Проектот за изградба на пречистителна станица со колекторски систем за Битола продолжува да се реализира со спроведување на конкретни постапки, кои се предуслов за почеток на изградбата на терен, соопштија од Општина Битола.

По електронски пат објавен е оглас за склучување на договор за услуги за избор на Надзорен орган за градежни работи за прочистителната станица и рехабилитација и надградба на канализациона мрежа во општина Битола. Вредноста на договорот е со максимален предвиден буџет до 1 300 000 евра. Огласот е објавен од вчера. По ова, наскоро ќе следува тендерска постапка за изградба на пречистителна станица, која ќе биде поделена во два дела, односно првиот ќе биде за проектирање и изградба на пречистителна станица за отпадни води за агломерација Битола, а вториот за изградба и реконструкција на колекторски систем.

350 деца од прво со петто одделение при основното училиште „Ѓорги Сугарев“ од Битола пред три години секој училишен ден беа сити благодарение на брачниот пар Мариа и Томас Росенгрен од Стокхолм, Шведска. Благодарение на нив, истото училиште доби сензорна соба по европски стандарди каде 40 ученици со посебни потреби ќе добиваат индивидуален третман.

Хуманитарката Мариа по потекло е битолчанка која пред 43 година се преселила во Шведска и таму се омажила за Швеѓанец со кого заедно започнале хумана мисија во Македонија. Овој брачен пар три години со ред обезбедуваше ладен оброк за учениците, меѓу кои имаше и повеќе социјални случаи од ромското население, но и деца со посебни потреби. Имаат остварено повеќе донации во битолските училишта во износ од 140 000 евра, а во болниците низ земјава нивните донации се со десеткратно поголеми износи.

„Подолго врме бевме на шетање низ светот. Увидовме дека не само Африка, туку и Европа има проблеми. Прво размислувавме да покренеме еколошки проект за класификација на отпадот во училиштата. Отидовме во Основното училиште „Ѓорги Сугарев“. Додека ни ги покажуваа просторните услови јас ги гледав децата во дворот. Некои јадеа чипс, а други ништо. Многу се натажив и предложив да им помогнеме нив“, раскажува Томас Росенгрен.

Мариа вели дека ги водела мислата на јужно африканскиот претседател Нелсон Мандела дека моќта е во учењето кое може да го промени животот, дека најсиромашен може да стане доктор ако се школува или од земјоделец претседател на држава.

За да ја им помогнат на улилиштата и болниците во нашата земја формирале невладина организација „Од рака за рака“

„Годишно делевме по 121 000 ладни оброци за учениците. Нашите амбиции се да им се помогне на децата. Ако едно дете е нахрането тоа може да учи и да се развива. Прво донациите ги спроведувавме со наши пари, а сега донираат шведски организации како и наши иселеници во странство. Посебно ни помогнале семејствата Васко и Виолета Блажевски, Томе и Андријана Најдовски“, вели Мариа Росенгрен.

Само донацијата за сензорната сорба изнесува над 30 000 евра и таа е во соработка со германска фондација.

Инаку, сопругот Томас многу добро зборува македонски јазик, а го научил од сопругата и нејзината мајка Весела која на повозрасни години отишла во Шведска и не го знаела тамошниот јазик, па за да се разберат морале да ѝ зборуваат македонски.

Хуманата Мариа Росенгрен во Шведска се отселила кога имала 20 години. Таму завршила факултет за менаџмент и други едукативни програми за директор. Станала успешен менаџер, но и имплементатор на ИСО стандардите во цела Скандинавија.

Ж.З.

Сенозорна соба за децата со посебни потреби е отворена денеска во ОУ „Ѓорѓи Сугарев“ од Битола. Во активностите во оваа сензорна соба покрај децата кои посетуваат редовна настава во ова училиште, можат да бидат вклучени и останатите кои ќе имаат потреба.

Лице со интелектуална попреченост од с. Кукуречани, битолско, било силувано од други лице, исто така со интелектуална попреченост, а други лица снимале со мобилен телефон.

