата земја на 22 април. По серијата на презентации одржани во основните и средните училишта и во сите детски градинки во општината како дел од активностите на Еко центарот, ќе се случи првата заедничка оперативна координација на одбележувањето на овој ден. Директорот на ЈП „Комуналец“ Панде Богоевски, во присуство на градоначалничката на Општина Битола Наташа Петровска и директорите на образовните институции во градот, на координативната средба ги договорија конкретните чекори за локациите и начинот на делување на терен.

„Сите заедно во понеделник, во 12 часот заеднички ќе го одбележиме Денот на планетата земја и со тоа ќе направиме заеднички чекор кон подигнување на свеста и менталитетот кај нашите сограѓани, во однос на селектирањето на отпадот и истиот да не се фрла насекаде. На пет различни пунктови во градот, односно во Старата битолска чаршија, на Плоштадот Магнолија, кај хотелот Епинал, кај Офицерскиот дом и во Новиот пазар, ќе бидат лоцирани ученици од најблиските училишта кои што гравитираат околу локациите и заедно со нивните наставници, ќе делат флаери на кои е прикажан начинот на селектирање на отпадот и ќе им објаснуваат на минувачите како тоа да го прават. Исто така, свои претставници ќе имаат и невладините организации кои ќе им се приклучат на учениците на соодветните локации. Преку првичната селекција на отпадот, ние практично учествуваме во незагадување на нашата животна средина“, рече директорот на ЈП „Комуналец“ Панде Богоевски.

С О О П Ш Т Е Н И Е

Здружението на пензионери од Битола им соопштува на своите членови- корисници на старосна семејна и воена пензија дека лабораторските услуги освен во Битолската Лабораторија, можат истите да ги прават и во лабораторијата во ЈЗУ Клиничка Болница Битола,(Вторник, Среда и Четврток од 09.30 до 10.30 часот) 

Две возила утрово се судрија во центарот на градот на крстосницата помеѓу улиците „Солунска“ и „Климент Охридски“. Според СВР-Битола за среќа причинета е само материјална штета.

Базенот за хидротерапија во Физикалното одделение на битолската Клиничка болница, денес  повторно е ставен во функција после долги години пауза.

-После многу години и кога  веќе никој немаше надеж дека повтроно ќе проработи, со ангажман на менаџерскиот тим предводен од директорот др. Зоран Лазаров и со поддршка на спонзорите, базенот на Физикалното одделение повтроно е пуштен во употреба. Се надеваме дека добрите услови што им ги нудиме на нашите пациенти многу ќе придонесат за нивна рехабилитација, вели Сузана Коневска, портпарол на КЛиничка болница-Битола. 

Битолскиот Безистен фотографиран пред 36 години без фотошоп, кабли што висат од покривот, без врати отворани од местото за прозорци. Вака автентично изгледал овој објект кој со години е под заштита, на фотографијата направена од фотографот и хроничар на Битола, Љубе Николовски, некогаш вработен во битолскиот Завод и музеј, каде кој зад себе оставил богат музејски фонд. Фотографијата е позајмена од фејсбук профилот на историчарот Владо Темелковски- Лавчан и го покажува изгледот на Безистенот во 1983 година. 

На 79 годишна возраст почина Крсте Крстевски – Крцул, познат битолски спортист и фудбалски судија. Според книгата „Значајни личности на Битола“, Крстевски спаѓа во редот на сестраните битолски спортисти со освоени бројни државни титули во повеќе спортски дисциплини. Најголема љубов му беше фудбалот на кој му посвети цели 52 години од својот живот, како фудбалски судија од сите рангови и фудбалски делегат.

Под силно полициско обезбедување денеска во раните утрински часови од печатницата „Киро Дандаро“ во Битола почна транспортот на довериви изборен материјал до сите 80  општинските изборни комисии за првиот круг од Претседателските избори што ќе се одржат во недела на 21 април, а дистрибуцијата ќе заврши до крајот на денот.

