На три години затвор е осудена Анета Стефановска од Битола, која како поранешен член на ДИК е една од обвинетите во предметот на СЈО „Титаник 2“ за  изборни нерегуларност за локалните избори во 2013 година.

Иако жените умеат да кажат дека 8 Март не е ден за цвеќе, туку ден кога се одбележува борбата за нивните права, како и тоа дека жената заслужува внимание секој ден, а не само еден ден во годината, сепак, Битола е убава  вака расцветана. А, убаво ги личи и мажите со цвет в рака 

По повод Денот на жената- 8 ми Март, Отсекот за превенција заедно со Полициската станица за безбедност на сообраќајот при СВР Битола, денес на повеќе локации низ градот спроведе Сообраќајно воспитна акција со која беа опфатени возачи од понежен пол и пешаци кои правилно ја преминуваат улицата на пешачки премин. 
На совесните учеснички во сообраќајот полицајците им подарија цвеќиња по повод Меѓународниот ден на жената. 

Петнаесетина  жители од битолските села Долно Оризари, Трн, Карамани, Логоварди денеска излегоа на предупредувачки протест, незадоволни од јавниот превоз, поскапените билети и несоодветните автобуси кои ги праќа на овие линии превозникот.

Преку фотографии од места кои биле значајни за животот на битолските Евреи, поставени на гугл мапс, на интернет ќе се раскажува приказната за еврејското минато на Битола. На Факултетот за информатички и комункациски технологии експерти од Израел држат дводневен семинар за обука на битолчани да користат модерни технологии со кои ќе можат на гугл мапс да постават фотографии од места значајни за Евреите во Битола.

Креативност, инспиративност, имагинација и творештво, наспроти говор на омраза и деструктивно однесување кон објектите во кои се одвива воспитно – образовниот процес. Во оваа насока, учениците од основното училиште „Св. Климент Охридски“ во Битола, заедно со наставничката по ликовно образование Анкица Стевановска, пратија порака за поттикнување на волонтерството преку акцијата „Мурал“ спроведена од Советот за волонтерство на Општина Битола, заедно со МКЦ Битола, а со поддршка на Проектот за граѓанско учество на USAID North Macedonia.

Целта на проектот е да се инспирираат младите луѓе да креираат инспиративни цртежи на ѕидовите и да се спречи говорот на омраза. 

Реализацијата на овој проект, овозможува визуелна трансформација на училишниот ѕид, но и силна порака за сите ученици, родители, воспитно – образовниот кадар, како и случајните минувачи кои неможат да останат рамнодушни на впечатливоста на новата креација.

Овие активности се нов поттик и мотив повеќе за учениците да се насочат кон активности со кои ќе ја зачуваат средината во која се воспитуваат и образоваат, а истовремено креативно ќе делуваат во нејзиното збогатување.

Последната фотографија најдобро ја отсликува состојбата пред  спроведените активности.

Од овде, од мојата Битола, граѓаните силно одговорија на јавниот повик за потпис за поддршка на нашиот Стево Пендаровски. Граѓаните денес масовно ширим нашата  држава  излегоа и дадоа потпис за нашиот кандидат за претседател на државата.