АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Мај 31, 2026
Анета Блажевска
Утре без струја делови од Битола и повеќе села
Мај 12, 2026Повеќе населени места и делови од Битола утре, 13 мај, ќе останат без електрична енергија поради планирани прекини, информираат надлежните служби.
Според објавениот распоред, првиот прекин ќе трае од 06:30 до 16:00 часот и ќе ги опфати селата Брод, Сливица, Скочивир, Бач, Гермијан, Живојно, Кременица, Меџитлија, Егри, Гнеотино, Тепавци, Гнилеж, Ивени, како и индустриската зона Жабени и повеќе стопански објекти и компании во регионот.
Дополнителен прекин е најавен и во делови од градот Битола во периодот од 09:05 до 13:00 часот. Без струја ќе бидат улиците „Сисак“, „Епинал“, „Блаже Конески“ и дел од улицата „Круме Кепески“ со околните станбени и деловни објекти.
Битолската болница доби нов апарат за ендоскопија на одделот на Гастроентерохепатологија
Мај 12, 2026Девојче на 18 години од Кукуречани ноќеска фатено во Битола како вози кола без возачка дозвола
Мај 12, 2026Васко Ковачевски се спаси од судење за случајот „ТЕЦ Неготино“ тежок над 160 милиони евра
Мај 12, 2026Екс директорот на РЕК Битола и подоцна на АД ЕСМ, Васко Ковачевски, кој е во бегство, се спаси од прогон за случајот со набавка на мазут во ТЕЦ Неготино. Пропадна еден од најголемите случаи, во кој имаше сомнеж за криминал од над 160 милиони евра, бидејќи по сериозните сомнежи на МВР од пред околу една година дека се злоупотребувале тендери за набавка на мазут за потребите на ТЕЦ Неготино, денеска од Обвинителството за гонење на организиран криминал и корупција информираа дека предметот се затвара, бидејќи не биле утврдени злоупотреби.
Во фокусот на истрагата беше фирмата РКМ која го добила тендерот и нејзините сопственици Ратко Капушевски и Ерџан Сулкоски. Меѓу осомничените беше и сопственикот на Пуцко Петрол, Асмир Јахоски, син на пратеникот на ДУИ, Исмаил Јахоски. Сулкоски е поранешен вработен во Пуцко Петрол, а потоа стана еден од сопствениците на РКМ заедно со Капушевски.
Во истрагата беше опфатен и екс директорот на ЕСМ, Васко Ковачевски кој е во бегство и се бараше со меѓународна потерница за случајот Адитив. Опфатен беше и уште еден поранешен директор на ЕСМ, Адријан Муча. Од прибраните докази не се утврди дека осомничените ги сториле кривичните дела што им се ставаа на товар, ниту е утврдено постоење на друго кривично дело што се гони по службена должност.
„Во текот на постапката е анализирана обемна материјална документација, финансиски и договорни документи, вешт наод и мислење, како и искази од повеќе сведоци, претставници на АД ЕСМ, ТЕЦ Неготино, како и претставници на економските оператори кои во критичниот период имале лиценца за трговија со течни горива-мазут. Од доказите произлезе дека предметните постапки за набавка на мазут се спроведувани во услови на прогласена енергетска криза од страна на Владата на РСМ и согласно законските исклучоци предвидени во член 23 од Законот за јавни набавки, со цел обезбедување непречено производство на електрична енергија.
Истрагата утврди дека постапките биле спроведувани транспарентно. ЕСМ имало за цел да ги вклучи сите оператори што имале лиценци за трговија со мазут во интерес на побрзо испорачување на мазутот, при што биле контактирани сите економски оператори кои поседувале лиценца и тоа во дел од јавните повици со известување биле повикани да учествуваат, а во дел јавните повици биле објавени и во дневни весници. Од исказите на претставници на економски оператори произлезе дека дел од компаниите не учествувале во постапките поради деловни и економски проценки, односно поради високите количини, потребните банкарски гаранции и ризиците поврзани со тогашната состојба на енергетските пазари“, велат од Обвинителството.
Во Битола им се суди на Пеце Матевски и вработени од РЕК „Битола“ за тендер за ископ на јаловина со фирмата „РУД КОП“
Мај 11, 2026НОВ ЛИК НА СТАРИТЕ СПОРТСКИ ИГРАЛИШТА ВО УЧИЛИШТЕТО ВО ГОРНО ОРИЗАРИ
Завршува реконструкцијата на спортските терени, односно игралиштата во рамките на подрачното училиште „Тодор Ангелевски“ во населбата Горно Оризари.
Станува збор за два спортски терени, едниот ракометно игралиште или игралиштето за мал фудбал, а другиот терен за кошарка.
По отстранувањето на стариот асфалтен слој, бетон и земјишниот слој, следуваше поставување на тампон, потоа асфалтирање и поставена е тартан подлога на површина од 900 м2.
Терените ќе бидат опремени со реквизити, оградени се со заштитна мрежеста ограда висока околу 3 метри и во рамките на ова, нови патеки со бехатон плочки и елементи кои создаваат училница на отворено.
