„Гости сме на земјата“ - велеше Иљко, дофрли некој пред години во Клубот на уметници (театарскто бифе) на Битолски театар.

На 4-ти Ноември, денот на ослободувањето на Битола се крена животната завеса на еден од бардовите на македонскота театарска и филмска сцена – Иљко Стефановски (1952-2011), во една од централните улици во Битола.

Оваа година театарската неповторлива грамада Иљко Стефановски кој поседуваше нескојдневен и неверојатно раскошен актерски талент ќе го славеше 70 роденден.

Од неговата рана младост, па сè до неговото физичко заминување од овој свет - Иљко Стефановски оствари неповторливи театарски улоги како првенец на Битолскиот народен театар преку кои остана трајно запишан во македонската културно-театарска меморија, како уметник кој знаеше, можеше и бескомпромисно ја владееше театарската сцена и кога беше во центарот на театарското дејство и како спореден лик, дури и кога навидум имаше мала улога, а тоа ретко се случуваше поради неговиот раскошен талент, тој умееше да ѝ даде акцент и да биде значајно забележан. Публиката никогаш не остана рамнодушна на театраските претстави: „Свадбата на Мара“, „Пиреј“, „Женидба“, ,,Веселите жени од Винздор“,„Црквичето четириесет маченици“, „Сонот на летната ноќ“, „Хамлет“, „Магбет“, „Бегалка“, „Натемаго на филозофскиот факултет“, „Вечерва Фалстаф“ и уште многу други.

Иљко Стефановски во 1976 година го заврши факултетот за Драмски уметности во Скопје во класата на еден од доајените на македонската театарска уметност, актерот Илија Џувалековски.

Потекнува од семејството кое учествуваше во формирањето на Битолскиот народен театар, негов татко беше познатиот актер Ацо Стефановски кого публиката го памети по неверојатната харизма и моќен глас, а неговиот стрико- актерот и режисер Димче Стефановски во 1944 година ја режираше и ја играше насловната улога во едночинката „Ѓоре Магарески“ по текст на Владо Малески, со која се означи подигнувањето на НУ „Битолски Народен Театар“ кој годинава на 14 ноември ќе го прослави 78 роденден.

Иљко Стефановски долги години беше селектор на фестивалот „Охридско лето“. Добитник е на државната награда „11 Октомври“ и на многу други во Македонија и регионот.

Оствари улоги во значајни филмски македонски проекти: „Пред дождот“, „Апусрдистан“, „Крчма на патот за Европа“, „Сенки“, беше дел од актерската екипа нас популарните тв-серии „Салон Хармони“ и „Погрешно време“, играше во серијалите од културно –образовната програма на МТВ.

Актерот Иљко Стефановски почина на 6 декември 2011 година. Битолчани, неговите колеги, пријателите, семејството постојано се потсетуваат на шеговитиот, темпераменен и жив карактер на актерот кој живееше и твореше неповторливо.

Линк од претставата „Женидба“од Гогољ, во режија на Александар Исаков (Русија)

https://www.youtube.com/watch?v=otb7V6T6cTM

Општина Битола работи на изведбени проекти за велосипедски патеки на улиците „Васко Карангелевски“ и „Партизанска“, а идната година се очекува да започне изведбата на терен, соопшти Борче Димитровски, секретар на Општина Битола за време на јавната дискусија на тема „Урбана мобилност- можности, практики и одржливи проекти“ што во Битола се одежа во организација на Младинскиот културен центар – Битола и Локалниот економско-социјален совет на општина Битола (ЛЕСС Битола).

„Веќе работиме на изведбени проекти за велосипедски патеки на улиците „Васко Карангелевски“ и „Партизанска“ за кои постои основен сообраќаен проект, одобрен од надлежните институции, сега се работат изведбените проекти и доколку се запазат соодветните рокови во текот на иднатат година, не можам да прецизирам дали во првата или вторатата половина би започнала изведбната на велосипедските патеки на овие два потега“, рече Димитровски.

Професорот Никола Крстановски од Техничкиот факултет рече дека урбаната мобилност значи обесхрабрување на употреба на автомобил во градот како превозно средство и поддршка на друг начини: јавен градски превоз, велосипеди, пешачки сообраќај, примена на информатичка технологија за побезбедно одвивање на сообраќајот. Тој смеа дека за одржлива урбана мобилност потребана е издржана сообраќајна студија.

