Вандали дивееле синоќа низ Ресен, а граѓаните на социјалните мрежи споделуваат фотографии од искршена урбана опрема во дворот на детската градинка. Насилниците го скршиле катанецот од вратата во градинката, оштетена е  железната ограда, како и дел од покривот на објектот.

 Општина Битола и јавните претпријатија активно се вклучија во акцијата за средување, чистење и разубавување на животната средина во општините во Република Македонија, иницирана од Заедницата на единиците на локалната самоуправа. Во еко акцијата се вкучија со механизација и работници Јавните претпријатија „Комуналец, „Нискоградба“и „Водовод“ од Битола. Покрај вработените, смет чистеа и заменичката градоначалник Емилија Костурска, директорите на јавните претпријатија и советници.

Со разигран, креативен и исклучително инспиративен хепенинг  ОУ „Гоце Делчев“-Битола,  денеска го прослави патрониот празник 4 - Мај.  Во дворот на училиштето  со однапред подготвена програма учениците се претставија пред многубројните гости, присутни родители и пријатели на школото, настапувајќи со  музичко -танцувачки точки.

НА ДЕНЕШЕН ДЕН - 3 мај, во 1942 година над селото Лавци и во близина на селото Ореово, Битолско е разбиен БИТОЛСКИОТ НАРОДНООСЛОБОДИТЕЛЕН ПАРТИЗАНСКИ ОДРЕД „ПЕЛИСТЕР“.

Со голем број активности и настани, кои започнаа на 20 април и ќе траат до 9 мај, СОУ „Таки Даскало“-Битола, го одбележува својот патрон празник.

Централната манифестација ќе се одржи денеска, 3 мај, во 17 часот во просториите на училиштето, а како дел од свечената програма, на учениците ќе им бидат врачени благодарници кои СОУ „Таки Даскало“  - Битола им ги доделува на основните училишта за успешна меѓуучилишна соработка. Исто така ќе бидат доделени и пофалници за творби кои конкурираат на поетскиот, ликовниот и конкурсот за најдобра макета „Убав е мојот град“ за учениците од основните  и средните училишта во Битола и битолско.

Обиколницата над Битола попладнево се очекува да биде  пуштена целосно во сообраќај, да се тргнат  семафорите и движењето по неа да се одвива без пречки, потврди за апла.мк, државниот инспектор за патишта Сашо Здравевски. Според него градежната  фирма „Илинден “ од Струга вчера завршила со санацијата на свлечиштето, над потпорниот ѕид, такашто нема пречки за одвивање на сообраќајот.

Иванчо Тошевски, советник во Советот на Општина Битола е избран за нов претседател на ОК на ВМРО-ДПМНЕ во Битола. На синоќешната седница на Извршниот  комитет  на ВМРО-ДПМНЕ во Скопје,  одлучено е од сите понудени кандидати од Битола, токму Тошевски да ја добие довербата за да ја води партијата во следните години.

Полскиот амбасадор во Р. Македонија неговата екселенција Јацек Мултановски, заедно со својата сопруга Кинга Мултановска го посетија  Државното музичко училиште во Битола и донесоа  музичка литература од композиторот Ф. Шопен за потребите на младите музички таленти во школото.

Амбасадорот Мултановски оствари средба со директорката на училиштето Катарина Велковска и професорката по пијано Татјана Божиновска.

-На средбата се разговараше  за состојбите во нашето училиште и следните планови, а амбасадорот ни додели и литература од композиторот Шопен, што ќе биде од огромно значење за идните генарации во нашето училиште, рече директорката Велковска.

Оваа средба се должи и на 25 годишната соработка на Државното музичко училиште од Битола со Друштвото за македонско-полско пријателство и соработка „Висла“ и манифестацијата „Шопенова вечер“, која традиционално се одржува во чест на композиторот од времето на романтизмот Фредерик Шопен,  кој  пак се смета за еден од најголемите композитори за пијано на сите времиња, вели за апла.мк директорката Велковска.  

На локалниот пат Битола – Буково, започна чистењето на каналската мрежа за атмосферско одводнување, кое се врши во вкупна должина од 2400 метри, односно по 1200 метри од секоја страна на патот. Градоначалничката на Општина Битола,  Наташа Петровска, денеска на терен изврши увид во динамиката и начинот на кој се реализираат активностите за чистење на одводните канали на овој локален пат.

Со чистењето на каналската мрежа, се решаваат многу од проблемите во овој дел на општината, кои се појавуваа многу често како  поплавување на парцелите покрај патот, поткопување на банкините и оштетување на коловозот на локалниот пат за селото Буково.

Вкупната вредност на инвестицијата на Општина Битола за оваа цел изнесува 162 408,00 денари.

Битолчанец подметнал пожар во куќата што со братот ја наследиле од родителите, а во која не живеел. Но, огнот проширувајќи се без покрив над главата го остави соседот со три малолетни деца. Огнената драма се случуваше синоќа околу 22 часот на улицата „Љубојно“ во Битола.