Земјотрес со магнитуда од 4,2 степени според рихтеровата скала е регистриран денеска во 5 минути до 12 часот со епицентар во соседна Грција, на 22 километри јужно од Битола.

Жешка есен во Битола, не само поради локалните избори, туку и по високата температура нестандарднa за овој дел од годината.  Есен е, а во Битола како да започнува летото, температурата деновиве достигна до 22 степени Целзиусови, а топло време се очекува и во недела на денот на изборите. По гласањето ќе остане да се види дали битолчани со својот избор ќе донесат ќе лето или есен во општината. 

Битолчани да си ја вратат тапијата од Битола, порачаа денеска од ВМРО-ДПМНЕ, но, не посочија каде е, кој им ја одзел и од кого треба да ја земат. Партијата која 10 години ја имаше централната власт и 12 години, односно три мандати, локалната власт во Битола, денес на последниот ден од изборната кампања за овие локални избори, обвини за притисоци и закани од страна на СДСМ врз јавната администарација, пензионерите, ранливите категории граѓани...

До пред неколку години власта на ВМРО-ДПМНЕ плаќаше големи суми пари за реклами за здрава храна, во која се готвеа намирници од таканаречениот шпајз на Македонија, а тогаш не беа одделени средства за здрав оброк на децата по школите. По единаесет години централна власт и дванаесет на локална, допрва ќе прават промени во исхраната по школите. Проблемот со нездава исхрана и гојазност кај децата не е нов, напротив за него здравствените работници алармираа сите изминати години..

Претставата „Сон на летната ноќ“ од Шекспир, а во режија на Џон Блондел, со која Народниот театар од Битола гостуваше на Охридско лето, овој петок и во понеделник идната недела ќе биде изведена пред битолската публика на големата сцена во битолскиот театар. Во изминатиот период најголемиот дел од претставите се играа на други сценски простори во театарот кои беа потесни, за помал број на гости и помалку удобни, па битолчани присакаа да гледаат претстава во покомотни услови.

-Во оваа претстава на сцена сме 17 актери, голема екипа и се игра претставата на големата сцена, па сакам да ги поканам сите оние кои ме среќаваат на улица и често ме прашуваат „добро, кога ќе има претастава на голема сцена, сакаме да ве гледаме на голема сцена“. Ќе има место за сите, дојдете утре вечер на удобните столчиња на битолскиот театар- рече актерката Викторија Степановска Јанкуловска.

Режијата е на Џон Блондел, шекспиролог од Санта Барбара, Калифорнија, кој во изминатите години често пати гостуваше во Битола соработувајќи со театарот на проекти повразни со делата на бесмртниот Шекспир.

-Се сеќавам дека на една од првите проби со Џон пред неколку години тој ја запре пробата и ни кажа:„за мојата екипа со која ја работам во Америка да ја доведам во вашата природна емотивна состојбa и темперамент правам еднонеделни работилници за да ги поттикнам другите американски актери да бидатона што сте вие природано. Многу сум возбуден кога ќе видам што се случува кога вие ќе заиграте на сцената тоа е една цела експозија на чувства„- рече актерката Маја Андоновска Илиејвски, интерпретирајќи поранешен настан со режисерот.

Претставата утревечер е со почеток од 20 часот.

По ова од понеделник Битолскиот народен театар започнува со подготивка на роденденската претстава која ќе се игра на 14 ноември, а ќе ја спремат со сопствени средства. Тоа е претставата „Крвави свадби“ од Лорка, во режија на Љупчо Ѓорегиевски. Овој режисер досега има добиено бројни награди за своите режисерски остварувања, а минстата година „Кралски игри“ во изведба на Битолскиот театара и негова режија беше прогласена за најдобра претстава на фестивалот „Војдан Чернодрински“. За жал, во изминатите години не беше меѓу поекспонираните режисери на битолската театарска сцена.

-Во подготовки сме на прослава за 73 роденден на театарот, која ќе трае од неколку дена- рече новиот директор Иван Јерчиќ.

Според најавеното, се очекува прославата по повод 73 роденден на театарот да биде поразлична од роденденските изданија во минатите години кога актерите и другите вработени од театарот на сцена играа, пееја и промовираа други таленти. Тоа на почетокот беше многу интересно и повелече голем публика, но сличните изданија последните години доаѓаа како реприза и го спласнаа интересот кај публиката.

Херојството на партизаните од првиот битолски партизански одред „Пелистер“ кај Ореовата корија,  кога храбро загинаа седумина херои е опеано во народната песна „Таму ле мајко близу Битола“, но за жал песната веќе осум години не одѕвонува низ градот под Пелистер. По ритамот на оваа композиција порано отчукуваше битолскиот градски часовник. Но, во 2009 година со образложение на општината дека се репарира механизмот, дел од песните се изгубија што предизвика големи критики кај битолската јавност. Тогаш градоначалникот Владимир Талески  најави дека репарираниот механизам наскоро ќе има можност да изведува повеќе песни, но до денес остана да одѕвонува само „Битола мој роден крај“.  .

Почнуваме да градиме вистински вредности, а не ефемерни работи кои траат неколку дена, а потоа се забораваат. Вака новиот директор на битолскиот Завод и музеј, Александар Литовски, го најави новиот концепт на работа на битолскиот Завод и музеј, установата која е најповикана да го штити културното богатство во Битола. Доказ за неговата заложба на љубителите на културата да им ги врати вистински културни вредности се и новите музејски простори кои синоќа беа промовирани во присуство на министерот за култура Роберт Алаѓозовски.

Откако Наташа Петровска, кандидат за градоначалник на СДСМ на прес конференција изјави дека во иднина родителите на учениците  нема да плаќаат од својот џеб за обезбедување на школите, деновиве директорите на дел од училиштата во градот, назначени уште од времето на ВМРО-ДПМНЕ, веќе побараа од родителите и годинава да платат за обезбедување на школите. Образложението е дела училиштата имаат долгови и парите не стигаат за да се ангажира Агенција која ќе го обезбедува училиштето, па мораат родителите да го преземат овој трошок врз свој грб.

Четворицата кандидати во трката за градоначалник на Битола на претстојните локални избори, како ретко кога се согласија на јавна дебата на Топ-тема на телевизија Телма. Кандидатот на ВМРО-ДПМНЕ, Зоран Илиоски, кандидатката на СДСМ, Наташа Петровска, и независните кандидати Јорго Огненовски и Кирчо Ташков, цел час одговараа на прашањата на битолчани во малата сала на Центарот за култура во Битола.  

Сестрите Колевски, кои попладнево беа пренесени во битолската болница, вечерва повторно се вратени дома, откако одбиле лекарска помош.