ВМРО-ДПМНЕ , во Битола, разубедувало гласачи да не гласаат за кандидат за градоначaлник на 15 октомври. Членови на партијата од населбата Јени Mаале, велат дека лица од општинскиот комитет ги разубедувале дека големата излезност би одела на контото на СДСМ, и би значела победа во прв круг на Наташа Петровска.

Градоначалникот Владимир Талески кој годинава не присуствуваше на отворањето на 38 издание на ИФФК „Браќа Манаки“, не дојде ниту на традиционалното полагање цвеќе на гробот на Милтон Манки во Влашките гробишта на Битола, иако во изминатите години редовно присуствуваше на овој настан.

Нема ништо поважно од нашите деца, внуци, од нашата младина. Како локална самоуправа предводена од СДСМ и коалиционите партнери, во иднина мора да го дадеме својот максимум младоста да ни остане во Битола, вети Наташа Петровска, кандидат за градоначалник од СДСМ.

Претставници на независната кандидатска листа за советници во Советот на Општина Битола со носителот Габриела Илиевска, денес остварија средба со Здружението за угостителство и туризам „Клуб Енаф“-Битола. Средбата беше на барање на членовите на Здружението, кои освен за проблемите од секојдневното живеење, со кандидатите за советници разговараа за проблематиката од нивната област на делување.  

Полцијата нема информации дека директорката на средното медицинско училиште во Битола, Јасмина Никиќ Десановска, која е обвинета во случајот„ Транспортер“ на СЈО, вчера имала сообраќајна незгода како што објавија некои медиуми.

Поранешната касарна, а сега веќе новата населба Златен рид ќе доживее градежна експанзија, вети Зоран Илиоски кандидат за градоначалник од ВМРО-ДПМНЕ. 

Битолскиот градоначалник, Владимир Талески, неколку години назад не собра храброст да се појави пред  Советот на Општина Битола и да даде отчет пред советниците, како се трошат парите на битотолчани.  Во исто време советниците од мнозинството предводено од ВМРО-ДПМНЕ, ги аминуваше сите буџети  и одлуки на Талески.

Кандидатката за градоначалник од СДСМ, Наташа Петровска, вчера и практично ја покажа својата заложба за почиста Битола. Таа на велосипед им се приклучи на граѓаните учесници во вело турата низ Битола.

По подолг период, да не речем за првпат официјално, почната е постапка за меѓународно признавање, сертификација на скијачката патека „Копанки“. Ова за да се добие меѓународна норма и  да може да се организираат натпревари од национален и меѓународен карактер. Ако до почетокот на оваа сезона ја добиеме сертификацијата ќе значи многу за развојот на туризмот на Пелистер.  

-Во земјава годишно има над 1300 смртни случаи како последица на нездравиот воздух. Од загадувањето имаме зголемен морталитет и морбидитет или заболувања и умирања. Анализите што ги направија експерти од Светска банка, врз основа на еколошки и здравствени податоци издадени од Институтот за јавно здравје, покажуваат дека околу 1350 случаи годишно умираат како резултат на аерозагадувањето, а напоменувам дека Битола е меѓу трите градови каде што е најзагадено.