Вандали ноќеска со прегорено масло ја испрскале фасадата на подрачното основното училиште „Кочо Рацин“ во селото Беранци, Општина Могила. Со прегорено масло од трактор испрскана е влезната врата и влезните скали како и голема површина од фасадата. Градоначалничката на Општина Могила Јасмина Гулевска го осудува ваквиот вандализам и бара од полицијата да се откријат и казнат сторителите . Настанот е пријавен во СВР-Битола по што се очекува да се изврши увид на лице место.

Во истовреме градоначалничката Гулевска , е револтирана што исто така синоќа во населеното место Могила вандали ги искршиле реквизитите и урабаната опрема во паркот „Димче Могилчето“ , така што крлешките ги откорнале и од бетонот.

Жителите на Могила велат дека е потребно поголемо присуство на полицијата на терен, за да не доаѓа до вакви настани.

Општината изгради и ново монтажно училиште во село Ношпал, каде токму денеска се става нова врата, па од локалната власт прашуваат на кого му пречи развојот на општината и изградбата на училиштата во селските средини.

Ова не е првпат вандали да дивеат низ Могила. Во изминатиот период, непознати лица во неколку наврати потпалуваа штали, бали и добиточна храна и уништуваа ниви. За десет месеци изгореа околу 5.000 бали сено, слама и луцерка и над 1.000 килограми собран тутун, a земјоделски производи се уништени и по нивите. Беа запалени шталата и плевната на лице вработено во спортската сала во Могила, сламата во сопственост на Општина Могила наменета за пелети за загревање на општинската зграда и на школото во Беранци, сеното и сламата во сопственост на семејството на градоначалничката, а беа уништени и ниви со тутун на советник од Општината и на лице вработено на стадионот. Досега, јавноста не е информирана дека се откриени пироманите и уништувачите.

Со свечена академија, што се одржа во Народниот театар во Битола, јавното претпријатие „Стрежево’ од Битола ја заокружи прославата по повод 40 години од формирањето на хидросистемот, еден од капиталните субјекти во Пелагонискиот регион со исклучително значење за водоснабдување на градот и околината и наводнување на земјоделските површини. Актуелниот директор Методија Гаматковски, во своето обраќање пред присутните, ја потенцираше важноста на „Стрежево“ за Битола и целиот регион.

Никола Груевски мора да биде вратен во државата и ќе биде вратен. Тој во овој момент е исто толку опасен за Македонија како и во моментот кога беше премиер, рече пратеникот и генерален секретар на СДСМ Александар Кирацовски.

Во тек е постапка за расчистување на случајот со оштетувањето на граничните камења на македонско-грчката граница и нивно обновување, соопштија од Министерството за надворешни работи на РМ.

Современ Центар за динамичка регулација и видео надзор врз сите објекти и зафати воведе ЈП „Стрежево“ на 40 роденден од постоењето на ова претпријатие. Со овој надзор претпријатието ќе има 24 часовен мониторинг и контрла врз сите објекти и зафати кои се во нивна надлежност, започнувајќи од зградата, стопанскиот двор, рибникот, зафатите, дури до најоддалечните точки кај грчка граница. На отворањето на Центарот кој е сместен во просториите на претпријатието, денес присуствуваа вработени, експерти од оваа област, директори, партеници и други гости.

Од лажго до манекен, од воспитани и невоспитани со лични проблеми советниците Борче Димитровски од ВМРО-ДПМНЕ и Борче Корлевски од СДСМ го допреа дното на политичка коректност откако на последната седница на Совет на која се разговараше за развојните програми на Општина Битола за наредните три години  дискусијата ја сведоа на улична кавга со груби навреди и лични квалификации. Дискусијата се вжешти околу Офицерскиот дом во Битола, неговата реконструкција и намерите за продажба за време на ВМРО-ДПМНЕ .

Пратеникот на ЛДП од Битола Горан Милевски, денеска доставил  амандмани на Буџетот на Република Македонија поврзани за Битола, по што бара средстава од Буџетот  за затворен базен, поради загадувањето што го трпат битолчани од РЕК-Битола, средства за доизградба на колекторски систем на Пелистер, меѓудругото и средства за  конзервација и заштита на објектот на црквата Свето Успение на Пресвета Богородица на Битолското Кале.

Јавното претпријатие ,,Стрежево" денес слави јубилеј, 40 години постоење. Пуштен е во употреба Центар за динамичка регулација и видео надзор на објектите на претпријатието. Јубилејот на претпријатието му го честитаа многумина вработени, пензионирани работници, директори и други битолчани. Присутен е и генералниот секретар на СДСМ и пратеник Александар Кирацовски. 

Директорот на ЈП ,,Стрежево" Менде Граматковски рече дека ова е јубилеј достоен за почит и дека се преземаат мерки за понатамошен развој на ,,Стрежево". 

Пратеникот Кирацовски рече дека хидросистемот многу е значаен за Битола  и рече дека ќе помогне системот и понатаму да се унапредува. .

Грчката полиција започна истрага за да ги идентификува одговорните за повлекување на 105 гранични столбови на граничната линија меѓу Грција и Македонија, јави „Грчки репортер“. Според овој портал, столбовите се отстранети од нивните темели.

Некои од нив, пирамиди околу еден метар високи и некои помали цилиндри, наводно биле отстранети помеѓу четврток и петок, вдолж делот од 13 километри на границата меѓу селата Мезокампос и Ахлада во близина на градот на Лерин.

Новинската агенција Атина-Македонија објави дека обвинителството и воените власти во областа биле предупредени.

Битолчанецот Александар Лозановски ѝ предложи брак на својата девојка Софија Крстевска на видиковецот на Пелистер од каде како на дланка се гледа цела Битола. Фотографиите и куса вест за овој романтичен настан беа објавени на интернет страницата на Националниот парк Пелистер. Запросувањето беше навистина романтично. Според објавените фотогрфаии, скалите до видиковецот кој се наоѓа на Историската патека, беа послани со ливчиња од роза. Со исти такви ливчиња беше изцртано срце горе на видиковецот, поточно на местото каде Александар ја побара за жена Софија.