АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Мај 10, 2025
Анета Блажевска
Невремето кое попладнево го зафати регионот, предизвика поплавување на дел од улиците во градот, а ЈКП "Водовод" информираат дека нивните екипи се на терен и интервенираат со цела оператива и механизација, за расчистување на улиците и тротоарите.
На барање на градоначалникот на општина Битола, Тони Коњановски, попладнево се одржа итен состанок на штабот за заштита и спасување. На состанокот присуствуваа претставници од општинската администрација, директорите на јавните претпријатија, Претседателката на Советот на општина Битола, координаторите на советничките групи при општинскиот совет, претставници на Дирекцијата за заштита и спасување, Центарот за управување со кризи, СВР Битола, ТППЕ Битола и ОО Црвен крст Битола.
Од страна на присутните беше образложено дека, пријавени се штети на следните локации: удар од гром на улицата Караорман број 104 в, поплавени визбени простории на улицата Ѓорче Петров, на броевите 21 и 39, поплавени куќи на Дебарска бр 99, Струшка бр. 33, Димитар Мите Богоевски бр.6, одрон на патниот правец А3 (кај тунелот), како и паднати дрвја на патниот правец Беранци – Вашерејца – општина Могила.
Јавните претпријатија со своите човечки ресурси и механизација, на терен веќе работат на отстранување на штетите предизвикани од обилните врнежи од дожд, а КЈП Нискоградба, согласно заклучоците од денешниот состанок има обврска да изготви динамички план со технички решенија за отстранување на поголемите проблеми на одредени локации, каде истите се констатирани.
Граѓаните кои имаат штети, истите може да ги пријавуваат на телефонскиот број 112 на Центарот за управување со кризи, а Комисијата за проценка на штети, дополнително ќе ја утврди состојбата.
На денешниот состанок, беше договорено и општинската администрација да ги контактира претседателите на урбаните и месните заедници, како би можело да се добијат точни податоци за нанесени штети во сите делови на општината и соодветно на тоа, доколку е потребно да се преземат дополнителни мерки.
Градоначалникот на Битола Тони Коњановски за денес во 18 часот свика општински кризен штаб по повод интензивните врнежи на дожд кои ја зафатија Битола.
„Општина Битола ќе ги стави на располагање сите расположливи ресури и сум во постојана координација и комуникација со надлежните институции се со цел санирање на последиците од интензивните врнежи на дожд“, рече Коњановски.
BV Business Group ја открива иднината на недвижностите со првата продавница за станови
Јули 05, 2023Промоција на книгата „Мисловни патеки“ од Нешат Аземовски, промотори сопругата и децата
Јули 03, 2023Утре, 4 јули, со почеток во 18 часот во Зоолошката градина во Битола ќе се одржи промоција на книгата „Мисловни патеки“ од сега покојниот Нешат Аземовски, а промотори ќе бидат неговата сопруга Фатма Бајрам- Аземовска и нивните деца Леона и Даријан.
„Нешат беше битолчанец кој никогаш не сакаше да живее и работи на друго место, иако ги добиваше најдобрите работни места за да работи надвор од Битола. Нешат беше човек со визија, ги знаеше работите што треба да се случат и после 10 години. Велеше дека промената на менталната матрица е она што треба да го копираме од европските метрополи“, напиша неговата сопруга на социјалните мрежи.
Основно училиште заврши во „Елпида Караманди“, истакнувајќи се со својот став, одлични оценки и беше активно вклучен во многу секции. Средно училиште заврши во „Д-р Јован Калаузи“ во Битола, исто така со просек 5. Потоа, се запиша на Природно-математичкиот факултет на Институтот за биологија во Скопје.
„Тао беше периодот кога сам се снаоѓаше во животот, го купи првиот компјутер и принтер и почна сам да заработува за живот, помагајќи им на студентите да направат есеи, семинарски и дипломски работи.
Подоцна ја основа невладината организација „Биосфера“ како борец за здрава животна средина, иницијатор на активности за еколошка едукација и активности од други области, промотор на вредностите на мултикултурализмот, препознатлива личност со својот активизам не само во Битола и Македонија, туку и надвор од државата. Вклучен беше во многу проекти за зачувување на планетата Земја“, додава Фајрам-Аземовска.
Посебен интерес покажуваше за заживување на Зоолошката градина во Битола. Започна со реализирање на многу проекти и активности.
Се запиша на втор факултет одбирајќи го ФАМИС Битола, на отсекот Европски интеграции и менаџирање со европски проекти. Во тој период станува неформален ментор на многу студенти со неговиот ведар дух, знаења и вештини. што ги запознава во тој период, учат од него за многу животни лекции и тој ги охрабрува сами да чекорат по патеката на животот, па така Нешат беше иницијатор за основање и други н евладини организации кои денес успешно работат остварувајќи ги своите цели, благодарение на менторството и помошта која Нешат несебично ја даваше на младите.
„Нешат веруваше во Универзумот и често знаеше да дава мудри совети кои беа познати како нешадизми. Беше прекрасен сопруг и татко, човек посветен 24 часа на семејството, тие му беа најважни. За да може подобро да одговара на родителството посетуваше обуки, читаше книги и имаше секогаш време за семејството. Нешат е тука со неговите мисли, со совети, со нешадизмите. Неговите дела уште зборуваат за него“, напиша сопругата.
Најчитани
