Од последната трка во Романија , со која завршува Bmu European Championship за оваа сезона, Кико се враќа со четврто освоено место.

“Ја затвораме сезоната на меѓународни натпревари. И ја ставам Македонија во најсилната класа од шампионатот, со високо 2 место како краен резултат. Без поддршка на мојот менаџер, моите спонзори кои веруваа од старт во мене и во моето семејство, овој успех немаше да биде реалност. Овој пласман го посветувам на сите мои фанови кои ми пишуваат, ме бодрат на трките и го сакаат овој спорт. Ова беше сезона на исклучително силна конкуренција и мора да бидам искрен и да кажам дека беше преголем залак за мене. Но, кога нешто се сака, границите се преминуваат со напор кој некогаш се граничи со невозможно. Се гледаме во Смолево, Битола на последната трка од македонскиот шампионат овој ноември” - изјави Кико.

Нашата 16 годишна битолчанка Теодора Мицевска, ја понесе Гран При наградата  на Меѓународниот фестивал во Молдавија каде се претстави со исклучителна изведба на македонската народна песна „Јано мори“. На оваа манифестација што се одржа од 27 до 31 октомври, Теодора настапи во силна конкуренција со учесници од Романија, Украина, Русија, Молдавија,Бугарија, Албанија, Косово, а таа беше единствен учесник од Македонија и го понесе највисокото признание. Самиот натпревар има повеќе категории, естрада, фолклор, балади, поп, џез, кореографии, гимнастика, уметност итн.

-Гордо ја претставив нашата држава на музичката сцена во Молдавија и пред многубројна публика. Тоа е еден од поголемите меѓународни фестивали што се одржува во Молдавија во главниот град Кишинев. Чувството е исклучително и неописливо. Учествував во категоријата фолклор со изведба на една од најубавите македонски народни песни " Јано мори", изјави теодора за апла.мк

Таа по вторпат настапува на фестивалот во Молдавија. Во 2019 се претсави со песната "Ој ти пиле", што ја споделуваме со нашите читатели, а за овогодишниот настап очекуваме видео наскоро.