Тримесечното бебе кое на 23 август беше регистрирано меѓу седумте заболени битолчани од КОВИД-19, го победи вирусот. Од Министерството за здравство за апла.мк информираат дека бебето оздраве.

Во последните 24 часа се направени 1721 тестирања, а регистрирани се 163 нови случаи на ковид-19 во:

Извршниот одбор на Здружението на пензионери од Битола на денешната седница одржана под претседателство на Томе Димитровски откако го разгледа и усвои извештајот на Надзорниот одбор од одржаната седница на почетокот на месецов, расправаше и за иницијативата за отворање на клубови на пензионери во просториите на месните заедници. Токму за тоа неодамна потесното раководство на битолските пензионери разговараше и со градоначалничката Наташа Петровска. Се планира до крајот на годината ова прашање да биде разрешено во полза на битолските пензионери за да може тие да имаат свои катчиња за одмор, рекреација и забава. 

На седницата беше и информирано дека на 25 септември во Демир Хисар ќе се одржи регионална музичка ревија на која ќе се претстават членови на Ансамблот „Сирма Војвода“ кој делува во рамки на Здружението на пензионери во Битола. Со оглед на тоа дека 20 септември се празнува како ден на пензионерската организација, поради ситуацијата со пандемијата на ковид-19 , раководството на битолското Здружение на 23 септмеври со скромна свеченост ќе го одбележи овој празник. 

Годинава УО на ДФРМ донесе одлука дека ИФФК „Браќа Манаки“ нема да се одржи во својата реална форма, но достојно ќе биде одбележан со еден централен настан во Битола, што ќе се одржи на 19-ти септември 2020 во Пациото на Музејот на Битола. Основен мотив за оваа одлука е зачувувањето на здравјето на нашата публика, гостите и филмските работници во непредвидливата ситуација со пандемијата и негативниот ефект што оваа состојба ни го наметнува во сите сегменти на нашиот социјален живот.

На овој настан ќе се обратат покоровителот на фестивалот, Претседателот на Република Северна Македонија, Стево Пендаровски, Градоначалничката на Општина Битола, Наташа Петровска, Амбасадорката на САД, Н.Е. Кејт Мари Брнз, Претседателот на ДФРМ, Игор Иванов, и Гена Теодосиевска, директорка на фестивалот, и се надеваме и Министерката за култура, Ирена Стефоска. За време на овој настан ќе имаме и обраќање на добитникот на „Златната камера 300 за животен опус“ Јануш Камински преку видео врска, а целиот настан ќе се пренесува во живо на Првиот програмски сервис на МТВ, и на ФБ профилот на фестивалот.

Влегувањето на гостите ќе се одвива од 17.45 часот до 18.30 часот кога и би почнал директниот пренос, кој ќе трае до 19.30 часот.

На режисерот Столе Попов ќе му биде врачена наградата што ја доделува ДФРМ „Голема ѕвезда на македонскиот филм“.

Видео обраќање до фестивалот очекуваме да има и новиот Претседател на Меѓународната асоцијација на кинематограферите (ИМАГО), Кејс Ван Острум.

На овој настан нема да има повеќе од 80 гости, кои ќе треба да ги почитуваат сите мерки и протоколи за однесување на присуство на манифестација на отворено, донесени од Владата на Република Северна Македонија. Ќе бидат обезбедени маски, ракавици, средства за дезинфекција и ќе се почитува пропишаната дистанцата. Пред влегување на секој од гостите ќе му биде измерена температура и сите оние кои ќе имаат зголемена телесна температура (над 37 Ц) нема да може да присуствуваат на настанот.