„На 18.02.2019 З.К (44) од с.Кукуречани, пријавил дека пред неколку дена во с.Кукуречани, врз неговиот син С.К., кој е лице со тешка интелектуална попреченост, била извршена обљуба од страна на лицето П.К., кое исто така било лице со тешка интелектуална попреченост, а тоа било снимено со мобилен телефон од страна на други лица. Веднаш се преземени соодветни мерки и од слобода е лишен А.Т. (19) од с.Габалавци, кој е задржан во СВР Битола и против него ќе биде поднесена соодветна кривична пријава. Се преземаат и дополнителни мерки во врска со случајот“, велат од МВР.

Битолската изрека „ти му збораш за ќумурот, а тој за дрвата“ се почесто се практикува во битолскиот Совет. Најново комарците и глувците во Советот се помешаа со свињите.

Фабриката за опрема и делови ФОД ДООЕЛ – Новаци изработи посебен простор за складирање на течните отпадоци од храна од градинката „Мајски цвет“ –Битола.

-На овој начин отпадоците од течната храна ќе бидат соодветно отстранети и чувани се до нивното депонирање на комунален отпад. Станува збор за метална конструкција оградена со лим, како кутија  за чување на отпадот која досега била отворена, вели Методија Тасевски, директор на ФОД-ДООЕЛ – Новаци.

Благодарност за донацијата на ФОД ДООЕЛ - Новаци, искажаа од градинката додавајќи дека новиот простор ќе служи  за современ еко начин на собирање и отстранување на помијата.

-Заедно градиме современи градинки, велат од ЈОУДГ „Мајски цвет“-Битола.

ФОД -Битола и во изминатата година свои изработки донираше во неколку училишта во градот, за скоро ќе бидат донирани печки за училиштето во Црнобуки , како и изработена врата за Бигорскиот манастир.

Според најавите на директорот Тасевски наскоро ќе бидат донирани и кутии за спортска опрема за ФК Пелистер, урбана опрема за Месни заедници,ограда за училиштето во селото Могила како и детски играчки.

Кога те градеа 
во темелите 
ти фрлија семе 
од најубавите битолски 
ѓул трендафили,
семе 
берено по дворовите 
на куќите 
од центарот на Битола 
и битолските маала: 
од Чифтефурни, 
Влашко маало 
до Ѓенимаале
и Еврејската маала,
од Дрвен пазар 
до Ат пазар... 
И сите убавини 
ги собирале мајсторите,
сите мириси на парфеми
од битолските дами 
и еснаф фудулите 
од битолската чаршија,
во темелите 
да ги вградат
како столбови 
за идното време.
Не старееш, знам,
зошто, секогаш,
со млади си 
во твоите клупи,
Гимназијо Горна,
и мирисаш на младост, 
мирисаш
на љубов, 
на ѓул трендафил 
мирисаш 
и спомени
од твоите клупи!

19.2.19. Панде Манојлов

Извршниот одбор на Здружението на пензионери од Битола, под претседателство на Томе Димитровски, ја усвои финансиската програма за минатата година и се осврна на активностите спроведени од 21 септември 2018 година кога новото раководство стапи во функација.

„Извештајот за работата во овој период е рален и многу динамичен“, соопштуваат од Здружението на пензионери од Битола.

Планираат во текот на оваа година да се зголемат активностите на културен и спортски план бидејќи битолските пензионери учествувале во сите активности што ги спроведе Сојузот на здруженија на пензионерите.

Со мал грант од Балканска Музејска Мрежа, поставена е подлога преку која Н.У. Завод и музеј Битола, своите музејски поставки ќе ги направи подостапни за сите лица. Преку збогатување на музејската веб страна и имплементација на QR кодови се имплементира нов пристап кој го збогатува доживувањето кај секој посетител.

Имено, средствата Балканска Музејска Мрежа се употребени за изработка на 14 аудио снимки со нарација на македонски и англиски јазик и 14 видео снимки со интерпретација на знаковен јазик на текстови за 14 експонати од постојаната музејска поставка. До нив може да се пристапи преку специјани изработени и поставени кодови до самите екпонати, кои може да се скенираат со таблети и паметни телефони. Со нивното поставување, еден дел на предметите на постојаната поставка се веќе достапни и за посетителите со оштетен слух и говор, но и за сите посетители на веб страната.

Јавниот превоз поскапува, тврди битолската опозиција , додека власта  најавува нов модел со кој конечно ќе се реши проблемот со бесплатниот превоз на ученици.