АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јуни 08, 2025
Анета Блажевска
Лицата со попреченост бараат повисоки додатоци, ќе добијат 15 отсто зголемување, но идната година
Ноември 22, 2021СДСМ обвини дека ВМРО-ДПМНЕ ќе ја развива Битола со нивни проекти, овие возвратија дека важно е работите да имаат континуитет
Ноември 20, 2021Марија Малгожата Мачковска вработена во Битолската библиотека добитник на „Рицарски крст“- Орден за заслуги на Полска
Ноември 19, 2021Марија Малгожата Мачковска, вработена во НУУБ„ Св. Климент Охридски“ - Битола ја доби престижната награда „Рицерски крст - Орден за заслуги на Р. Полска“ од претседателот на Полска Анджеј Дуда.
Оваа престижна награда се доделува уште од 1923 година на лица кои и дале заслуга на државата или на граѓаните со извршување на дела што го надминуваат опсегот на нивните вообичаени должности, кои носат значителна корист за државата или граѓаните, јавна посветеност и добротворни цели.
„Секогаш ме исполнува со гордост кога слушам дека моите сонародници придонесуваат за градење на просперитетот на другите земји, за нивниот развој “- рече претседателот на Полска, Анджеј Дуда.
Малгожата Мачковска е претседател на огранокот на Друштво за македонско - полско пријателство и соработка „Висла“.
Таа е креатор, организиратор на традиционалниот концерт „Шопенова вечер“ кој се одржува веќе 28 години во општина Битола со соработка со Државно музичко училиште - Битола и Амбасада на Р. Полска во Скопје, организатор на разни културни манифестации, иницијатор на соработка на културна соработка помеѓу двете држави.
50 ученици и професори учествуваа на предавањето „Пристапување во ЕУ“ на 25 роденден на Здружението за македонско-германско пријателство до Битола
Ноември 19, 2021Здружението за македонско – германско пријателство и соработка од Битола по повод 25 годишнината од постоењето организираше онлајн предавање на тема: „BEITRITT der EU / Пристапување во ЕУ“.
Претседателката д-р Валентина Илиева ги поздрави присутните ученици и професори. Предавањето беше во изведба на ученици од Гимназијата „Јосип Броз Тито“ под менторство на проф. Марија Стојановска и Економското училиште „Јане Сандански“ Битола под менторство на д-р Николче Шулевски во кое гостите имаа можност да се запознаат со ЕУ, преку темите:
- Историја на ЕУ
- ЕУ денес
- Јазици во ЕУ
- Институции во ЕУ
- Економија во ЕУ
Се водеше и дискусија на тема: Пристапување на Р. Северна Македонија во ЕУ со нејзините позитивни и негативни страни на германски и на македонски јазик. Проектот е поддржан од Гете Институт.
Презентациите и дискусијата беа изведени јавно, на онлајн платформата ЗООМ. Присутни беа околу 50 заинтересирани ученици и професори.
На крај претседателката се заблагодари за прекрасно подготвените и презентирани информации за Европската унија притоа осврнувајќи се на темелниот пристап на учениците и нивните ментори д-р Николче Шулевски проф. по германски јазик во СЕУ „Јане Сандански“ и проф. Марија Стојановска проф. по германски јазик во Гимназијата „Јосип Броз Тито“. Посебно интересни факти беа изнесени во дискусијата со предностите и недостатоците за членството во ЕУ и да се слушне размислувањето на младите на оваа тема.
За учеството во проектот „Пристапување во ЕУ“ учениците добија потврда за учество и мали подароци од Здружението за македонско-германско пријателство и соработка од Битола.
Најчитани
