Во Градскиот парк во Битола  се подига споменик за италијанските војници кои се бореа на Макeдонскиот фронт 1916-1918 година. Постаментот со спомен плочатa и партерното уредување се веќе направени  и се чека денот кога свечено ќе бидат претставени пред јавноста, иако на споменикот пишува„ Битола, декември 2018“.

Во последните петанесет години не се случило во еден ден Територијалната противпожарна единица од Битола да има дури осум интернеции врз сериозни пожари, нити преку лето, а не пак во пролет. Така беше вчера кога пожарникарите дојави за пожар имаа од девет часот утрото до 20 часот вечерта. Најопасен беше пожарот кој избувна од депонијата меѓу потпелистерските села Ротино и Цапари, а потоа огнот носен од ветерот само што не ги зафати моликовите стебла на Пелистер.

Битолчани, сакале или не, мора да одат со главата крената низ тесните битолски сокаци, не заради нешто друго туку ако гледаат во земјата може не дај Боже тула или греда да ги удри по глава. Во централното градско подрачје околу улиците Ленинова, Солунска, Нико Фунадали  има десетици стари куќи и авлии кои се пред распаѓање, па ѕидовите, настрешниците, покривите се дел срушени, а дел висат и се голема и сериозна опасност по животот на минувачите, особено за децата.

За дел од овие објекти се знае дека се во приватна сопственот, газдите се иселени одамна од градот, други пак,  се во државна сопсвеност, односно се имот на АД за стопанисување со станбен  и деловен простор .

Обвинение до Основниот суд во Битола покренало Основото јавно обвинителство од Битола за екс директорот на ЈКП Нискоградба, Кире Крстевски и уште тројца вработени во претпријатието М.М., В.П. и С.Х. Обвинението според извори на апла.мк е покренато  на 4 март годинава. Обвинителството и полицијата подолг период  назад го чешлаа финансиското работење на ЈКП Нискоградба, а исходот дали имало криминал во работењето на екс раководството се очекува да го даде Основиот суд во Битола.

„Мети си со класнето“ е мотото на еко акцијата што професорката по англиски јазик од Средното медицинско училиште, Марија Магдалена Петковска Микаровска заедно со учениците од класот втора шест ја презедоа самоиницијативно за чистење на расфрлано ѓубре низ Битола. Оваа вредна еко дружина се води од мислата: „Да покажеме дека не сме поголемо ѓубре од ѓубрето“. Подготвија и лого на кое професорката ја зела метлата во раце како да е гитара и го средува сметот.

Граѓаните од Урбаните заедници бараат од Општина Битола и ЈП „Комуналец“ да им помогнат за уредување на јавните зелени површини околу зградите, за што денеска оствариле средба со надлежните.

Бистата на првоборецот Стерјо П. Ѓорѓиевски е вратена на постаментот. По објавата на апла.мк вчера надлежните органи брзо реагираа и во текот на денот бистата повторно е поставена на своето место.

Општинскиот одбор на Сојуз на борци-Битола подолг период забележува оштетувања на спомен-бистите во Градксиот парк во Битола,но и во околината на Битола каде има вандализам и сериозно оштетување на спомениците.Во летото 2018 година имаше период каде што беа кршени,туркани главите на спомен-бистите,обојувани и истите беа оштетувани таков случај беше со спомен-бистата на Панде Кајзеро.Моментално,покрај обоените спомен-бисти,сериозно се оштетени спомен-бистите на Стерјо Ѓоргиевски и Коле Љачевски-Љачето како и спомен-бистата на Томаќи Димитровски.

Наскоро повторно ќе се бележат пешачките премини, соопштија од Општина Битола. Бележењето ќе го прават неколку екипи на терен, најпрво во централното градско подрачје, особено на пешачките премини кај училиштата и фреквентните улици, а потоа, ќе се продолжи и во останатиот дел од градот.

Општина Битола, согласно потпишаните договори со операторот за изведување на пешачките премини, побара од изведувачот на сите места, на кои што бојата од претходното бележење на хоризонталната сигнализација во градот не се задржа во потребниот рок, да го повтори бојадисувањето на сопствен трошок.

Битолската џез пејачка Стефанија Милевска сними нова песна „Еј ти, слушај“ (Hey You, Listen) и документарен филм, кои беа промовирани вчера, а имаат за цел да ги срушат бариерите и предрасудите што постојат во општествената заедница за лицата со попреченост. Песната и документарниот филм се посветени на нејзиниот прерано починат брат, кој беше болен од целебрална парализа, и на сите лица со попреченост. Таа сними и спот за песната, во кој учествуваат лица со различен вид попреченост од Битола, Скопје и Белград, како и танчари, пејачи и изведувачи од Анастасија центар-Битола.