Центарот за социјални работи –Битола во соработка со Министерството за труд и социјална политика на Р. Македонија, УНИЦЕФ и СОС Детското село на Р.М во јуни 2018 година одржаа кампања „На секое дете му треба семејство“. Кампањата беше водена во интерес на децата кои без нивна вина се без родителска грижа , сместени во големи институции каде тие не можат да ја почувствуваат семејната атмосфера на секојдневното живеење. И колку да е добро опремена институцијата не може да ги замени љубовта и поддршката на семејната средина. Детето само во семејна средина може да чувствува љубов, поддршка и припадност, велат од Центарот за социјални работи во Битола.

Од таму додаваат дека „за таа цел од страна на овој Центар се водат повеќе кампањи за да може  да се создаде поголема мрежа на семејства кои ќе можат да ги отворат вартите на нивните домови и во нивните срца да влезат дечиња на кои им се потребно тоа за да израснат во вистински личности“.

Според Центарот за социјални работи во Битола  има четири семејства во кои се сместени по едно дете, а две смејства се здобија со сертификати на згрижувачи. Во Демир Хисар има едно згрижувачко семејство  каде се сместени три деца.  

Од Центарот апелираат сите заинтересирани семејства да се јават во нивните простории во Битола за да можат да добијат информации каква е постапката за да станат згрижувачи, како и за сите потребни информации за згрижувањето.

Додека кафаните вријат од гости кои со песна, музика и храна предновогодишно се забавуваат, група битолски планинари се одлучија поинаку да уживаат во претпразничната атмосфера. 

На 26 јануари следната година, во организација на Центарот за култура, Камерниот оркестар од Битола ќе одржи концерт насловен "Засекогаш во срцата".

На плоштадот „Магнолија“  денеска битолчани беа изненадени од неколкуте бали сено убаво подврзани со украсни панделки, оставени на плоштадот, па минувачите на шега се прашуваа дали сеното е предновогодишно честење за коњот на Филип Втори?

Ова не е прв пат бали со сено да бидат оставени пред споменикот на античкиот владател во центарот на Битола, тоа се случи и во 2016 година за време на протестите на „Шарената револуција“.

Јавното претпријатие " Стрежево" и Владата на Република Македонија потпишаа договор за концесија на риби за организирање рекреативен риболов на рекреативната зона " Акумулација Стрежево".

Денес ЈП Стрежево-Битола склучи договор за концесија на рибите за организирање на рекреативен риболов во времетраење од шест години (2019-2024 година).
Во име на Владата на Република Македонија, Договорот за концесија го потпиша министерот за земјоделство, шумарство и водостопанство Љупчо Николовски, а од ЈП „Стрежево“, договорот го потпиша директорот Менде Граматковски .

-Со овој договор претпријатието ќе детектира и информира за евентуалните еколошки проблеми и импликации врз рибниот фонд, ќе ја контролира уловената риба и ќе врши поуспешно управување и стопанисување на акумулацијата „Стрежево“ во целост. Ќе вршиме заштита и ќе овозможиме користење на рибите преку планско експлоатирање на одржлив начин.Физичката заштита ќе се остварува преку сопствена рибочуварска служба составена од обучени, професионални и униформирани рибочувари.
Акумулацијата Стрежево редовно ќе се порибува секоја година, најмалку два пати годишно во согласност со риболовната основа ( со подмладок од речна пастрмка и крап), се вели во информацијата на ЈП „Стрежево“.

Од претпријатието додаваат дека –„на посебно задоволство на рекреативните риболовци планираме да вршиме и порибување со транслокација на риби со цел дополнително да ја зголемиме атрактивноста на акумулацијата Стрежево.Планираме транспарентно да организираме заединички средби со членовите на риболовните здруженија од регионот каде што ќе дискутираме за сите аспекти за поуспешно имплементирање на договорот за концесија на заединичко задоволство а пред се во интерес на граѓаните. Продолжуваме посветено и одговорно да се грижиме за заштита на животната средина“.

Во државата се е скопско, читајте во последниот број на весникот „Без навреда“ 

Советничката Анита Ангелевска, која е меѓу обвинетите за случајот „Транспортер“ овој пат на седница на Совет не зборуваше за автобусите и ученичкиот превоз, туку за таксистите. Таа во делот за советнички прашања, од говорница со подбив, при тоа изнесувајќи и навреди, ја запраша градоначалничката Наташа Петровска кога е слободна, некој таксист да дојдел да ја земе и да ја прошета низ град да види што треба да се направи.

Две влезни врати, еден паркинг за велосипеди и три метални корпи за складирање на пластични шишиња донира ФОД ДООЕЛ –Битола во ОУ „ Ѓорги Сугарев“-Битола.

Ново, изградено од темел монтажно училиште добија учениците во селото Ношпал, Општина Могила. Во ОУ „Браќа Миладиновци“ во селото Ношпал  се школуваат околу дваесеттина ученици од прво до петто одделение.

Француската Алијанса од Битола традиционално и оваа година организираше Новогодишна приредба во Mалата сала на Центарот за Култура. Учениците со песни на француски јазик, танцови и глума уживаа на сцена. Тие покажаа со оваа приредба што научиле овој семестар. Конзулката на Република Франција Калиопа Кривашија Стилиновиќ ја отвори приредбата и им посака на децата среќна Нова година и секако да продолжат со изучувањето на францукиот јазик кој отвора многу врати!Француската Алијанса од Битола постои веќе 18 години и денес брои 170 ученици по француски јазик