Голема површина со букова шума е исечена во Крушевската корија, во месноста викана Блага Вода, во шумскиот оддел 112, над селото Белушино, пренесува порталот СКД.МК. Исечента површина по големина ја споредуваат со  фудбалско игралиште. Пресечените стебла не се добројувале. Сечата не наликувала на проред зашто билазафатена голема површина. Ни на санитарна сеча која се применува кај болни и суви дрвја. Буките изгледале здрави, а пресечените стебла светли што укажувало дека скоро биле отсечени. На сите страни имало гранки и остатоци од сечени дрва, па и скршени стебла кои настрадале додека други паѓале. Шумата во овој дел наликувала како да е погодена од епокалипса.

По патот наоѓале испаѓани сајли за влечење дрвна маса и трупци во должина од еден метар како што се продаваат по пазарите. Трупците биле поголеми од пропишаните димензии за шумски отпад што според Законот за шуми треба да се гранки и стебла со дијаметар со 7 сантиметри.

„Што ќе ги гледаш, со трактори ноќе минуваат и ако ги кажеш треба да се тепаш со луѓето. Од подолните села се. Има дрво крадци, секогаш имало и ќе има“, вели Шабан Ајровски, жител на село Белушино.

СДК пренеува дека дел од селаните раскажуваат дека сечачите имаат одобренија за збирање отпад по санитарна сеча.НА документот на кој пишувало дека на одредено лице му се одобрува собирање на отпадок, на местото за референтот кој ќе ја координира акцијата не било посочено конкретно лице туку пушувало работна група, вработени во шумската подружницата. Дел од селаните со апел до надлежните инстутуции да испитаат дали испратниците за собраната дрва маса наместо на лице место се издавале откако тракторите ќе излезеле од шумата?

Од Министерството за земјоделство одговорија дека шумската полиција од Крушево континуирано врши контрола  во место викано Блага Вода оддел 112 над село Белушино и по извршените увиди од лице место до Основниот суд Крушево има поднесено девет барања за поведување на прекршчна постапка  во последните три месеци.

Од Јавното претпријатие „Македонски шуми“ за СДК велат дека воведуваат шумски ред по нелегалната сеча од која е нападната околината на село Белушино. Пишуваат дека се задолжени со решение од државен инспектор по шумарство и ловство од 29 септември годинава да воведат шумски ред.

„Да, дозволено е на било кој начин да се воведе шумски ред. Истотака би напоменале дека околината на село Белушино во Крушево е нападнато од нелегална сеча за што од ЈП ‘Македонски шуми’ –Скопје ПШС ‘Липа’-Крушево прави напори за сузбивање на овој вид на сеча, за што е побарано и помош од Шумската полиција и МВР за асистенција за да се спречи нелегалната сеча. Доколку би ги оставиле тие бесправно посечени дрва кои ги наведувате во вашиот допис, би настанале биотски, абиотски и други фактори кои можат да предизвикаат штетни последици во шумата и воедно во случај на пожар тие дрва би преставувале препрека и гориво за брзо ширење на пожарот“, пишува во одговорот од „Македонски шуми“.

Целиот текст: https://sdk.mk/index.php/dopisna-mrezha/bukova-shuma-kolku-fudbalsko-igralishte-sotrena-vo-krushevskata-korija/

Битола денеска го чествува 4 Ноември, Денот на ослободувањето на градот, а по тој повод градоначалничката на Општина Битола, Наташа Петровска, делегациите на збратимените градови Епинал од Франција, Стари Град, Србија и Плевен, Бугарија, општинскиот Сојуз  на борци, претставници на локалната смоуправа, советниците од Советот на Општина Битола, претставници на политичките партии и невладини здруженија денеска положија цвеќе и се поклонија пред споменикот на НОАВМ пред Центарот за култура во Битола.

Вандали ги откорнале металните билборди во Градското шеталиште во Битола, под Спортската сала,  каде стојат  насоки од Агенцијата за спорт и млади  како да се користат поставените спортски справи и реквизити. Еден од билбордите е сосема откорнат и отуѓен, додека другиот е соборен на земја и оставен.

Граѓаните кои утрово биле на прошетка во градскиот парк беа згрозени од ваквата глетка  и бараат од полицијата да ги открие вандали кои во неколку наврати само оваа година дивееја низ Градското шеталиште. 

ЕЛЕМ и РЕК „Битола“ на своите вработени и сите граѓани на Битола им го честитаат 4-ти Ноември, Денот на ослободувањето на Битола.

Професорки по германски јазик од цела Македонија деновиве во Битола имаа ретка можност да присуствуваат на семинар со светски стандарди каде предавач беше експертот по германски јазик од Австрија, Лукас Маерхофер, професор од Виена кој држи предавања низ целиот свет. Познат е по интерактивните семинари, непосредноста, квалитетните предавања за што зборуваат неговите ангажмани од Австрија, други европски држави па сѐ до Техеран, Иран, Русија, Кзахстан, Кина, Хонг Конг, Тајван.

Слепи и слабовидни лица од целиот Балкан кои се љубители на шахот денес присуствуваа на турнирот во шах што традиционално се одржува секоја година по повод Денот на ослободувањето на Битола, 4-ти Ноември.

„Релјефниот шах е поразличен. Фигурите се ставаат во дупчиња со дрвце надолу за да не паѓаат. Шахот го играме со допир и со говор. Има играчи кои ја знаат цела релјефна табла на памет и сите потези ги знаат пред време. Еден релјефен шах заедно со часовник чини од 200 до 300 евра. Во Македонија вакви шахови нема, туку се набавуваат од странство и се скапи“, рече Стевче Костадиносвки од Здружението на слепи лица од Битола.

Дрво на пријателство засадија денеска градоначалниците на двата збратимени града Епинал и Битола, Мишел Хајрниш и Наташа Петровска, во малиот парк  наспроти стаклената зграда во центарот на Битола, каде што се наоѓа макетата на квартот Битола во францускиот град Епинал.

Кошница за пчели и подари на Оштина Битола  градоначалникот на францускиот град Епинал, Мишел Хајнриш, по повод 50 годишнината од збратимувањето на двата града. Кошницата е поставена во општинскиот двор, а Хајнриш ја објасни симболиката на овој подарок.

Гостите од Франција, меѓу кои амбасадорот Кристијан Тимоние, поранешната амбасадорка Лоренс Оер, градоначалникот на Епинал, Мишел Хајнриш и други членови на делегацијата во придружба на домаќините, градоначалничката Наташа Петровска, советникот Менде Илиевски, конзулката Калиопи Кривашија Стилиновиќ и други претставници на Општината и градот денес прошетаа низ Широк Сокак.