По 20 години опстанок, постои опасност да згасне Интернационалниот фестивал на монодрама што со години традиционално  се одржуваше во Центарот за култура во Битола.

Годинава фестивалот не доби ни денар финансиска поддршка од Министерството за култура. Директорката на Центарот за култура, Маја Андоновска Илијевски на својот фејсбук профил реагираше:

„21 година Фестивал на Монодрама, член на интернационален форум One man show под УНЕСКО, оваа година не доби средства во годишната програма на Министерството за култура. Прво мислев дека неможам да го најдам, потоа дека е некоја грешка во објавувањето на програмата... Значи на крај е сепак 0 денари“.

Четири претстави на Народниот театар од Битола и 7-от Меѓународен фестивал „Битола Шекспир фестивал“ годинава ќе бидат поддржани од Министерсвото за култура, проекти од драмкска дејност за национални установи.

Државна видеолотарија донираше 200.000,00 денари на Друштвото на физичари на Република Македонија (ДФРМ). Наша цел е да им овозможиме на младите средношколци-истражувачи да добијат нормални услови, во кои ќе можат да го развиваат и да го надградуваат својот талент, а притоа да бидат успешни амбасадори кои ќе ја претстават земјава во одлично светло пред меѓународната јавност.

За конзервација на црквата „Св Ѓорѓи“ во Курбиново, годинава од државниот буџет ќе бидат издвоени 1,9 милиони денари. Ова е најголемата сума доделена за заштита на недвижното културно наследство за проекти на Завод и музеј-Битола. Министерството за култура денеска ги објави резултатите од конкурсот за финансирање на проекти од национален интерес во културата за 2019 година.

Обраќајќи се на македонски јазик пред Рускиот крст во Битола, каде пред 116 години загинал рускиот конзул Ростковски, актуелниот амбасадор на Руската Федерација во Македонија, Сергеј Бездникин рече дека подготвени се за унапредување на пријателските односи со Република Македонија во различни области, дотолку интензивно, доколку за тоа се подготвени македонските партнери.

Меѓународен тендер за доизградба на колекторискиот систем и пречистителната станица во Битола се очекува да биде распишан оваа година, по што во 2020 година ќе отпочнат и работите на терен, вели првиот човек на ЈКП „Нискоградба“, Методи Силјановски.

-Во 2019 година треба да се распише меѓународниот тендер ,а тоа ќе значи дека во рок од 6 до 9 месеци ќе се избере изведувач и во 2020 година ќе се отпочне со градба на истите, вели Силјановски.

Преку ИПА програмата за прекугранична соработка помеѓу Македонија и Грција, општина Ресен заедно со уште три грчки општини, во наредните две години ќе го реализира проектот„Помалку отпад 2“ со кој од третман на органскиот отпад и одржливо искористување на трската во Паркот на природата „Езерани“, ќе се произведуваат брикети.

Во Младински културен центар- Битола, утре од 19.00 часот, битолчани ќе имаат можност да ја погледнат патувачката изложба под наслов „Уште што друго сум освен што сум канцер на општеството“ на уметницата Дороти Пачкова.