2win800x200

Шо рече

Ученици од ОУ „Тодор Ангелевски“ и од ОУ „Даме Груев“ денеска цртаа кај ново уредениот  урбан простор кај месноста наречена Бела Чешма во Битола, како дел од проектот „Гласно сокаче- будно чикмаче“.

-Со самото членство во НАТО, дефинитивно Република Македонија ги бетонира и ги гарантира своите безбедносни предизвици и безбедносни ризици, рече деканот на Правниот факултет во Кичево професорот Горан Илиќ, на меѓународната научна конференцијата  „Безбедносни,политички и правни предизвици на современиот свет“што вечерва се одржува во Битола, одговарајќи на прашањето како ги оценува безбедносните предизвици на државата во овој момент.

Димитар Пипилевски, директор на ОУ „Крсте Петков Мисирков“во селото Бистрица испрати  демант на пресот на ВМРО-ДПМНЕ,  во кој Марина Стефановска Јовчева обвини дека проблемот со бесплатниот превоз на учениците во Битола сеуште не е решен.

Во писмената реакција на Пипилевски стои-

„Да подметнете „пожар“ и да ги обвините „пожарникарите“ е несериозно и, во најмала рака, лицемерно. Обвинувањата кои ги упативте во врска со превозот на ученици и набавката на учебници е полна со невистини, а со оглед на фактот што доаѓа од вашата партија е дури и смешно.

Но ајде, низ еден краток времеплов, да го побараме коренот на проблемите во образованието, воопшто.

Проблемите со превозот постојат, а оној што се обидува да ги реши треба да го поддржите или, барем, да не му пречите. До пред извесно време го имавме најскапиот превоз на ученици во светот. Зошто е тоа така можете слободно да го запрашате бившиот градоначалник Талески, а ако имате проблем да го најдете, почекајте го во судница каде му се суди за криминално организираниот превоз, пишува Пипилевски.

Накрај Пипилевски нагласува -Но, како и да е, сега македонското образование е во рацете на професионалци и силно посветени луѓе кои ќе го вратат во нормала, кои ќе ги санираат крововите, тоалетите, инвентарот во училиштата, што за сметка на гипс и стиропор беа оставени да „тонат“.

Следниот пат кога ќе решите да давате изјави за проблемите во образованието, сетете се на ова писмо кое ви го напиша директор на училиште кое има долг од околу 620 000 евра, пишува Пипилевски во реакцијата испратена до апла.мк.

„Родителите на дел од учениците се приморани сами да ги сносат трошоците, додека останатиот дел на ученици не одат на настава со што е нарушен воспитно-образованиот процес, а притоа се врши притисок врз наставниците да не ги запишуваат за отсутни со цел да се прикрие реалната состојба. По една година власт и она кое што дотогаш го имаа учениците, а им е загарантирано со закон, го немаат, немаат бесплатен превоз и се уште немаат учебници по сите предмети. Наместо да ги обезбедат учебниците што недостасуваат, на учениците им се наложува да фотокопираат со што повторно се удира врз џебот на родителите“, обвини Стефановска Јовчева на прес конференцијата посветена на состојбите во образованието.

Филип Димовски (13) од Битола за една година успеа да освие три трети места за учество на дури четири меѓународни натпревари по џудо, а се закити и со медал за освоено прво место  на Државното првенство по џудо организирано за основите училишта во државата.

„Пратениците во Собранието сме исправени пред една од најголемите историски одлуки кои Македонија ги има откако е самостојна, а пак доказот ни го дадоа граѓаните. Гарѓаните на 30 септември јасно кажаа и ни порачаа дека сакаат Република Македонија да ја видат во ЕУ и НАТО прифајќајќи го договорот потпишан со Грција. Оттаму јас верувам , уверен сум дека мнозинството пратеници, 80 од нив минимум, и оние од СДСМ, и оние од ВМРО-ДПМНЕ и оние кои се од другите политички партии се на линија на обврската и одговорноста и дека во клучниот момент кога овие предлог измени ќе бидат на Пленарната седница ќе гласаат за неопходните измени се со цел на идните генерации да им обезбедиме иднина во НАТО и ЕУ“.

Делегација од Косово беше во работна посета на Јавното претпријатие „Стрежево“ во Битола. Во делегацијата имаше претставник од министерството за земјоделие на Косово, директорите на хидро системите Ибер - Лепенец и Радоњичи - Дукаџини и регионални преставници на Светска банка. 

