Објавувајќи ја програмата за дочекот на Новата година на плоштадот Магнолија, градоначалничката Наташа Петровска  испрати  емотивна порака на својот фејсбук профил до битолчани.

-Драги мои, животот е премногу краток за да зборуваме само за проблемите. Доаѓа Нова Година. Можеби недоволно, можеби премногу, но сепак ќе се израдувам со сто насмевки за барем една разбудена ваша насмевка со програмата на плоштадот. Да сте здрави и живи. Јас да бидам ВАША на дела, не на зборови, пишува Петровска на својот фејсбук профил.

Битолското здружение на Хрвати од Македонија, вечерва го организира традиционалниот Божиќен концерт на кој годинава ќе учествуваат младинскиот женски хор на КУД „Стив Наумов“-Битола и членови на Заедницата на хрвати кои учествуваа во наставата на хрватски јазик во Македонија.

Младинскиот женски хор под диригенство на Љубо Трифуновски ќе изведе дела на македонски и странски композитори, уметникот Дарко Кулевски на хармоника ќе го изведе делото на Семјонов „Слики од ренесансата“, а со соло гитара ќе настапи Андреја Чукалкова која ќе исполни Божиќна песна.

„Католичката Црква „Пресвето Срце Исусово“ е место каде што го славиме Христовото раѓање, каде што ја одржуваме традицијата и каде кон Здружението на Хрвати се приклучуваат и други битолчани. Благодарни сме што новиот жупник Дон Паво Шекерија ја препозна иницијативата и се заложи за реализацијата и на годинешниот Божиќен концерт во Битола“, соопштија организаторите на вечерашниот културен настан во овој град.  

Со мнозинство гласови на советниците во Советот на Општина Битола,  за командир на Полициската  станица од општа надлежност  во Битола, денеска е избран Драганчо Велевски.

На 25 декември во 1923 година, во Битола е родена Естреја ОВАДИЈА-Мара, припадник на македонското националноослободително и комунистичко движење и учесник во Антифашистичката војна во Вардарскиот дел на Македонија.

Сопствениците на кафулињата ќе мора да ги отсранат најлоните и другите матријали со кои е ограден просторот пред угостителските објекти на битолски Широк Сокак и да постават унифицирана ограда.

За Нова година битолчани кои ќе одлучат вечерта да ја минат на плоштадот Магнолија ќе имаат можност да уживаат во новогодишен џубокс. Во него од 21,30 часот до еден по полноќ ќе настапат музичката група „Боеми“, Борче Наумовски, Бојан Стојков и актерите Илина Чоревска, Маја Андоновска Илијевска, Викторија Степановска Јанкуловска и Марјан Ѓоргиевски.

Финансиските планови за работа во 2018 година на јавните претпријатија „Комуналец“ и „Водовод“ беа изгласани со мнозинство гласови во битолскиот Совет, а на останатите како „Нискоградба“, „Пазари“, „Жабени“ и ЈП за урбанистичко пранирање, проектирање и инженеринг, како и на Старскиот дом „Сју Рајдер“, не беа усвоени.

Советникот Иван Чулакоски  од незвисната советничка група „Поинаку“ со бејсбол палка во рацете денес излезе на советничката говорница во Битола. По најавите дека од буџетот ќе се издвојат средства за нови спортски активности, тој пародично побара од Општината да формира бејсбол клуб велејќи дека има многу заинтересирани битолчани за овој спорт.

„По барање на битолчани има многу заинтересирани да се занимаваат со бејсбол во Битола и побаравме од Комисијата за спорт која предвидува буџет и средства за нови спортски активности и содржини во Битола да се формира и еден бејсбол клуб кој ќе функционира под належност на Општина Битола. Ние како ‘Поинаку’ сме заинтересирани да донираме палки за сите заинтересирани граѓани“, рече Чулаковски.

На ваквото барање возврати претседателот на Советот, Валентин Груевски велејќи дека Општината нема надлежност да формира спортски клубови, но може да ја поддржи нивната активност доколку таков клуб е оформен.

Од „Поинаку“ побараа во Советот да се достави информација за аероздагувањето во Битола. Но, ваквиот прелог беше одбиен зашто како што изјави Методија Илиевски, координатор на советниците од СДСМ, во тек е изработка на краткорочни мерки за заштита на животната средина. 

Во сообраќајна незгода кај туланата на стариот пат Могила – Тополчани, вчера во 20.35 часот автомобил „ауди“ со битолски регистарски таблички управуван од Р.Г.(40) од Битола излетал од патот, при што возачот го загубил животот.

Увид извршиле јавен обвинител и екипа од Секторот за внатрешни работи Битола, по што по наредба на обвинителот, телото на починатиот е дадено на обдукција.

За учесниците во сообраќајот, Битола е најризичен град во земјава изминатиот период , открива статистиката на Републичкиот совет за безбедност во патниот сообраќај. На подрачјето на СВР Битола, годинава животот го загубиле 27 лица. На второ место според бројот на загинати е Скопје со 24 жртви, по што следуваат Штип со 22-ца починати и Струмица со 16.

Во анализата се потенцира дека главна причина за несреќите е возење со брзина поголема од пропишаната.