Игралиштата се осветлени со што ќе може да се користат и навечер, а обезбедени се и со камери. Просторот околу нив ќе биде хортикултурно уреден.
Средствата се обезбедени преку Министерството за образование и наука од вториот владин повик, а целата инвестиција изнесува 11.318.523 денари.
Денеска увид во работата изврши градоначалникот на Битола Тони Коњановски кој истакна дека верува дека овие терени ќе бидат искористени од младите за секојдневни спортски активности, а дека општината покажува дека максимално е посветена на спортската училишна инфраструктура.
ЗБОГУМ НА ЛИЧНОСТА ШТО ЈА ГРАДЕШЕ АТЛЕТИКАТА ВО БИТОЛА
Со длабока тага вечерва ја примивме веста за смртта на проф. Илија Чукалков, човекот чие име засекогаш ќе остане впишано во историјата на битолската и македонската атлетика.
Проф. Чукалков не беше само тренер.
Тој беше педагог, визионер, тивок авторитет и човек што создаваше генерации спортисти во време кога атлетиката во Битола немаше никакви услови, немаше патека, немаше инфраструктура. Но имаше луѓе како него.
Како тренер на тогашна АК „Олимпија“, денешен АК „Олимп“, тој создаде школа од која излегоа некои од најголемите атлетски имиња што ги имала Македонија. Под негово водство растеа Вера Вељановска, Стевче Георгиевски, Гоце Митревски, Мирјана Ристевска, Трајче Јанкуловски, Милорад Петровски и многу други.
Неговото име останува неразделно поврзано со подемот на битолската атлетика во 70-тите и 80-тите години.
Од Градскиот парк, со многу работа и уште повеќе љубов кон спортот, проф. Чукалков создаваше шампиони, репрезентативци и балкански прваци.
Но можеби неговата најголема победа не беа медалите.
Туку начинот на кој ги воспитуваше младите луѓе.
Сите што поминале низ неговите тренинзи зборуваат за неговата смиреност, човечност, достоинство и огромна посветеност. Никогаш не морал да вика за да биде авторитет. Неговото присуство било доволно.
Пред само неколку недели разговаравме со неговата внука Андреја Чукалова за можноста да направиме интервју и да отвориме уште едно поглавје од приказната за битолската атлетика и за луѓето што ја создавале. За жал, животот понекогаш ги затвора приказните токму кога мислиме дека имаме уште време.
АК „Олимп“ денес постои и повторно расте токму врз темелите што ги поставиле луѓе како проф. Илија Чукалков.
Нашата денешна борба за нови генерации, нови резултати и нова атлетска енергија во Битола е невозможна без почитта кон тие што ја создадоа приказната пред нас.
Ќе остане запаметен како човек што веруваше во атлетиката дури и кога условите не веруваа во неа.
Погребот ќе биде утре во 13:00 часот на гробиштата Св. Недела.
Почивај во мир, професоре.
Ви благодариме за сè што оставивте зад себе.
Објави Атлетски клуб „Олимп“ – Битола
Денеска беше свечено откриен споменикот на хероите Македонци од Туминец, Преспа и Мала Преспа. На настанот присуствуваше и градоначалникот Тони Коњановски.
"Чест и привилегија беше да бидам денеска со Македонците во Мала Преспа, да размениме мислења, да чествуваме и да оддадеме почит на хероите.
Под мотото „Чест за хероите, завет за иднината” Македонците од Мала Преспа, денеска во Туминец организираа посебна свеченост за оддавање почит на хероите од овој крај.
Премиерот Мицкоски кажа дека на Македонија денес повеќе од сè ѝ е потребно обединување. Обединување околу националните интереси. Околу иднината на нашите деца. Околу почитта кон сопствената историја и достоинството на народот, објави Коњановски.
Битолските планинари во чест на МУРАТОТ! Планинарски Спортски Клуб Пелистер во чест и слава на нашиот Димитар Илиевски-Мурато, првиот Македонец кој се искачи на највисокиот врв на Светот, Еверест денес го организира 37-тиот Традиционален планинарски марш. Истиот се одржува на Пелистер. 
На Маршот зедоа учество планинари од земјава и странство, со што маршот доби меѓународен карактер.
Фото АПЛА.мк 
Муратот е еден од најголемите алпинисти во историјата на македонскиот алпинизам и спортот воопшто. Се одликувал со фрапантна љубов кон планините и непоколеблива амбиција за соочување со најтешките предизвици. Во својата богата алпинистичка кариера се има искачено на повеќе планински врвови.
Муратот е еден од најголемите алпинисти во историјата на македонскиот алпинизам и спортот воопшто. Се одликувал со фрапантна љубов кон планините и непоколеблива амбиција за соочување со најтешките предизвици. Во својата богата алпинистичка кариера се има искачено на повеќе планински врвови.
Во негова чест на Пелистер подигнато е спомен-обележје. Посмртно ја има добиено наградата Медал за заслуги за Македонија (А. Б)
Најчитани
