Во 21 век, во време на сериозни интеграции не можеме да одиме напред  доколу не се интегрираме, беше речено на меѓународната научна конференција „БЕЗБЕДНОСНИ, ПОЛИТИЧКИ И ПРАВНИ ПРЕДИЗВИЦИ НА СОВРЕМЕНИОТ СВЕТ“, што од вечерва во наредните два дена ќе се одржува во Битола. Во организација на Универзитет „Св. Климент Охридски“ – Битола, Факултет за безбедност - Скопје, Правeн факултет – Кичево и Фондација „Ханс Зајдел“. Конференцијата има цел да обезбеди академски форум каде ќе се презентираат и дискутираат најновите сознанија во врска со темата на интерес, ќе се споделат идеи, како и да се разгледаат можностите за воспоставување на соработка и контакти, во насока на соодветна реакција на современите ризици.

-Успеавме да собереме научни работници од областа на безбедноста, политиката и правото од десет земји во регионот, но и од Европската унија. Во 21 век, во време на сериозни интеграции не можеме да одиме напред доколу не се интегрираме меѓу себе внатре и не се запознаме подобро и не ги размениме нашите искуства од тоа што некој пред нас го направил. Очекувам заклучоците што ќе бидат извлечени од оваа конференција да значат многу, сега во ова критично време и за Република Македонија, но и за регионот, рече професор д-р Никола Дујовски, декан на Факултетот  за безбедност –Скопје.

На Конференцијата ќе се третираат актуелни и современи прашања кои се потврдени и со самата тема на настанот.  

-Насловот на самата конференција е специфициран  со цел да ги извлече главните поенти од современите случувања во светот во делот на општествените науки со цел да дојдеме до еден супстрат кој нас ќе ни укаже која е состојбата во којашто се наоѓа светот денес, кои се предизвиците со кои тој се соочува и кои се перспективите кои што се отвораат со таквите консталации на односи, рече професор д-р Горан Илиќ, декан на Правниот факултет-Кичево.

Од Универзитетот велат дека на Конференцијата ќе се понудат одржливи и долгорочни решенија.

-Универзитетот сака да влезе во предизвикот за еден од најсложените проблеми што го оптоваруваат не само нашето  секојденевие туку и глобалното живеење. Кога зборуваме за светот како глобално село се соочуваме  со предизвици кои се повеќе или помалку слични, но одговорите на таквите предизвици и решенија се различни. Универзитетот  сака да ја постави призмата на науката како алатка преку која треба сите овие безбедносни политички и правни проблеми да добијат своја правна насока на резрешување и да немаме рзногласие во однос на  глобалните цели. Ние денес работиме, но не се надеваме на ад хок брзи решенија, решенијата треба да се одржливи и долгорочни, рече ректорот на битолскиот Универзитет  „Св. Климент Охридски“,професор д-р Сашо Коруновски.

-Со самото членство во НАТО, дефинитивно Република Македонија ги бетонира и ги гарантира своите безбедносни предизвици и безбедносни ризици, рече деканот на Правниот факултет во Кичево професорот Горан Илиќ, на меѓународната научна конференцијата  „Безбедносни,политички и правни предизвици на современиот свет“што вечерва се одржува во Битола, одговарајќи на прашањето како ги оценува безбедносните предизвици на државата во овој момент.

Битолскиот Завод и музеј ги започна археолошките истражувања на новопронајдените остатоци од црквата Св. Ѓорѓија кај битолската Јени Џамија, кои се откриени на почетокот на годината при реконструкција на фонтаната пред џамијата.

„Наместо да пиеме кафе на Широк Сокак и кажано по битолски да скитаме (шетаме), се фативме за работа да го средиме чикмачето (сокаче) кај Бела Чешма да ни биде убаво и ние тука да доаѓаме, да се дружиме“, рече Надица Коловска, средношколка од гимназијата „Јосип Броз Тито“ во Битола.

Таа е дел од  групата предводена од Младинската невладина организација „Форум 16“ што си зеде за задача да се сопротивстави на гласините што се шират дека младите се мрзливи, апатични, неработливи и дека по цел ден пијат кафе на Широк Сокак.

Непознати лица со месеци потпалуваат штали, бали добиточна храна и уништуваат ниви во пелагониското село Могила. За десет месеци изгореа околу 5.000 бали сено, слама, луцерка, над 1.000 килограми собран тутун, a земјоделски производи се уништени и по нивите. Пожарите избувнуваат навечер, најчесто по полноќ, кога нема луѓе по нивите и шталите. Мета бил имотот на Општина Могила, на луѓе од локалната власт и други вработени во општински институции.

Последниот од серијата пожари се случил на шести октомври, кога биле запалени шталата и плевната на Илче Велевски, вработен во спортската сала во Могила. Општетениот сопственик се сомнева дека некој ги потпалил намерно, додека тој со семејството бил на свадба..

Статуата на Атена Партенос пронајдена во Хераклеја денес ги краси витрините на Народниот музеј во Белград. Изложената статуа за време на посетата на музејот во Белград ја сними Ирена Ружин, доктор од областа на туризмот и ја објави на својот фејсбук профил.

Вечерва горат старите турските гробишта во Битола. Жителите од населбата Ушици реагираат дека гори веќе подолго време, пожарот се шири со големи пламени јазици и веќе се доближува до куќите и предизвикува паника кај населението.  Се соменваат дека се работи за подметнат пожар зашто се појавил доцна попладнево. Фотогрфијата ни ја испратија жители од зградите во близина и велат дека пламените јазици се толку високи што можат па се видат дури и преку покривите на околните куќи. Ова не е првпат да се палат турските гробишта во Битола. Годишно по неколку пати горат, посебно во летниот период кога се обраснати со густа вегетација. .

Димитар Пипилевски, директор на ОУ „Крсте Петков Мисирков“во селото Бистрица испрати  демант на пресот на ВМРО-ДПМНЕ,  во кој Марина Стефановска Јовчева обвини дека проблемот со бесплатниот превоз на учениците во Битола сеуште не е решен.

Во писмената реакција на Пипилевски стои-

„Да подметнете „пожар“ и да ги обвините „пожарникарите“ е несериозно и, во најмала рака, лицемерно. Обвинувањата кои ги упативте во врска со превозот на ученици и набавката на учебници е полна со невистини, а со оглед на фактот што доаѓа од вашата партија е дури и смешно.

Но ајде, низ еден краток времеплов, да го побараме коренот на проблемите во образованието, воопшто.

Проблемите со превозот постојат, а оној што се обидува да ги реши треба да го поддржите или, барем, да не му пречите. До пред извесно време го имавме најскапиот превоз на ученици во светот. Зошто е тоа така можете слободно да го запрашате бившиот градоначалник Талески, а ако имате проблем да го најдете, почекајте го во судница каде му се суди за криминално организираниот превоз, пишува Пипилевски.

Накрај Пипилевски нагласува -Но, како и да е, сега македонското образование е во рацете на професионалци и силно посветени луѓе кои ќе го вратат во нормала, кои ќе ги санираат крововите, тоалетите, инвентарот во училиштата, што за сметка на гипс и стиропор беа оставени да „тонат“.

Следниот пат кога ќе решите да давате изјави за проблемите во образованието, сетете се на ова писмо кое ви го напиша директор на училиште кое има долг од околу 620 000 евра, пишува Пипилевски во реакцијата испратена до апла.мк.