Здружението за развој на ромската заедница „Сумнал“, во рамките на програмата Еразмус +, во клучната акција 1, од 13 до 18 септември 2021 година го реализира проектот „Антициганизам и дигитални медиуми”.

По повод 100 години од раѓањето на Блаже Конески, Центарот за литература, уметност, култура, ораторство и јазик при Педагошкиот факултет - Битола распишува конкурс
на тема „Учителот“

Доајенот на битолското глумиште, актерот Борис Чоревски, годинава е добитник на наградата за животно дело на 55 -от Мтф ,,Војдан Чернодрински" во Прилеп. Вака одлучи Собранието на Фестивалот кој ќе се одржи од 1 до 8 октомври во Прилеп.

Најзначајниот театарски фестивал кој ги презентира најдобрите остварувања на македонските професионални театри, лани, поради пандемијата, не го одржа јубилејното 55-то издание и одлучено е тоа да се одржи од 1 до 8 октомври според сите протоколи. Веќе е позната и фестивалската програма. Фестивалот на 1 октомври, на сцената од Центарот за култура „Марко Цепенков“ ќе биде свечено отворен со доделувањето на наградите за животно дело.

Чоревски е еден од најплодните македонски театарски актери. Досега играл во над 160 театарски ролји. Тој е драмски уметник со изграден и дефиниран творечки потенцијал, студиозност во обликувањето на ликовите, за кои не постојат никакви тајни  во актерската игра. Тој е подеднакво супериорен во настапите во театарот, телевизијата и на филмот. Секое негово  остварување е синоним на голем занает и исклучителен талент. Чоревски е препознатлив по улогите во делата на Горан Стефановски, Петре М. Андреевски, Дејан Дуковски но и светските класици Шекспир, Чехов, Горки. Бројни се наградите кои Борис Чоревски ги има добиено во земјава. 

Согласно препораките на Американска агенција за лекови и ЕМА, како и анализите на кои се работеше во изминатиот период за тоа кои лица треба да примат трета доза вакцина, Комитетот за имунизација донесе одлука околу трета бустер доза.

Се известуваат пензионерите, членови на ЗП Битола, дека акцијата за запишување на ваучери се прекинува , согласно Изборниот Законик, се до целосното завршување на локалните избори.

Сите поднесени документи за добивање на ваучери во меѓувреме ке бидат ревидирани во смисла на исполнување на условите од Правилата за доделување хуманитарна помош на пензионерите, донесени од Извршниот одбор на ЗП Битола, според кои хуманитарна помош можат да добијат пензионерите чија пензија изнесува најмногу 13.000,00 ден. без други додатни приходи во семејтвото, односно пензиите на сопруг и сопруга да не се повисоки од 20.000,00 ден. исто така без додатни приходи во семејството. Овие ваучери во вредност од 1000,00 ден. ќе бидат дадени на пензионерите после целосното завршување на локалните избори.

Во периодот после изборите ќе се овозможи ново запишување на пензинери, за доделување на ваучери доколку ги исполнуваат горе наведените услови, а не се претходно пријавени, стои во соопштението на Здружение на пензионери. 

Во основните и средните училишта во Битола од почетокто на учебната година до денес има вкупно 12 ученици позитивни на коронавирусот, што е 0,1 процент од вкупно 11200 основци и средношколци на ниво на општина. Тоа не ја загрозува наставата со физичко присуство затоа што нема трансмисија во самите училишта.