Обиколницата над Битола попладнево се очекува да биде  пуштена целосно во сообраќај, да се тргнат  семафорите и движењето по неа да се одвива без пречки, потврди за апла.мк, државниот инспектор за патишта Сашо Здравевски. Според него градежната  фирма „Илинден “ од Струга вчера завршила со санацијата на свлечиштето, над потпорниот ѕид, такашто нема пречки за одвивање на сообраќајот.

Иванчо Тошевски, советник во Советот на Општина Битола е избран за нов претседател на ОК на ВМРО-ДПМНЕ во Битола. На синоќешната седница на Извршниот  комитет  на ВМРО-ДПМНЕ во Скопје,  одлучено е од сите понудени кандидати од Битола, токму Тошевски да ја добие довербата за да ја води партијата во следните години.

Битолчанец подметнал пожар во куќата што со братот ја наследиле од родителите, а во која не живеел. Но, огнот проширувајќи се без покрив над главата го остави соседот со три малолетни деца. Огнената драма се случуваше синоќа околу 22 часот на улицата „Љубојно“ во Битола.

Фирмата „СВ Инвест“ бара јавно извинување од лидерот на ВМРО – ДПМНЕ, Христијан Мицкоски, за вчерашните обвинувања што ги изнесе на фесјбук дека наводно оваа фимра како подизведувач за превоз на јаглен во РЕК вози камиони од фимрата „ДГИ тотал инженеринг“, во сопственост на братот на премиерот Вице Заев. Од РЕК „Битола“ пак, исто така категорично ги отфрлија обвинувањата за наводен криминал, корупција и непотизам и најавија дека во иднина секој што ќе изнесе невистини, па макар тоа бил и Христијан Мицкоски, ќе заврши на суд. И фирмата и РЕК исто така ги повикаа надлежните инстуции да ја проверат вистината.

Ретко битолчанец да минува низ центарот на градот, а својот пат да не го вкрсти со паркот и во ова топло време да поужива во дебелата сенка. Пролетва паркот е лепеза на бои и миризби од расцутените цвеќиња и дрвја. 

На споменикот на Филип Втори денес му се случи ново чудо. Откако пред две години го претворија во лампион, денес стана дел од олтар. Група граѓани пред него поставија икони со Богородица и Исус, крстови и скалите од постаментот ги покрија со теписон како да се во црква.

Со порака никогаш да не сe повтори, најблиските, роднините, пријателите, колегите, здруженија на граѓани, претставници на Советот на општина Битола,  политички партии, денеска ја одбележаа 17 годишнината од масакрот кај Вејце, каде во конфликтот 2001 година во заседа  свирепо беа убиени  осуммина  припадници на безбедносните сили на Македонија, од  кои четворица битолчани-Марјан Божиновски, Кире Костадиновски, Бошко Најдовски и Илче Стојановски. Присутните   се поклонија и  одадоа почит   на двата споменици во  Битола-во кругот на СВР Битола  и споменикот „Ангел“ кај градскиот часовник,  посветени  на  бранителите

Изградба на оградена патека која ќе минува вдолж дворот на Техничкото училиште, е едно од решенијата на проблемот со „корзото“ низ овој простор што го практикуваат пазарџиите на Новиот пазар во Битола. По отворањето на проблемот, за кој пишуваше апла.мк, со секојденевното користење на дворот од страна на граѓани кои поминуваат  пеш, со велосипеди или мотори, или пак, го користат  како паркинг за автомобилите,  денеска на терен излегоа комунални инспектори од Општина Битола.

Тие заедно со директорот на училиштето Владимир Роме, ја разгледуваа можноста за оградување на патека за непречено движење на граѓаните  од пазарот кон околните згради без да влегуваат  на спортските терени на Техничкото.

Основното училиште „Александар Турунџев“ во Кукуречани, битолската болница, една градинка и едно социјално загрозено семејство од Битола, денеска добија четири телевизиски уреди како донација од ЈП „Водовод“-Битола и  приватната фирма за трговија и услуги „Џамбо  Пет“-Битола  во соработка со Општина Битола. Од Општината училиштето доби и географска релјефна карта на Република Македонија.

Во употреба пуштен е новиот, модерен, регионален пазар во Демир Хисар на кој би им позавиделе и поразвиени општини.  Проектот и реализацијата се на Центарот за развој на Пелагонискиот плански реион. Средства од 6 милиони денари беа вложени преку Министерството за локална самоуправа и  Бирото за регионален развој. Со пазарот ќе стопанисува комуналното претпријатие од Демир Хисар. 

" Трговијата со регионални земјоделски производи е значаен потенцијал на регионалната конкурентност на Пелагонискиот регион. Со новиот пазар се овозможува поефикасна и поквалитетна трговија на земјоделските производи што ќе доведе до зголемени приходи на земјоделските производители" , рече Гого Видимче , директор на Центарот за развој на Пелагонискиот плански регион. 

Тој додаде дека со овој проект е извршена темелна реконструкција на стариот пазар, поставени се потпорни ѕидови со површина од 450 метри квадратни, нова челична ограда од 205 метри, поплочување на целиот пазар со бехатон плочки на површина од 550 метри квадратни и поставени се 48 тезги од метален профил. 

"Поставена е и нова електрична инсталација, осветлување и нова атмосферска канализација. Со еден збор Демир Хисар доби современ пазар на кого би позавиделе и многу поразвиени општини", рече Видимче. 

Градоначалникот на Демир Хисар Марјанче Стојановски рече дека од новиот пазар бенефит ќе имаат и околните општини. 

"Во градскиот пазар во Демир Хисар е изграден и тоалет  од 99000 денари, а Општината учествуваше со сопствени средства и во изградбата на пазарот со 125 000 денари, рече градоначалникот.