Лицата со телесен инвалидитет бараат персоналната или лична асистенција да биде законски регулирана  и да се спроведува по европски  терк.

Излетничкото место во близина на крстосницата од патот за Ротино прерасна во депонија. Несовесни жители од Битола и околните села таму се ослободуваат од различни видови смет. Ѓубрето го оставаат таму со надеж дека никој не ги видел, занемарувајќи го фактот дека ја загадуваат природата. Со ваква свест на некои граѓани, Европа уште долго ќе ни биде далеку.

Претседателот на   на хуманитарното здружение „Млади хуманисти“ од Битола, Бојан Тодоровски и градоначалничката,  Наташа Петровска, потпишаa  договор за соработка.

Не помина долго време по комплетната реконструкција на улицата "Кузман Јосифовски" во центрот на Битола, а новиот  асфалт неодамна е раскопан на две места. 

Горе од улицата „Прилепска“, долу до „Брегалничка“, десно од „Гоце Делчев“, а лево до „Наум Наумовски Борче“, овој своевиден правоаголник е означен како алармантен регион на мапата со идентификувани аерозагадувачи во Битола, изработена во рамки на проектот на Регионалното географско друштво „Геосфера“ од Битола.  Во овој правоаголник има повеќе приватни објекти, односно домови кои се идентификувани и пријавени од граѓаните како загадувачи, еден објект за производство на храна и една фабрика. Загадувачите се евидентирани и со фотографии. За жал, во овој реон се наоѓа и училиштето „Даме Груев“ и градинката „Пролет“ каде секој ден престојуваат неколку стотици ученици.

Граѓаните од Битола, ќе го добијат нарачаното огревно дрво, во следните две недели, информираат од  „Македонски шуми“, за што деновиве се ангажирани голем број возила од околните градови за да се забрза доставата.

Општина Битола исплати над 60 000 евра или 3 670 000 денари долг кон спортските клубови во градот. Во писменото соопштение од Општина Битола пишува дека иако обврските беа преземени, а истите не беа исплатени од претходното општинско раководство, градоначалничката Наташа Петровска, со цел да не се доведе во прашање функционирањето на спортските клубови, одлучи да ги исплати заостанатите средства.

Исплатени се 800 000 денари на Кошаркарски клуб „Пелистер“, 1 270 000 денари на Ракометен клуб  „Пелистер“ и 1 600 000 денари на Фудбалски клуб   „Пелистер“. Со денешната уплата на средствата на Фудбалскиот клуб „Пелистер“, Општина Битола во целост ги исплати обврските кон овој клуб кои произлегуваат од меѓусебниот договор.

Во соопштението пишува дека градоначалничката Петровска и во иднина, во рамките на финансиските можности на општината, ќе го поддржува спортот во Општина Битола.

Санација и реконструкција на патниот правец од Битола за грчка граница,  на оној од Битола за Новаци и санација на влезот од страната на Прилеп,  како проекти се вклучени во годинешната програма на Агенцијата за државни патишта на РМ. Ова било договорено  на вчерашната средба меѓу битолската градоначалничка Наташа Петровска и директорот на Агенцијата за државни патишта, Зоран Китанов.

Со ова во идниот период се очекува да бидат реконструирани овие патни правци кои досега беа само крпени и поголеми инфраструктурни зафати немало подолго време, со исклучок на излезот за Прилеп кој преку прокет на ЕУ беше самиран но до бензиската на „Лук Оил“, а патот понатаму не наликува на градски приод. Во слична ситуација е и патот за грчка граница каде минатата година кога се крпеа дупките, ставениот асфалт место со валјак, работниците го тапакаа со нозе.  

Битолчани ќе се вклучат во лов на загадувачи на воздухот во градот, посебно на оние кои палат гуми и пластики, а информациите ќе бидат доставувани до Општинскиот инспекторат за животна средина. Тоа им го озвозможува прокетот „Сликај, постирај, алармирај“ на Регионалното географско друштво „Геосфера“ кое денес потпиша меморандум за соработката со Општина Битола.

Итна санација на покривот на Сарајот во Ресен, констаирал министерот за култура, Роберт Алаѓозовски,  при денешната посета на овој објект, што е едно од најзначајните културни наследства во неокласичен  стил, изграден пред повеќе од еден век.