Општина Битола ги почна процедурите за формирање на јавно претпријатие кое ќе стопанисува со паркинзите во градот. Истекува рокот од договорот на „Градски паркинзи“ на фирмата „Стентон градба“ да управува со паркинзите, а тоа значи дека парите од паркинзите од налето ќе влегуваат во касата на општината и ќе се трошат за потребите на градот.

На петтата седница на Собранието на пензионерите од Битола под претседателство на Крсте Белевски, се усвои извештајот за активностите, како и финансискиот извештај кој е позитивен.  

Се донесе одлука во селата Долно Оризари, Карамани и Трн каде има над сто членови пензионери да се формира огранок, со што Здужението на пензионери од Битола наместо 30 ќе има 31 огранок.

Полициски службеници во Секторот за внатрешни работи Битола викендот (22.23.24-февруари),извршиле контрола за зимска опрема, управување без возачка, нерегистрирани возила, непочитување првенство, исправност на возилата , товарни возила,  појас, светло и алкохол, во сите полициски станици  на 1079 возачи и возила.При контролата алкотестирани се вкупно 129 учесници во сообраќајот ,при што кај 13 возач откриено е присуство на алкохол и истите се  исклучени од сообраќај.

Нова внатрешна столарија, 8 врати во тоалетите, 11 врати во училниците, како и надворешната влезна врата се дел од градежните зафати кои се одвиваа во една од зградите на основното училишта „Гоце Делчев“ во Битола. Покрај столаријата, во активностите кои беа преземени со цел да се подобрат условите за престој на учениците, во училниците на површина од 275 квадратни метри е поставен епоксиден под. Исто така, реновирањето ги опфати и санитарните јазли во тоалетите, водоводната инсталација,  дел од ѕидовите се поплочени со керамички плочки, а тоалетите комплетно се опремени со нова санитарна опрема.

За овој проект Општина Битола издвои околу 129.000 денари, во кои влегуваат средства за  надзорот, демонтажата на керамичките плочки од ѕидовите, таваните, како и демонтажата на врати. Со средства од општината се изработија и дел од активностите во санитарните јазли. Останатите изведби беа реализирани со средства од УСАИД.

Учениците кои учат во оваа зграда, една од трите во рамките на училиштето, со овој зафат добиваат многу поквалитетни услови за изведување на наставата, но и за одржување на личната хигиена. Ова е уште едно во низата од битолските училишта, во кои вложува општината, со цел да се надминат лошите услови во образовните институции во Битола.

Во завршна фаза се преговорите меѓу двете Министерства за надворешни работи за отворање на граничниот премин Маркова Нога, најави Радмила Шеќеринска, заменик претседател на Владата и министер за одбрана на трибината во Битола.

„Претседателот на Собранието, Талат Џафери, должи одговор на јавноста, на граѓаните, зошто ја прекина седницата за одземање на имунитетот на пратеникот Трајко Вељаноски и зошто дозволи да настане неред на синоќешната седница“, напиша на својот фејсбук профил Александар Кирацовски, пратеник и генерален секретар на СДСМ.

Ученици од Државното музичко училиште од Битола во соработка со Младинскиот културен центар-Битола  и Младински иницијативи за дијалог и соработка од Битола работат на проектот ”Јас сум гласот на мојата генерација” чија цел да се поттикне креативното и критичкото размислување на учениците-средношколци на возраст од 16 до 22 години од Битола. Од Државното музичко училиште од Битола се вклучени ученици од втора, трета и четврта година под менторство на професорот по џез и популарна музика и гитара Александар Талевски.

Проектот за изградба на прочистителна станица во Битола, ќе започне годинава, а градежните работи ќе завршат до 2021 година. Средствата се обезбедени преку фондовите на ЕУ, рече министерот за финансии Драган Тевдовски, на денешната трибина   „Фер општество, шанса за сите“ што се оджа во Битола. 

За две недели се очекува да биде објавен тендер за реконструкција на електростатските филтри во РЕК Битола со што ќе се намали испуштањето на ПМ 10 и ПМ 2,5 честичките во воздухот, најави Радмила Шеќеринска, заменик претседател на Владата и министер за одбрана на трибината во Битола кога од граѓаните беше запрашана што ќе се преземе за да се намали загадувањето.