Од овде, од мојата Битола, граѓаните силно одговорија на јавниот повик за потпис за поддршка на нашиот Стево Пендаровски. Граѓаните денес масовно ширим нашата  држава  излегоа и дадоа потпис за нашиот кандидат за претседател на државата.

Рампите на железничкиот премин на Дулие останаа кренати кога денеска во 13 часот минуваше возот од Битола за Скопје.

По повод празникот 8-ми Март членови на Здружението на пензионери од Битола  донираа 35 пакети постелнини за коронарната единица при Интерното одделение во Клиничката болница Битола.

-Тука соработката нема да застане. Во разговор со менаџерскиот тим на болницата се отворија многу теми многу цели како да се помогне од нив за нив бидејќи поголемиот дел на пациенти во Интерното оддение  се пензионери,но и од наша страна има желба на секаков можен начин да ги олесниме прегледите на пензионерите. Голема благодарност до здружението на пензионери од Битола на претседателот Томе Димитровски, заменик претседателот госпоѓата Даница Петличкова претседателот на Собранието на ова здружение Крсте Велевски и Сотир Миленковски член на Извршниот одбор на Здружението на пензионери- Битола.Од името на менаџерскиот тим и од името на вработените на Клиничката болница од Битола  на сите пензионерки од нашиот град  им го честитаме престојниот празник на жената, вели Сузана Конеска портпарол на Клиничката болница Битола.

Полицијата го пронашла 11 годишното момче кое во понеделникот било пријавено за исчезнато. Според СВР Битола, момчето било пронајдено денес во 1,20 часот и предадено на родителите. И претходно се случувало детето да се оддалечи од својот дом и да се врати назад.

Битолчани од утрово во девет часот се пред шалтерите на подрачната единица на ДИК во Битола за да го дадат својот потпис за кандидатурата на Стево Пендаровски за претседател на државата .

Пендаровски е  заедничкиот кандидат на 31 политичка партија од коалицијата предводена од СДСМ и на ДУИ, а доби поддршка и од над 60 пратеници во Собранието.

СДСМ на конгресот што се одржа во неделата го потврди изборот на Стево Пендаровски за претседателски кандидат. Од 783 присутни делегати, 712 едногласно, без против и воздржани, гласаа за Стево Пендаровски.

Здружението на пензионери од Битола донираше парични средства за наградите на конкурсот за краток расказ „Баба“ што го распиша Организацијата на жени од Битола по повод 8-ми Март.

Во категоријата возрасни беа доделени три награди, од кои прво место за Ели Маказлиева за расказот „Планина од полски цвеќиња„, второ место Габриела Стојаноска Станоеска за „Баба Неша“ и трето место Снежана Паноска за „Душата на мојата баба“.

Од учениците првото место го освои Маихаела Марковска од ОУ „Браќа Миладиновци“ од село Добрушево за расказот „Љубов со големи дела“, второ место Лела Стојановска од ОУ„Климент Охридски“ од Битола за расказот „За баба“ и третото место Николче Вашеревски од село Ношпал за расказот „Љубов со големи дела“.

Во забавниот дел децата од големата група од градинката Мајски цвет со нивната учителка Татјана Грегова изведоа стихотворби, песнички, а поставија и изложба на детски творби на тема ,,Мојата баба,,.

Организација на жени од Битола по шести пат ги додели наградите за краток расказ за конкурсот што го објавуваат по повод 8 –ми Март.

За женската кошарка има иднина, но многу работи треба да се подобрат, вели младата талентирана битолска кошаркарка. 

Ова е некогашната улица “Светосавска", доскоро позната како "Ленинова", а пред неколку години преименувана во "Пеце Матичевски".

Локацијата е кај денешната Библиотека во Битола, а на старата фотографија се гледа чешма насреде улица, која денес не постои.

 

 

Исто така, не постои и куќата од левата страна на старата фотографија, на чие место сега е доградениот дел од Библиотеката. 

 

 

Старата фотографија е позајмена од ФБ профилот на Владо Темелковски Лавчан, историчар

Пред два дена исчезнало 11 годишно момче во Битола. Според полицијата во понеделникот околу 14.30 часот  било пријавено дека од својот дом  се оддалечило 11-годишно дете од Битола, кое предходно неколку пати се оддалечувало и се враќало. Исчезнувањето го пријавил таткото на детето. Семејството живее на улица „Мукос“ во Битола.  Се преземаат мерки за пронаоѓање на лицето, а стапено е и во контакт со Центарот за социјални работи од Битола.

Поранешната битолска „Соколана„ лоцирана во Градскиот парк,  бившата власт предводена од градоначалникот  Владимир Талески ја издавала под кирија за само 200 евра месечно, а кираџијата  Џокер Турист увоз извоз ДООЕЛ Битола и таа сума не ја плаќал редовно. Комплексот кој според познавачите на приликите се простира на површина околу 10 000 квадратни метри вклучувајќи ги поранешниот кафе- бар „Зодијак“, спортското игралиште за мали спортови, паркингот, детскиот забавен дел, тениското игралиште, дуќаните што излегуваат на улица „Партизанска“ и други објекти се дадени под кирија уште во 2005 година  и тоа за период од триесет години.