АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јули 08, 2026
Анета Блажевска
Водовод Битола соопштува - По успешното отстранување на дефектот на водоводната мрежа во Долно Оризари водоснабдувањето е нормализирано и се одвива непрекинато (27.04.2025).
ЈКП Водовод -Битола е секогаш во служба на граѓаните и се грижи за навремена и квалитетна услуга.
ПОРАДИ ГРАДЕЖНИ РАБОТИ ЗА ПРОШИРУВАЊЕ НА ПАТОТ ЗА СЕЛО БУКОВО, ОД ПОНЕДЕЛНИК ВРЕМЕН РЕЖИМ НА СООБРАЌАЈ
На барање на локалните жители и населението кое го користи локалниот пат за с.Буково и нивното укажување на проблемите за безбедно одвивање на сообраќајот, поради недоволната ширана на патот од 3,5 м’, Општина Битола спроведе постапка и склучи договор за изведба и проширување на коловозот.
Вкупната вредност на договорот изнесува 19.690.365 денари, а рокот на изведба е 90 дена.
Работните активности на терен се веќе започнати, а од понеделник на овој патен правец ќе биде воведен времен режим на сообраќај.
Доградбата (проширувањето) на дел од постоечкиот коловоз е со должина од 600 м, а ширината на асфалтниот дел од коловозот ќе изнесува 5,50 м’, односно ќе се изврши симетрично проширување на постоечкиот коловоз од две страни од по 1,0 м.
Од двете страни на коловозот (до асфалтниот дел) предвиденa е изработка на банкини со ширина од по 75 см. од секоја страна.
Во банкината на пониската страна ќе се вградат префабрикувани бетонски каналети до самиот раб од доградениот асфалт со димензии 40/20/50 см, додека на останатите 35 см, од банкината ќе се изврши стабилизација со бетонирање на АБ плоча со д = 10 см. Банкината на повисоката страна ќе се стабилизира само со бетонирање на АБ плоча со ширина од 75 см. и д=10 см. Вака прифатената атмосферска вода преку каналетите во банкините, предвидено е да се спроведува во префабрикувани бетонски риголи со димензии 50/40 х 50 см. поставени од двете страни на патот.
НОВИОТ ДИРЕКТОР НА ИФФК „БРАЌА МАНАКИ“ НА СРЕДБА СО ГРАДОНАЧАЛНИКОТ НА ОПШТИНА БИТОЛА
Градоначалникот на општина Битола, Тони Коњановски, денес оствари средба со новиот директор на Фестивалот „Браќа Манаки“, актерот Димитрија Доксевски. На средбата се разговараше за плановите со кои директорот на фестивалот ќе пристапи кон организација на новото фестивалско издание на „Браќа Манаки“. Градоначалникот Коњановски, нагласи дека Општина Битола, продолжува да обезбедува поддршка за овој значаен фестивал за Битола, кој е вистински промотор на градот во светски рамки.
Општина Битола поднесе 59 апликации на повикот на Владата
Април 24, 2025ОПШТИНА БИТОЛА ДОСТАВИ 59 АПЛИКАТИВНИ ФОРМУЛАРИ ЗА 36 РАЗЛИЧНИ ОБЈЕКТИ НА ЈАВНИОТ ПОВИК ЗА ФИНАНСИРАЊЕ НА ЛОКАЛНИТЕ САМОУПРАВИ ОД ПРОГРАМАТА НА ВЛАДАТА
Општина Битола, денес до Министерството за локална самоуправа достави 59 апликативни формулари за 36 различни објекти, за кои општината во изминатиот период изготви проектна документација за аплицирање на новиот Јавен повик за изразување на интерес од страна на општините за финансирање на инфраструктурни проекти од Потпрограмата АА.
Преку овие апликации Општина Битола има за цел да обезбеди финансиска помош за реализација на приоритетни проекти кои се од големо значење за граѓаните и локалниот развој.
Предвидените проекти опфаќаат реконструкција на голем број улици во градот и населените места во општината. Во дел од нив, покрај коловозот, реконструкцијата опфаќа промена на канализационата и водоводната мрежа.
Проектните апликации вклучуваат и изградба на три спортски сали во основните училишта „Стив Наумов“, „Тодор Ангелевски“ и во ПОУ „Даме Груев“ во с. Долно Оризари, како и 10 спортски игралишта во училиштата, со соодветно осветлување.
Во однос на спортските терени, предвидена е изградба на атлетски патеки и борилиште во стадионот „Петар Милошевски“.
Дел од апликациите се и повеќе други проекти, со што вкупната вредност на аплицираните проекти е над 800.000.000 денари.
Повикот за аплицирањето до соодветните министерства трае до 30 април, по што министерствата ќе ги соопштат одобрените апликации за проекти.
"Паркинзи" Битола со важно соопштение до јавноста
Април 24, 2025СООПШТЕНИЕ
Веќе неколку дена на моменти кај нас но и во други општини се случува да не може да се активира паркинг сесија преку СМС порака. Проблемот се јавува повремено, а во тој период не е можно да се активира или деактивира паркинг услуга.
Со жалење Ве известуваме дека проблемот не е предизвикан од наша страна, а за евентуални понатамошни објаснувања Ве упатуваме да се обратите кај мобилниот оператор со кој имате склучено договор.
Во меѓувреме Ве известуваме дека можете да купите билети за паркирање од сите затворени паркинзи за времено надминување на овај проблем.
МКЦ-Битола ќе го одбележи Меѓународниот ден на џезот во Битола со концерт на Филип Динев Трио
Април 24, 2025ОУ"Елпида Караманди" Битола слави патронат
Април 23, 2025ООУ ,,Елпида Караманди" - Битола, го прослави својот Патронен празник и 45 години постоење.
Поздравен говор на в.д Директорка Емилија Николовска Спировски:
Почитуван Градоначалник, почитуван претседател на Сојузот на борци и членови на претседателство, почитувани наши колеги-пензионери, колеги, родители, наставници,
Добродојдовте на одбележувањето на патронатот на нашето училиште Елпида Караманди. Денес сме овде за да ја одбележиме не само историјата на нашето училиште, туку и споменот на жената чие име со гордост го носиме - Елпида Караманди.
Елпида беше симбол на храброст, достоинство и пожртвуваност. Нејзината борба за слобода и правда ни покажува дека вистинските вредности не познаваат возраст, пол или време. Таа, ни остави завет да бидеме храбри, да веруваме во иднината, и да се бориме за вистината.
Денес низ делата на нашите ученици, низ трудот на наставниците и поддршката на родителите се гледа духот на Елпида.
Нашето училиште е место каде што се градат знаења, но и карактери. Место каде што секое дете има можност да расте, да сонува и да се остварува.
Нека овој ден не биде само формалност, туку вистинска инспирација да продолжиме со уште поголема посветеност, соработка, и љубов кон знаењето.
Во име на целото училиште, Ви благодарам што сте дел од ова семејство. Нека ни е честит патронатот и нека свети делото на Елпида Караманди во срцата на сите идни генерации.
