За в.д директор на СОТУ „Ѓорѓи Наумов“ е назначена Жанета Сервини, дипломиран електротехнички инжинер, која доаѓа на местото на досегашниот директор Владимир Роме по неговото разрешување, соопштија од Општина Битола. 

Од основните училишта, мандатот му претстанува на директорот на ОУ „Св.Кирил и Методиј“, Душко Костовски, а на негово место за в.д директор се назначува Жанета Тошевска.

Синдикатот на РЕК Битола ќе му помогне на нивниот член и колега, Сребрин Поповски во обновување на неговата куќа која изгоре во пожар на 1 јули. 

Јадранка Павловска од СДСМ е нов советник на Општина Битола, која доаѓа на местото на досегашниот советник од НСДП Зоран Ѓоргиев кој стана директор на АД за изградба и стопанисување со станбен и деловен простор. 

Павловска на денешната седница даде свечена изјава дека одговорно ќе ја извршува советничката функција. 

Излезе од печат јубилејниот број 10 од Списанието за култура – литература, драмска уметност, филм и издаваштво „Современи дијалози“ во издаваштво на Македонското научно друштво-Битола. Главен и одговорен уредник на списанието е проф. д-р Даниела Андоновска-Трајковска, а уредници се и: Весна Мундишевска-Велјановска, проф. д-р Силвана Нешковска и Елизабета Јончиќ. Списанието има и меѓународен уредувачки одбор во состав: проф. д-р Звонко Танески (Словачка), Раед Анис Ал-Јиши (Саудиска Арабија), м-р Жарко Милениќ (Русија и Босна и Херцеговина), проф. д-р Тземин Итион Тсаи (Тајван, Република Кина), проф. д-р Том Филипс (Велика Британија), вонр. проф. д-р Михо Нонака (Јапонија и САД), Искра Пенева (Србија), проф. д-р Су Џен Лин (Тајван, Република Кина).

Со денешното асфалтирање на улицата „Цане Василев“, се финализира проектот за реконструкција на оваа улица.