Денеска се одржа 17. „Роднокрајна средба со битолските писатели“  на која присуствуваа: Елизабета Јончиќ, Добре Тодоровски, Љубе Митрејчевски, Сања Видановска-Мучкајева, Михајло Свидерски, Славица Свидерски, Кире Неделковски, Златко Жоглев, Даниела Андоновска-Трајковска, Мирјана Стојановска, Зоран Пејковски и Милица Димитријовска-Радевска.

 

Министерството за земјоделство, шумарство и водостопанство ги информира млекопроизводителите дека Агенцијата за финансиска поддршка во земјоделството и руралниот развој – АФПЗРР ја реализираше исплатата кон млекопроизводителите за произведено и предадено кравјо, овчо и козјо млеко во периодот март, април и мај 2021 година.

Министерството за труд и социјална политика известува дека на ден 29.09.2022 година (четврток) започнува етапната исплата на пензиите за м.септември, кои продолжуваат да се исплатуваат предвремено.

Јавен обвинител од Основното јавно обвинителство Битола донесе Наредба за спроведување истражна постапка против едно лице за кое постои основано сомнение дека сторило кривично дело – Полов напад врз дете кое не наполнило 14 години од член 188 став 1 од Кривичниот законик.

Во рамките на проектот „Подобрување на енергетската ефикасност во згради - БЕНЕФИТ“, финансиран од ИПА програмата за прекугранична соработка со Грција, делегација од Општина Битола, претставувана од претседателката на Советот, Габриела Илиевска, заменик градоначалникот Бојан Бојкоски, како и Гордана Цветковска Бошевска и Горан Неделков, задолжени за реализација на проектните активности, присуствува на „Европската недела на одржлива енергија“ во Брисел.  Заедно со претставниците на општина Битола, на најголемиот настан на Европската комисија посветен на енергетската ефикасност и обновливите извори на енергија, присуствуваат и проектните партнери на општина Битола од грчката страна и тоа: Спиридон Економу од бордот на директори на Центарот за обновливи извори на енергија и заштеда на енергија, Јанис Фалас од Кластерот за биоенергија и животна средина, како и претставниците од Министерството за внатрешни работи на Грција: Јоанис Коцимпасис – раководител на одделението за кофинансирани програми и регионален развој и Анастасиос Зафиридис, раководител на одделението за информации за инвеститори и комуникации.

Овогодинешната тема на Европската недела на одржлива енергија е: „Одење зелено и дигитално за енергетската транзиција на Европа“, а истата опфаќа шест тематски групи и приоритети: планот REPowerEU, претставен од Комисијата во мај 2022 година, дигитализацијата на енергетскиот систем на ЕУ, енергетската ефикасност, обновливите извори на енергија, потрошувачите и фер енергетска транзиција и декарбонизација.

Конференцијата ја отвори комесарот за енергетика, Кадри Симсон, заедно со високи говорници од чешкото претседателство со Советот, Европскиот парламент и украинското Министерство за енергетика. Во контекст на Европската година на младите, Европскиот ден на енергијата на младите ќе им даде шанса на младите учесници да разговараат со комесарот Симсон кои активности мора да се преземат за да се обезбеди одржлива енергетска иднина. На сесиите за политики ќе има широк спектар на говорници од различно потекло, вклучувајќи креатори на политики, претставници на проекти, локални или национални власти, компании, групи на граѓани итн.

Со оглед на тоа дека главната цел на проектот БЕНЕФИТ е да се зајакнат капацитетите на јавните власти за планирање на енергетска ефикасност за надградба на енергетските перформанси на јавните згради, како и да се зголеми свеста за поширокото општество за придобивките од енергетската ефикасност самата посета на Генералниот Директорат за енергија е со фокус на енергетската ефикасност како и можностите за финансирање на проекти од таа област.

Во периодот од 19.9.2022 до 23.9.2022 ООУ Ѓорѓи Сугарев - Битола беше домаќин на 25 ученици и 10 наставници од партнер земјите Германија, Португалија, Холандија, Италија и Ирска, учеснички во проектот „Барање идентитет во време на социјални медиуми“ поддржан од програмата Еразмус+. За таа цел ученици од IX и VIII одделение беа ангажирани во активности предвидени според договорот.

Во обид да го претставиме нашиот град Битола, но и нашата земја во најдобро светло, како и да ја прикажеме нашата широкограда гостопримлива природа подготвивме нестандардна програма која ја реализиравме на различни локации од нашиот град и околијата со цел на гостите да им го доловиме нашето непроценливо богатство, а сепак да се задржиме на главната тема на посетата „Лажни Вести – дезинформација и пропаганда!“

Горди сме што успеавме да покажеме дека Битола умее вешто да се носи рамо до рамо со културата на европските земји. За успешна реализација на активностите несебично ни помогнаа со своја поддршка Општина Битола и градоначалникот Тони Коњановски, кој овозможи прием на гостите во салата на Советот на Општина Битола каде присуствуваше Овластен просветен инспектор на Општина Битола Марина Стефановска – Јовчева и Раководител на одделение за јавни дејности Снежана Петровска. Присутните ги поздрави и член на Советот на Општина Битола м-р Анета Георгиевска, како и директорот на ООУ Ѓорѓи Сугарев – Битола м-р Роберт Филиповски. Приказната ја продолживме со активности во ЈОУ Културен информативен центар каде не угости директорот д-р Лили Бошевска и овозможи учениците да ги покажат своите музички таленти, НУ Музеј на Битола и домаќинот Билјана Стефановска, факти за градот Охрид изнесе проф. д-р Зоран Тунтев, а работилница на тема Биодиверзитетот во Националниот парк Пелистер проткаена со лажни информации одржа Виолета Сотировска од Пелистер - Инфо Центар со што учениците ги заокружија своите компетенции за откривање Лажни Вести. За зајакнување на комуникацијата меѓу учесниците преку натпревар по куглање се погрижи Кугларски клуб Пелистер од Битола.

Проектот „Барање идентитет во време на социјални медиуми“ опстојува и се одржува преку виртуелни средби цели две години во пандемиски услови под координаторство на м-р Биљана Темелкова, наставник по англиски јазик при ООУ Ѓорѓи Сугарев – Битола. Тимот кој работи на проектот е составен од 6 наставници кои посветено работат на постигнување на целите на истиот.

Овој проект има за цел да укаже на нивото на свесност кај наставниците и учениците за правилната употреба на социјалните медиуми и медиумската писменост, како и да се осврне на потребата да се надмине недостигот на знаење за медиумска писменост кај младите, како и кај пошироката популација. Се фокусира и на укажување на опасностите што ги предизвикуваат социјалните мрежи кај младите. Учениците кои секојдневно примаат огромна количина на информации од широк спектар на извори ќе станат подобри критички мислители, паметни потрошувачи кои ќе препознаваат различни гледишта. Се надеваме дека во иднина наставниците ќе обрнат повеќе внимание до кој степен нивните ученици ги користат социјалните медиуми и на кој начин, но и ќе посветат особено внимание да ги научат како да бидат повнимателни кога ги користат социјалните медиуми.

Покрај главната цел на проектот, оваа седмица значеше многу повеќе за нашите ученици во смисла на создавање пријателства меѓу самите нив, но и нивните семејства. Врски кои ќе траат и моменти на кои ќе се сеќаваат до крајот на животот – вели координаторот м-р Биљана Темелкова.