„Битола има специфична урбана структура, старо градско подрачје, многу специфична сообраќајна мрежа и одговор на одржливата урбана мобилност може да се даде само со изработка на квалитетна сообраќајна студија заснова врз детална анализа на вистински податоци од терен. Со бројки, снимања, анкетирања, броење, да се добијат податоци кои потоа со силна софтверска алатка за изработка на транспортен модел може да се испитуваат тестираат и предложат оптимални решенија за градот“, рече Крстановски.

Има пракса во нашите градови, посочи професорот, врз база на импровизација и претпоставки да се изработуваат сообраќајни проекти. Тој нагласи дека сега е прилика со ГУП градот да изработи и квалитетна сообраќајна студија која ќе овозможи оставрување на таа политика на град со висок квалитет на живење.

Снежа Домазетовска претставник на Општина Центар во Скопје, но и на мрежата „Скопје на точак“ рече дека и Амстердам пред половина век личел на Битола и Скопје со метежот во сообраќајот, но со пристисоците на невладиниот сектор работите драстично се промениле.

„Мора да се биде активен и да се притиска. Тој е начинот за да се дојде до решенија. Примерите од другите градови тоа ни го кажуваат и Амстердам бил заглавен во коли , па денес е велосипедски и пешаки рај, но сликите од седумдесетите ни покажуваат дека бил сличен на Скопје и на Битола. И таму луѓето протестирале и дошле до она што е денес. Мора да има пристиок од граѓаните, стручни лица во јавната администрација и политичка волја“, рече Домазетовска.

На 02.11.2022 во СВР Битола, 36-годишен маж од Битола пријавил дека во Битола бил физички нападнат од неговата сопруга К.С. со која бил во бракоразводна постапка и нејзиниот партнер В.Ц. Се преземаат мерки за расчистување на настанот.

Во 81 година од животот денеска почина м-р Вангел Гагачев, соопшти неговото семејство.

Трансформаторот за третиот блок на РЕК Битола кој се изработува во фабрика во близина на Анкара во Турција е готов, технички е испитан и е подготвен за транспорт, истакна денеска генералниот директор на АД ЕСМ Васко Ковачевски.

Тој нагласи дека трансформаторот со вкупна тежина од над 240 тони треба да се донесе до термоелектраната со специјален патен транспорт со композиција долга околу 54 метри за што се потребни специјални дозволи од Турција, Грција и од нашата земја.

Од компанијата која го испорачува трансформаторот имаме информација дека се чека уште да се комплетира и подготви специјалната документација од Грција за да може тргне транспортот. Транспортот ќе трае од 10 до 12 дена и се очекува трансформаторот да пристигне во РЕК Битола околу 15 ноември што е 15 дена повеќе од она што го планиравме, но е согласно со рокот за испорака кој е до 15 ноември, рече Ковачевски во одговор на новинарско прашање при денешната посета на РЕК Осломеј заедно со министерот за економија Крешник Бектеши.

Како што истакна, согласно планот за производство се предвидува од 15 ноември да биде вклучен во работа третиот блок во РЕК Битола, а вториот блок да биде во ремонт во траење од 20 дена.

Ние тоа ќе го направиме во моментот кога ќе биде пристигнат трансформаторот и ќе биде приклучен на системот со што блокот 3 ќе биде вклучен да испорачува електрична енергија на мрежа, а блокот 2 ќе биде исклучен за да се завршат ремонтните активност за да можат сите три блокови да бидат подготвени за грејната сезона, рече Ковачевски.

Посочи дека ЕСМ со капацитетите кои се сега вклучени во мрежата – блока 2 и блок 1 во РЕК Битола, термоелектраната Осломеј и хидропотенцијалот во целост ги задоволува потребите на ЕВН хоум, на ЕВН дистрибуција и на МЕПСО, како и на договорните органи кон кои испорачува енергија по препорака на Владата, односно здравствените и јавните институции и сите за кои се планира во наредниот период да бидат снабдувани од ЕСМ.

Во прилог ни одат поволните временски услови заради кои конзумот во овој период од годината е намален за 15 проценти на дневна основа. Во ТЕЦ Неготино се прават ремонтни активности на генераторскиот дел кои треба да завршат до крајот на месецов по што со полн капацитет ќе биде ставен во функција. Со тоа од 1 декември со намалувањето на температурите и со зголемувањето на конзумот веќе ќе ги имаме ставено во функција и блок 3 и ТЕЦ Неготино, прецизира Ковачевски.