„Целта на нивната посета на Хидро системот ‘Стрежево’ е размена на работни искуства и стекнување на знаења за функционирањето на динамичката регулација, деталната цевководна мрежа, повеќе наменското искористување на водата ( наводнување, производство на електрична енергија, одгледување на пастрмка) и примена на наши искуства кај нивните хидро системи“, рече директорот Менде Граматковски.

За обезбедување поквалитетна настава и услови за континуиран напредок на учениците, обезбедени се три интерактивни табли  за училниците во ОУ „Коле Канински“-Битола. Интерактивните табли, со добра поддршка на компјутер, интернет конекција и софтвер ќе допринесат  за унапредување на наставните содржини. Со ваквата ангажираност се задржува вниманието на сите ученици на конкретната наставна содржина, а се зголемува и нивната мотивираност за работа, велат од ОУ „Коле Канински“.

Во недела секоја глас „за’’ носи подобра иднина за нашите деца, нивната иднина е во нашите раце и во нашиот глас, порача од Могила, генералниот секретар на СДСМ, Александар Кирацовски. Тој денес во Пелагонскиот Регион, поточно во општините Могила, Новаци и Битола и ги повика жителите масовно да излезат во недела на референдумот и да гласаат за европска Македонија.

„Во недела се соочуваме со историска одлука , сите подеднакво одлучуваме за нашата иднина и сите сме исправени пред предизвикот и изборот- дали да одлучиме за изолацијата во минатото или за напредокот во иднината? Како генерација имаме обврска да ѝ помогнеме на нашата Македонија да тргне напред, ова е одлука на нашата генерација. Клучен чекор за тоа е референдумот во недела. Во недела секоја глас „за’’ носи подобра иднина за нашите деца. Што и да направите во недела, трајно ќе влијае врз иднината на нашиот живот, врз индината на држава. Што и да направиме во недела трајно ќе влијае врз иднината на нашите деца, на идните генерации. Иднината на нашите деца е во нашите раце и во нашиот глас’’, рече Кирацовски.

Јас ќе бидам многу среќен да слушнам алтернатива, да слушнам дебата за алтернатива, јас слушам само дебата за индентитет, а тој е гарантиран. Денес во 21 многу е поважно да зборувате за економска моќ оти тоа ви го дава идентитетот, ако вие сте ситуирани, со добри плати, кој ќе ви го земе иденитетот, рече Кочо Анѓушев, вицепремиер за економски прашања денес на трибината во Жабени.

Јас ќе бидам многу среќен да слушнам алтернатива, да слушнам дебата за алтернатива, јас слушам само дебата за индентитет, а тој е гарантиран. Денес во 21 многу е поважно да зборувате за економска моќ оти тоа ви го дава идентитетот, ако вие сте ситуирани, со добри плати, кој ќе ви го земе иденитетот, рече Кочо Анѓушев, вицепремиер за економски прашања денес на трибината во Жабени.

Битолчани  во едно се согласуваат дека низ улиците во градот се вози пребрзо, не се почитуваат ни правила, ни прописи, а неретко улиците се злоупотребуваат од возачите „камикази“ без оглед дали се со автомобили или мотори и скутери. Но, за жал битолчани едно се однесуваат кога се возачи, а друго кога се во позиција на пешаци. Во билтените на сообраќајната полиција секојдневно се регистрираат прекршоци од несовени возачи, се изрекуваат казни  но состојбите не се подобруваат.

Денес почна исплатата кон сточарите за предаденото млеко со што се заокружува исплатата на субвенции за произведено и предадено млеко во 2017 година, соопшти министерот за земјоделство, шумарство и водостопанство Љупчо Николовски.

Активностите  околу проектите за топлификација и гасификација на Битола беа главните теми на кои денес се разговараше на средбата на градоначалничката Наташа Петровска со генералниот директор на АД ЕЛЕМ Драган Миновски, директорот на инвестиции и развој во АД ЕЛЕМ Иван Трпески, директорот на РЕК Битола Васко Ковачевски и помошник директорот за производство во РЕК Битола Златко Ќурчиевски. Раководството на АД ЕЛЕМ и РЕК Битола ја информираа градоначалничката Петровска за конкретните активности во однос на реализацијата на овие процеси, со што во наредниот период треба да се интензивираат проектните активности.

Login to your account

Username *
Password *
Remember Me
© 2021 АПЛА.мк. Сите права се задржани