Слушајќи џез музика и учествувајќи во форум театар, средношколци и студенти од Битола се поттикнуваат креативно и критички да размислуваат за проблеми од своето секојдневие и да наоѓаат решенија за нив. Ваквите креативни работилници се одржуваат во рамки на проектот "Јас сум гласот на мојата генерација" во организација на Младински иницијативи за дијалог и соработка – Битола и Средното музичко училиште со поддршка на ЕУ.

„ Форум театар е алатка за социјални промени и дава можност преку него да се проговори за теми за кои младите не зборуваат  или е тешко да се зборува. Програмата ќе ни послужи како генерална проба за решавање на реалните проблемски сутуации во вистинскиот живот, и ќе обезбеди простор за учесниците да идентификуваат за нив важни прашања и да развијат планови за да ги трансформираат проблемите во можности. Дополнителна вредност на овој процес е користењето на џез музиката која промовира мир, меѓукултурен дијалог, почитување на различностите, промоција на слободата на изразување“, велат организаторите на проектот. 

Ќе се одржи и јавен настап каде учесниците ќе бидат мегафон преку кој ќе прозборат младите во Битола. 

Постојано слушаме како треба позитивно да се размислува, колку ние сме ,,виновни,, за работите што ни се случуваат и како ние го креираме нашиот живот по наша мерка. Некаде прочитав - ,,наполнете го вашиот ум со позитивни мисли и се ќе почне да се менува,,. Не дека ова е погрешно, но понекогаш помислувам дека некои статуси се недоволно објаснети и може да предизвикаат поголема штета отколку корист посебно ако не затекнат во негативно расположение. Зошто? Затоа што без претходна едукација околу позитивната мисла се банализираат многу нешта. Поентата е во тоа што најчесто се вели дека не постои ,,проблем,, туку само ,,предизвик,, и важно е каков поглед имаш на тоа. Да размислиме вака - ако човекот боледува од нешто, ако изгубил некој близок, ако е загрижен за некој од семејството се поставува прашањето дали постои проблем или предизвик? Како и да го наречете ТОЈ постои, но ако го негирате и ако на сила го нарекувате ,,предизвик,, тој уште повеќе ќе расте. Да се знае дека не е до говорот до емоцијата е. За да се активира моќниот и прочуен Закон на привлекување (универзумот) треба да започнете со мислата затоа што таа е претходник на емоцијата. Без мисла нема емоција, а емоцијата во случајот е клучот. Мислата не привлекува, туку привлекува емоцијата. Познато е дека сме вибрациски суштества и дека не постојат случајности или случајни случувања. Но, постои свесност при изборите и одлуките. Така стануваме одговорни за сопствениот живот кога во свои раце ја земаме одговорноста за сопствените одлуки и постапки. А, тука влегуваат и одлуките за позитивен фокус во нашиот живот.

Ако постои проблем секогаш постои и решение. Предизвикот е дистанцата помеѓу проблемот (или ситуацијата во која што сме), а не ја сакаме и решението односно посакуваната состојба. На таа дистанца и е потребна позитивна мисла,која треба да јави позитивна емоција,верба во себе, љубов кон животот и прифаќање на сето она што неможеме да го промениме. Во тешките моменти треба да практикуваме благодарност, па така ќе се поместуваме чекор напред до крајната дестинација. Иако некогаш треба да се даде време на времето секогаш имајте во предвид дека имате право да имате позитивна емоција за себе и кога не ви е добро. Секој има своја вредност на овој свет токму таков каков што е и ниеден друг неможе да пополни нечие место на земјата!

Пишува: м-р Билјана Галовска coaching & NLP master

Предавач на Бизнис Академија Смилевски, инфо:Оваа е-адреса е заштитена од спамботови. Треба да ви е овозможено JavaScript за да ја видите.

 Техничкото училиште „Ѓорѓи Наумов“ од Битола денеска го презентираше проектот "3Д технологиите, предизвик на денешницата и неопходност на иднината" за кој доби грант од 250 илјади денари од Фондот за иновации и технолошки развој. Седум ученици од ова средно училиште под менторство на професорот Илче Ацевски конструираа два 3Д скенери кои што работат на различен принцип.