Бесплатна замена на печките на дрва со инвертори,   проект кој ќе започне да се реализира  претстојната грејна сезона и тоа најпрво во Битола, Тетово и Скопје, а потоа и во другите градови, најави премиерот Зоран Заев при денешната посета на Битола.  Овој проект кој ќе зnачи намалување на аерозагадувањето  Владата го реализра заедно со Државните електрани.

Кракот од магистралниот гасовод Неготино-Кавадарци-Прилеп и Битола веќе е во Пелагонискиот регион. Досега се заврешни 70 проценти од оваа делница во вкупна должина од 92 километри, и надминати се голем дел од проблемите при експропријацијата и градбата. Се очекува изградбата на кракот чија крајна точка е Битола да заврши напролет, посочија при денешниот увид во работите на кракот, премиерот Зоран Заев, министерот за транспорт и врски, Горан Сугаревски и директорот на МЕР, Бајрам Реџепи.

Летово седумте детски градинки во рамките на ЈОУДГ „Мајски цвет“ во Битола, се реновираат, бојадисуваат, климатизираат и обновуваат.

По 15 години, се врши бојадисување на сите градинки кои се во состав на оваа јавна установа. Бојадисувањето во дел од објектите се уште е во тек и според плановите на изведба, ќе заврши до 8 септември годинава. Во градинкие „Пеперутка“ и Славејче“, во тек е стружење и лакирање на паркетите во објектите.

Паралелно се менува внатрешната дограма во градинките „Пеперутка“, „Славејче“, „Кокиче“ и „Качунка“, а станува звор за менување на 54 врати во објектите.

Во сите седум детски градинки, училниците ќе бидат климатизирани. Во дел од нив, поставувањето на клими е завршено, а се очекува до почетокот на новата учебна година, да бидат завршени и овие активности. Од управата на градинките истакнаа дека вредноста на сите овие зафати изнесува околу 1.700.000 денари.

Пожар избувна попладнево на ридот над Стрежевска населба. Од Територијалната противпожарна единица велат дека нивните екипи се на терен, а испртено е и второ возило да интервенира. Тврдат дека нема опасност за околните куќи и дека огнот е под контрола. На ридот гори трева и нискостеблеста шума

Зградата на  СОУ  „Д-р Јован Калаузи“ кое ја отсликуваше комплетната негрижата во битолското образование  во изминатите години, сега добива нов лик. Променет е изгледот на  дел од фасадата  која се распаѓаше од влага поради дотраената водоводна инсталација во тоалетите во училиштето. Од влагата беа уништени и ѕидовите на училницата до тоалетите. Во вакви услови со години посетуваа настава средношколците од Медицинското училиште во Битола. Освен реконструираната фасада, целосно се санираат тоалетите во училишната зграда, а активностите се во тек. Водоводната инсаталација која беше во очајна сосотојба компелтно е променета, санитариите се пристигнати, се заменуваат старите плочки, а променета е и дограмата.

 „Водовод“   започна со исклучување на дивите приклучоци на водоводната мрежа кои беа пронајдени  по контролите што летово ги спроведе јавното претпријати за утврдување  на евентуални злоупотреби од еноромна и неправилна потрошувачка на вода за пиење. Со извршените акциите од страна на ЈКП „Водовод“ Битола откриени  се повеќе  случаи на  нелегално користење на вода за пиење. 

Елизабета Наумовска, актуелен директор на СОУ „Таки Даскало“  од Битола ќе биде новиот заменик министер за образование. Ова го најави претседателот на СДСМ и премиер, Зоран Заев,  вечерва по седницта на Централниот одбор.

На денешен ден, 22 август,  во 1944 г. во село Зборско, Мегленско, Егејскиот дел на Макекдонија, е формирана СЕДМАТА МАКЕДОНСКА (БИТОЛСКА) НАРОДНООСЛОБОДИТЕЛНА БРИГАДА