Новиот тренер на РК „Пелистер“, Томче Петрески, на денешната прес конференција,  рече дека атмосферата во клубот се подобрува, играчите се прилагодуваат на неговиот систем на работа, а тој очекува добри резултати.

-Сакам за јавноста, публиката да е јасно дека ние не го избркваме Стевче Алушовски, тој самиот си замина, а од кои прични, не знам. Седнавме да разговараме со него, тој побара да донесеме тројца играчи, ние обезбедивме двајца од нив, додека третиот веќе имаше потпишано договор за странски клуб.  Тој замина, а наша цел беше да имаме соработка. Тогаш се најдовме во навистина тешка состојба, затоа што ретко може да се најде тренер да ја преземе екипата. После Алушовски, за тренер го назначивме Борче Марковски, а после поразот, како што е познато, Марковски си поднесе оставка, кој не можеше да го издржи притисокот од јавноста и публиката, рече Златко Димитровски, спортски директор на РК „Пелистер“.

Долг од над 110 илјади евра, по разни основи, тужби од играчи, извршни решенија за неплатени сметки, неплатени услуги кон добавувачи. Во ваква состојба, новото ракводтсво го затекна ракометниот клуб „Пелистер“ при неговот преземање во јануари годинава. Новиот управен одбор денеска на увид на јавноста го стави финансискиот извештај за првото тромесечје. Овој долг е целосно саниран, а блокиранта сметка, денеска со дотациите од општина Битола, е одблокирана

Ученици од Основното училиште „Елпида Караманди“, по иницијатива на одделенскиот наставник д-р Фанче Јошевска, а по повод патрониот празник гo посетија Општинскиот oдбор на Сојузот на Борци од Битола. Пред борците и нивните следбеници и почитувачи, учениците од класот на Јошевска изведоа пригодна програма.

Има начин загадувањето со ПМ честичките да се сведе на половина, доколку домаќинствата во Битола се греат на сертифицирано дрво со мал процент на влага, велат од Здружението на географи „Геосфера“.Од шумските претпријатија одговараат дека иако ваквите препораки изгледаат едноставно, сечата и доставата на дрва е сложен процес и не може да се прилагоди преку ноќ, туку ќе треба време.

Враќање на маалските полицајци, најави министерот за внатрешни работи, Оливер Спасовски, при неговата посета на општина Битола, каде се сретна  со градоначалничката Наташа Петровска. Истот така, министерот оствари средба и со началникот на СВР Битол и неговите соработници. 

Овогодинешното јубилејно издание на Интернационалниот фестивал на монодрама Битола 2018, во организација на Центарот за култура Битола, започнува на 11 мај и ќе трае до 15 мај. Веќе се познати учесниците во натпреварувачкиот дел, како и стручното жири, а подготовките за ова издание се веќе при крај.

Дворот и спортските терени на техничкото училиште „Ѓорги Наумов“, нема веќе да бидат корзо за граѓаните и пазарџиите од Новиот пазар во Битола. Училиштето заради безбедносни причини за учениците и вработените ќе ги затвори и огради сите диво отворени премини  кои од Новиот пазар водат низ дворот на училиштето до околните згради.

Универзитетската библиотека „Св. Клмент Охридски“ –Битола и Педагошкиот факултет при Универзитетот „Св. Климент Охридски“ Битола, денеска ги промовираа книгите „Стандарден македонски јазик“ од проф. д-р Виолета Јанушева и „Акадмеско пишување1“ од проф. д-р Виолета Јанушева и доц. д-р Бисера Костадиновска-Стојчевска.

По студентските протести во понеделникот во Битола против промената на името, 16 кракото сонце заврши во рацете на Коњаникот на плоштадот Магнолија. Некој го стави на споменикот на Филип Втори кој се издига на плоштадот Магнолија каде беше и студенскиот собир. Споменикот беше подигнат пред седум години од страна на претходната локална власт на Битола. Филип Втори на животи видел многу битки, а неговиот споменик многу бои. Откако е поставен сведок е на бројни протести и партиски митинзи. Тие му се најчести во агендата. Има само седум години, а доживеа бурна историја. „Шарените“ го боеа, други го чистеа, поранешните градските власти едно време  го претворија во лампион, сега  служи како збирно место за протестите поврзани со зачувување на јазикот и името. Едни му испишаа недолични цртежи  и зборови, а други му прикачија знаме да ги води. Коњаникот во срцето на градот е уште еден доказ за поделеноста на народот.