Слепите и лицата со оштетен вид од пелагониските општини добија Ресурсен центар каде ќе можат да се едуцираат и на забавен начин да го минуваат времето. Книги на Брајово писмо, техника која ги зголемува фонтовите на пишани текстови, компјутери со аудио програма која овозможува преку говор да се користи интернет, забавни игри и друга техника им е ставена на располагње во Регионалниот ресурсен центар за слепи и лица со оштетен вид што денес се отвори во Битола.

Регионален ресурсен центар за слепи лица ќе биде отворен во Битола, а во неговото финасирање покрај битолската општина, ќе учествуваат и општините Ресен, Демир Хисар, Могила и Новаци. Станува збор за центар кој ќе биде место за различни активности на слепите лица од овој регион.

Тактилната публикација „Мозаик Нартекс-Хераклеа Линкестис“ вчера беше промовирана пред членовите на Здружението за слепи лица од Битола, кои овој настан го доживејаа со многу емоции. Преку тактилната претстава лицата со оштетен вид сега можат да ги допрат, да ги доживеат и да се запознаат со мозаиците во античкиот локалитет.