Во Битола денеска се регистрирани 38 нови случаи, на болничко лекување на Инфективното одделение има 31 пациент, сите се во потешка состојба. Зголемен е и бројот на активни случаи и изнесува 279

Во рамките на проектот „Грижа за зравјето на старите лица“, а со финансиска поддршка од Општина Битола од Програмата за социјална заштита за 2021 година, во просториите на Здружението на пензионери се одржа стручно предавање на тема „Остепороза, фактори на ризик за појавување и превенција , исхрана и вежбање“.

Предавањето го одржа специјалистот по интерна медицина и субспецијалист ревматолог Марија Налбанти. Претседателката на Здржението на пензионери од Битола, Даница Петличкова, пред присустните пензионери рече дека се одлучиле да организираат вакво предавање зашто воздрасните лица често оболуваат од оваа болест. За таа цел предавањето беше насочено за самозаштита , превенција и лекување на остеопоразата. На предавањето беа изнесени факторите на ризик, исхрана и вежбање за заштита од оваа болест.

Утре почнува скринингот за КОВИД-19 во основните и средните училишта во Битола, потврдија за апал.мк од Центарот за јавно здравеј. Вкупно во нашата општина ќе бидат опфатени  378 ученици. Превентивните тестирања се со цел рано детектирање и превенција од КОВИД 19 во училиштата низ Македонија, а ќе се спроведуваат со брзи анигенски тестови, а вкупно низ дражавата се опфатени 8178 ученици. Тестирањата ќе се извршуваат во училиштата, по случаен избор, со согласност од страна на родителите.

-Министерството за здравство апелира до родителите и старателите, да дозволат учениците да учествуваат во превентивното тестирање, со цел да се добијат релевантни податоци за трансмисијата на Ковид 19 низ училиштата, како и да се утврдат асимптоматски случаи кај учениците и средношколците. Со давањето поддршка на скринингот, зачајно ќе се придонесе да се добијат релевантни податоци базирани на докази, кои ќе овозможат натамошно носење на соодветни одлуки од интерес на децата и учениците. Тоа ќе овозможи побезбедно одвивање на наставата како и поголема заштита на здравјето на учениците, се наведува во соопштението на Министерството за здравство кое во октомври го испрати до јавноста

Започна реконструкцијата на ул. „Солунска“,  на потегот од раскрсницата со ул. „Климент Охридски“, до спојот со ул. „Тошо Даскало“. Реконструкцијата опфаќа промена на водоводната мрежа, промена на мешовитата канализација и нов коловоз. Вредноста на оваа инвестиција е 20.632.300 денари.

По повод „700 години од смртта на Данте Алигиери', НУУБ Св. Климент Охридски -Битола во холот на Библиотеката беше поставена тематска изложба. Изложбата со своја програма ја збогатија ученици од СОУ„ТакиДаскало“ -Битола, под менторство на проф.Николина Поповска. Агилиери е писател на многу значајни дела напишани на италијански и латински јазик, но пред сè на монументалната поема Божествена Комедија, која претставува едно од најзначајните литературни дела на сите времиња во кое се раскажува за патување во задгробниот живот. Во поемата, поделена на три дела – Пекол, Чистилиште и Рај, се претставени религиозните и филозофски концепти на тој период и се среќаваат бројни познати личности од Италија и современици на авторот, коишто се трансформираат во универзални архетипови, дотаму што тие дури и денес се актуелни.

Доцна вечерава се случи сообраќајна несреќа на улицата „Иван Милутиновиќ“ во Битола, кола се заби во дрво покрај зградите. Возилото е оштетено. Увид на местото избрши полицијата. Се уште немаме информации дали има повредени лица, но извесен период за сообраќај беше затворена една коловозна лента од улицата. 

Пишува: Александар Литовски