Една година по преземањето на локалната власт, денеска, градоначалниката Наташа Петровска, пред медиумите излезе со отчет за реализираните проекти и оние кои се во тек.

Ученици од СОУ „Таки Даскало“ Битола ја започнаа својата практична работа за оваа учебна година во АД ЕЛЕМ, Подружница РЕК Битола. Четириесет и четири ученици од втора, трета и четврта година од рударската струка при СОУ „Таки Даскало“ практичната настава ќе ја реализираат во ПЕ Рудници на РЕК Битола, под менторство на вработени во Комбинатот, придружувани од двајца професори.

Општина Битола ја набави целокупната потребна документација за реконструкција на Офицерскиот дом и сега се подготвени за распишување на тендер за отпочнување на реконтруктивни зафати, соопшти градоначалничката Наташа Петровска на денешниот отчет за една година локална власт.

Репликата „партискиот начин на работа преовладува и не знам дали ќе има спас од ваквото функционирање “ искажана од независната советничка Габриела Илиевска на вчерашната седница,  предизвика сочна политичка кавга во битолскиот Совет. Претседателот на Совет Валентин Груевски од ЛДП, го возврати ударот нарекувајќи ја Илиевска „истурен играч на ВМРО-ДПМНЕ, но на ова не остана имун советникот Ивачно Тошевски, од ВМРО-ДПМНЕ возвраќајќи дека тој не е за непринципиелни коалиции.

Претседателот на Совет Валентин Груевски денеска на седницата најави дека локалната самоуправа на Битола во наредниот период ќе ги субвенционира граѓаните при купување на печки на пелети и нови велосипеди, за што Општината веќе издводила 3 милиони денари, пари од буџетот.

Наташа Петорвска зборува како да е на предозборен митинг, како да не е власт, туку да е во опозиција, рече Иванчо Тошевски од ВМРО-ДПМНЕ по обраќањето на градоначалничката Наташа Петровска во Советот на Општина Битола, на седницата за ребаланс на Буџетот

Капиталните нвестиции секогаш треба да се зтаворат со комплетна проектна документација, а поради тоа голем дел од средсвата за ребаланс на Буџетото на Општина Битола се пренасочуваат за изготвување проекти, рече градоначалничката Наташа Петровска, на денешната седнца на општинскиот Совет, каде на дневен ред се најде ребалансот на Буџетот за 2018 година.

-Ќе започнам со реконструирање на Офицерски дом, меѓутоа на законит и легален начин, со правна процедура, која што ако  некој претходно  ја направеше, сега ќе имавме реконструктивни зафати, рече градоначалничката.

 Петровска посочи и низа други обврски за кои во минатото не било соодветно постапувано, што  се одразува на брзината на работата на сегашната локална самоуправа.

- Сакам да знаете дека, старото градско јадро е наследено со опфат кој диктира што и да сакате да преземете треба да имате конзерваторско одобрение пред да премините на терен. Она што го направи оваа локална власт во соработка со централната власт и нашите пратеници, постапката за опфатот на старо градско јадро да биде во собраниска процедура, со што опфатот на ова јадро ќе биде намален, а Општина Битола, ќе биде растоварена во хартиената процедура кој што некој друг ја наметнал, додаде Петровска и рече дека оваа локална Власт добила поддршка од Централната како никогаш досега.

-За првпат добивме 2 милиони денари за Битолско културно лето, 9,3 милиони денари за Офицерски дом, од Министерство за животна средина има 3,5 милиони денари за колекторски систем на Пелистер, 3,5 милиони евра за излозите во стара чаршија од Министерство за економија, 2,5 милиони денари за Декадата на ромите, 2,2 милони денари за изработка на ДУП за Долно Оризари, Дихово, Нижополе. Кога станува збор за трансферите од Влада, напоменувам дека се зголемени дотациите за образование, социјала, детска заштита за 10 милиони денари. Истот така, 25 милиони денари беа обезбедени за влезот од страната на Прилеп, се најде решение за обиколницата, изграден е патот Битола-Новаци и се реконструира железничката пруга Битола-Кременица, со што се потврдува дека централната Власт серизоно гледа на оваа Општина. Тоа е промена која треба да ги радува битолчани, додаде Петровска.

