Зборот “ОБРАЗОВАНИЕ”, започнува со “ОБРАЗ”. Лексички, зборот ОБРАЗОВАНИЕ не може без зборот ОБРАЗ, но во метафизичка или онтолошка смисла на зборот, може едно без друго.

Административното и дополнителното образование во текот на целиот живот е нужно и тоа како потребно, но тоа ни оддалеку не е гаранција дека ќе имаме “ОБРАЗ”. Образот (како таков), е колаж од многу животни ситуации, а можеби најголемо влијание врз чистотата на образот има генетската предиспозиција. Иако, во текот на целиот живот го “градиме” образот, сепак, човек со ОБРАЗ се раѓа. Зотоа ни треба образот, за врз него да го “накалемиме” образованието. Оти, нели, едно без друго – не можи ! Образот е визуелизација (слика) на нашата душа, транскрипција на табиетот. Тој (образот) не е нешто што се учи, нешто што може да се направи, купи или позајми. Образот едноставно, го имаме од памтивек, од дедо прадедо и така наназад, далеку во праисторијата.

Образот е пасош за образованието, а визата, е визата за тој пасош може да се заслужи (само) со постојана работа и постојана потрага по убавото. Не е важно дали се живее во мала средина или во голема метропола, околината наша секогаш ќе биде иста. Секогаш околу нас ќе има комшии, пријатели, лицемери, роднини, муви, пијаници, цвеќиња, улици, реки, небесен свод,...

А кога веќе околината секаде е иста и кога с'е е измислено, тогаш, наше е само како ќе ги составиме елементите, компонентите. Наше е само како ќе ја направиме композицијата. За неа (композицијата) вреди да се потроши цел еден живот, и не сум сигурен дека еден живот е доволно време. Потрагата по убавото е Боженствена работа и тука можеби се наоѓа нашата единствена и вистинска конекција со Севишниот, а тоа е - потребата да се твори. Господ Бог го створил светот и човекот, а ние како дел од таа Боженствена творба, ја имаме истата потреба – да твориме, да создаваме и на творбите да им даваме душа.

Мојот роден град Битола е токму таков град – град со душа и голема традиција. Но, тоа не значи дека во мојот град со ништо не треба да се интервенира, дека се' има и дека ништо не му недостига. Напротив, токму духот на овој град (и традицијата) не обврзуваат и апелираат на нас, да правиме убави работи, да градиме неповторливи нешта. А, потребата за нешто ново, убаво и неповторливо, или ја имате, или ја немате – нема трето. Потребата да се изгради нешто повеќе, не е нова и не е привилегија на денешното-модерно време. Потребата да се гради е многу стара. Таа е стара колку и ЧОВЕКОТ СО ОБРАЗ.

Дипл. Инг. Арх. Зоран Николовски

Советот на Општина Битола ја донесе одлуката за основање на заедничко јавно претпријатие за превоз на патници на Битола, Могила и Новаци. Претпријатието ќе го носи називот Меѓуопштинско јавно претпријатие „Пелалинк“. Општина Битола обезбеди 60 пороценти од средствата, а другите две општини по 20 проценти. Минатата недела Општина Битола набави и четири минимуси на метан кои ќе бидат во сопственост на претпријатието, а ќе се набават и други еколошки возила.

За здравствената состојба денес се караа локалното мнозинство и опозицијата во битолскиот Совет. Советникот од ВМРО-ДПМНЕ Иванчо Тошевски рече дека Битола ги живее едни од најцрните денови од своето постоење зашто во текот на изминатата недела имаше 555 нови случаи на ковид позитивни лица или неделен раст од 78,8 проценти во однос на претходната недела. Досега во Битола од вкупно 4881 регистрирани ковид случаи, само во изминатите три недели се регистрирани 1106. Тошевски побара да се одложат сите точки и да се разговара само за здравствената состојба и да се формира Фонд за лекување на пациенти кои не можат сами да си го платат лекувањето. Во меѓувреме дел од советниците бараат оставки од кризниот штаб.

Локалното мнозинство во Советот гласаше воздржано, а откако точката не беше донесена опозицијата ја напушти седницата.

Борче Корлевски, советник од СДСМ рече дека советниците треба да им служат на граѓаните, па се она што е во нивен интерес како предложена мерка, без разлика дали доаѓа од власта или од опозицијата , треба да се разгледа, но да се повикува на оставки и барање виновници, со тоа нема да се подобри состојбата.

Претседателот на Советот Валентин Груевски потсети дека Општината даде повеќе донации во борбата со ковид-19, и тоа, 20 000 евра за брзи тестови, 10.000 евра за поддршка на лабораторијата во Центарот за јавно здрвје, уште 10 000 евра доанција за кислородна поддршка во Битолската болница, Општината беше вклучена и во партерното уредување околу модуларната болница, а јавните претпријатија за подготовка на теренот за нејзина изградба.

Советничката Жаклина Наумовска пак рече дека вистинската причина за заминувањето на опозицијата се токму завршните сметки на јавните претпријатие кои покажуваат дека СДСМ и колалицијата сработија повеќе за нецели 4 години од нивните 12.

„Тоа е причината поради која не учествуваат на седницата и е причина за непотребно да прават уште еднаш драма и театар во вакво време невреме, што е најмалку потребно“, рече Наумовска.

На денешната седница советниците од општинскиот Совет ја изгласаа одлуката угостителите да ги отстранат оградите од терасите од денес наместо  на  предвидениот рок - 15 април, за да се избегне престојување на повеќе лица во затворен простор