Во организација на кугларскиот клуб "Пелистер" се одржа градското првенство во куглање, на кое зедоа учество вкупно 23 куглари, од кои 16 во машка конкуренција и 7 во женска. После двата дена квалификации, во финалето на турнирот "4ти Ноември" на кој се бира годишен градски првак се пласираа најдобрите 4 резултати.

ЗДРУЖЕНИЕТО НА ПЕНЗИОНЕРИ

Им соопштува на своите членови старосни,семејни и војни пензионери дека уписот за свински половинки ќе започне на

10.11.2021 год.секој работен ден

од 11.00 до 14.00час.

Цената е 178ден/кг.

Плаќањето е на три рати.

Првата рата се плаќа со запишувањето а другите две во зависност од килограмите.

При уписот да се носи талон од пензија не постар од 2(два)месеци,лична карта и сертификат со примени две дози вакцина.

Архан живее во Баир, битолска населба претежно со ромско население каде што има успешни млади спортисти, само што за нив поретко се слуша и пишува, објавува Факултети.мк 

Сè започна пред две години кога со другарите од својот клас ја посетија кугларницата во Битола и добија можност бесплатно да куглаат три месеци. Оттогаш кугларницата му е втор дом на 17-годишниот битолчанец Архан Арслановски. Тој е еден од талентите што беа откриени преку проектот „Кугламе и сме среќни“, кога 600 ученици од деветтите одделенија од основните училишта во Битола имаа можност бесплатно да куглаат под менторство на искусни куглари. Меѓу младите што се вљубија во спортот и почнаа да постигнуваат рекорди е и момчето од битолскиот Баир, каде што претежно живее ромско население во лоши економски услови, без финансиски можности да вложува во кариерата, а и нивните успеси досега медиумски не добиваа поголемо внимание.

За добро да се кугла, потребна е максимална концентрација

- Нема поубаво чувство од она кога ќе се турнат сите кегли со една кугла, а особено кога ќе имаш идеални удари во серија. Тоа чувство ме носи цело време кон кугларницата, но, исто така, многу ми значи и дружењето во клубот, со други куглари од земјата и од странство, како и патувањата што ги овозможува овој спорт. Најтешката работа е како да се зачува концентрацијата во текот на еден час натпреварување, бидејќи секој удар бара максимална концентрација, а има и до 120 удари во еден натпревар. Воопшто не е лесно со кугла од 2,8 килограми во полн трк да се контролира секое движење на телото. Тоа бара голема психичка стабилност – вели Арслановски за Факултети.мк. 

Најдобри услови за куглање има во Битола

Неделно тренира од два до пет пати во зависност од натпреварите што го очекуваат. Кога започна со тренинзи, условите во салата беа многу лоши, а просторот многу студен. Но, со реновирањето на кугларницата годинава се добија врвни услови, па вели дека денес е уживање да бидеш куглар во Битола. Во земјава имаме две кугларници во Скопје и по една во Битола и во Струга, што реално е многу малку.

- Од годинава Битола има најдобри услови за куглање во Македонија. Добивме нова опрема и целосно реновиран објект. Финансиски клубовите сè уште не се силни во споредба со скопските, но трендот е во нагорна линија и очекувам во наредниот период да се воспостави и финансиска стабилност, со што амбициите да бидеме на врвот ќе можеме од национално да ги пренесеме и на интернационално ниво - вели тренерот Игор Михајловски.

Куглањето да има еднаков третман како и другите спортови

Битола има богата кугларска традиција, сала за куглање доби пред четири децении кога имаше осум кугларски клубови, а со транзицијата тоа се уништи. Кон овој спорт надлежните државни органи не се однесуваа рамноправно како кон другите.

- Но, нештата се менуваат, ние како спортисти веќе се изборивме за порамноправна методологија при распределувањето на базичните средства и длабоко сум убеден дека во наредната деценија куглањето ќе доживее ренесанса. Очекувам како потпретседател на Кугларската федерација, конечно, и поголема поддршка од Агенцијата за млади и спорт (како што беше и случајот со битолската кугларница) за нови објекти во поголемите градови, со што и човечките ресурси би се зголемиле, а со квантитетот неизбежно ќе дојде и квалитетот - рече Михајловски.
 

ИЗВОР: ФАКУЛТЕТИ.МК   https://www.fakulteti.mk/news/08112021/arslanovski---kuglarski-arslan-od-bitolski-bair

Пораки  до верницте да се откажат од гордоста упати митрополитот Петар во говорот по светата литургија што се одржа на големиот христијански празник Митровден во храмот „Св. Димитриј“ во Битола, а со која беа одбележани и 40 години архиересјка служба на г.Петар и 75 години од неговото раѓање. 

„Да се ослободиме од нашата гордост зашто Господ рекол дека гордите не ги поддржува, против гордите е Господ, а гледате, многумина што беа горди во нашаето општество кога мислеа дека стојат паднаа. И ние ако мислиме дека стоиме цврсто, ќе паднеме“, порача владиката.  

На свечената литургија во цркавта „Св. Димитрија“ во Битола служеше и поглаварот на МПЦ г.г. Стефан, како и други владици. 

Дури 39 пациенти се хоспитализирани во Ковид центарот при Битолската болница, со што бројката од петокот до денес се зголеми за петмина. Инаку, Битола е втора во државата по Скопје по број на активни слуачи. Има  489 позтитивни на ковид-19, а веднаш по нас е Куманово со 429 болни. Вчера беа евидентирани уште 37 случаи на заболени битолчани. 

Поради дефект во котелот на Блок 1 за кој не постоеше никаква можност да биде саниран додека постројката е во функција, синоќа во 3 часот Блок 1 е исклучен од електроенергетската мрежа на државата. Станува збор за планско исклучување на блокот со цел санација на скинатата цевка што се смета за лесен испад на постројката. Се очекува дефектот да биде саниран до вечерните часови и блокот да биде вратен на мрежа, соопштија од ЕСМ.            

Се работи и на оспособување на Блок 2 кој беше во ремонт и се очекува и оваа постројка да биде на мрежа до крајот на неделава.  Во меѓувреме АД ЕСМ ги задоволува потребите од останатите капацитети, како и со набавена електрична енергија, како резерва при вакви куси испади, велат од ЕСМ. 

Во организација на МК "Пелистер"-Битола, денеска се одржа 4. трка од Македонскиот шампионат во Мотокрос на стазата Смолево над Битола.