Најави сообраќаен план, со кој ќе се решава хаосот во централното градско јадро, што е предвидено и со ребалансот на буџетот. 

-Ветив дека ќе има друг сообраќаен режим, но не можам да работам со застарена студија и добив сугестии од надлежни инстанци, дека е потребно рефреширање на податоците околу циркулацијата на сообраќајот и токму затоа ребалансот на буџетот се однесува на изготвување на сообраќаен план за центраното градско подрачје, затоа што тоа е местото каде сообраќајот е најгуст. После тоа можат да се прават потези кои ќе направат поместување во средување на сообраќајот, рече Петровска.

Со ребалансот на Буџетот пренаосчени се средства кои наместо за набавка на опрема во општинската зграда, ќе бидат пренаменети за опремување на нова занимална во градинките, со што се намалуваат листите на чекање, а за проектот за гасификација, рече дела  е поврзан со усогласувањето на проектот за топлификација, односно одолговлекувањето на истиот е последица на наследени состојби за кои сега активностите мора да се синхронизираат со цел општината да не плаќа казнени пенали.

Петровска потсети и на низа претходни пропусти во превозот, како што се: непостоењето на меѓуопштински превоз помеѓу општините Битола и Могила, но и меѓу други општини, па граѓаните се возеле со училишниот превоз што било спротивно на тогашниот Закон.

-Ученицте се возеле без склучени догвори, и за доа постојат докази. Тоа е казниво со Закон и да не не чуди што за тоа се водат судски спорови, рече градоначалничката Петровска.

Сите овие недостатоци сега се надминуваат, а во интерес на учениците, општината презема конкретни мерки кои имаат за цел да спречат евентуални последици, кои би ги попречиле учениците да стигнат до училиште.

-Зборувате за автобусите кои ги гледате тука. Јас никогаш не реков дека тоа се автобусите кои се ветени во програмата, како што некој тоа сакаше да го прикаже. Но, немам намера да ги оставам учениците, затоа што не знам во која насока можат да се движат работите. Согласно целосно пропишани законски одредби, со спроведена процедура, овие автобуси се пренесени на користење на Општина Битола, со обезбедени сообраќајни дозволи, се само превозни средства кои што треба да овозможат, да немаме ситуации кои што ги имавме во еден понеделник. Јас знам што се еколошки автобуси и работам во таа насока, а тоа ќе го кажам тогаш кога ќе имаме завршница, рече Петровска,

-За 12 месеци не се решаваат капитални проекти, туку има фази од капитални проекти кои што се во изведба, а 4 годишниот мандат е токму за тоа, додаде Петровска

За организираниот коктел по повод прославата 90 години Водовод – Битола, кој ќе се одржи на 26.10. 2018 година во ресторанот „Вила Виста“, се известуваат пензионираните работници од ЈКП „Водовод“ Битола дека ќе има организиран превоз.

Тргнувањето ќе биде од пред Спортската Сала на ден (петок) 26.10. 2018 година во 15 часот и во 15 часот и 30 минути.

Советот на Општина Битола со одлука ја задолжи градоначалничката Петровска да побара од Министерството за животна средина во најбрз можен рок оспособување на мерната станица Битола 2. Предлогот беше на советничката Габриела Илиевска од Поинаку, а советниците едногласно го прифатија.

Анатомски прилагодени столчиња и маси, кои можат да  се подесат  на висината на учениците, изработени по европски стандарди, донираше денеска компанијата „Кромберг и Шуберт“ во ОУ „Елпида Караманди“ во Битола.