Секторот за внатрешни работи Битола за време на викендот, извршил  контрола врз 1303 возачи и возила и констатирале дека низ градот се вози над максимално дозволената граница.  

При контролата, констатирано е дека 110 возачи го управувале возилото со поголема максимална брзина од дозволената, 23 возачи управувале без возачка дозвола.

Почнувајќи од една од главните сообраќајници во градот ,улицата  „Партизанска“, вработени во ЈКП „Комуналец“ со цистерна со вода и црева утрово ги миеја тротоарите, пешачките зони и паркинзите  од нечистотијата и наносите од земја од зимата. На овој начин се зголемува квалитетот на хигиената и јавната чистота околу одржувањето на јавните површини, велат од претпријатието.

Во текот на минатата недела комуналните работници детално ги чистеа и улиците и тротоарите од сметот и остатоците од земја и кал.

Промотивно - едукативен и забавен настан „Нула за насилство“ вчера се одржа во ски центарот „Стрежево“ во Нижеполе.
На настанот се презентираше новата страна www.nulanasilstvo.com на тимот „Нула“ со сите нејзини досегашни активности, беше поделен рекламен материјал (брошура) на кој беа наведени целите и идејата на проектот. Исто така на присутните со секој топол напиток им беше поделен стикер со порака против насилството.

Со издавањето на имотниот лист Општина Битола официјално го има во владение полигонот лоциран во населбата Горно Оризари.

Градоначалникот на општина Новаци, Љубе Кузманоски беше домаќин на делегацијата од збратимената општина Дуги Рат од Република Хрватска предводена од градоначалникот Јерко Роглиќ. Збратимувањето меѓу двете општини е од 2013-та година и секоја година се остваруваат вакви средби кои се важен чекор за зацврстување на заедничката соработка.

На свои 84 години доживеав нареда и разочарување зашто по се што имам направено за развој на младите ликовни таленти, од Министерството за култура годинава ми одобрија 100 000 денари за Малиот битолски Монмартр, а ни денар за Светската изложба, реагира Коста Хаџи Антоновски, творецот на Детското ликовно студио „Св. Кирил и Методиј“ од Битола.

Изложба од петнаесеттина фотографии, насловена „Уште што друго сум освен што сум канцер на општеството“,а замислена како мал патувачки проект кој треба да направи ,,game change,, во перцепцијата и само перцепцијата за жените , особено за самохраните мајки, синоќа беше отворена во изложбениот салон на Младинскиот културен центар-Битола.

Авторката Дороти Пачкова, академска сликарка, и родов експерт вели дека визијата на овој проект е да  влијае на културните ставови во општетството и да ги трансформира стереотипите.

-Оваа изложба е раакција на бранувањата кои се случуваат во нашето општеството за жените кои сами растат деца во Македонија. Решив на креативен и конструктивен начин да ги едуцирам љубителите на уметност и сите посетители,па направив мала патувачка изложба која е  создадена од концептуални фотографии кои укажуваа што се всушност самохраните мајки кои идентитети треба тие да ги градат за да може нормално да функционираат во не толку нормално општество, вели Пачкова.

На една од фотографиите  Дороти е со метла во раката, за што вели асоцира на вештерка како во Средниот век кога жените кои излегувале од нормите, кои биле малку послободни и кои не ги почитувале нормите зададени од државата биле прогласувани за вештерки. „Така и ние сега во нашите интерни кругови самохраните мајки се нарекуваме вештерки на модерното време,  канцери на општетсвото“, вели авторката самохрана мајка на 6 годишно момче.  

Изложбата веќе е претставена во шест градови во државата.

Ски центраот „Ниже поле“ оваа недела ќе учествува во кампањата „Заедно до нула насилство“. Целта е енергијата на младите да се насочи кон убави и здрави работи, како што е спортувањето, скијањето, дружењето, а не кон насилство. Иницијативата е на неколкумина битолчани, а кон неа се приклучува и Ски центарот.  

По бурните реакции што се појавија во јавноста по донесената програмата на Министерството за култура за финансирање на институциите и манифестациите од национален интерес, се огласи и премиерот Зоран Заев, кој изјави дека дел од донесените одлуки ќе бидат поништени.

По објавата на годинешната програма на Министерството за култура за тоа кои институции и манифестации ќе бидат поддржани со државни пари, Иван Јерчиќ, директор на Народниот театар од Битола на својот фејсбук профил го напиша следниот коментар:

„Во оваа прилика само ќе го искористам слоганот, мотото, идејата или како сакате на една не толку одамнешна иницијатива од соседството. NIJE Umetnički Ćutati !!!“

Инаку, Народниот театар од Битола годинава доби финансиска поддршка за четири претстави и меѓународниот „Битола Шекспир фестивал“.