АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Мај 02, 2026
Анета Блажевска
На денешен ден, 30 март 1922 во Битола е роден Славко ЛУМБАРКОВСКИ, припадник на македонското националноослободително и комунистичко движење и учесник во Антифашистичката војна во Вардарскиот дел на Македонија.
За материјалното и духовното (пишува Зоран Николовски)
Март 29, 2021Во својот работен кабинет, големиот Ф. М. Достоевски имал приватна библиотека со преку четири илјади наслови, но само две книги секогаш се наоѓале на неговата работна маса: “Библијата” и “Дон Кихот”.
Кога еднаш го запрашале, зошто токму тие две книги се секогаш до него, тој одговорил: “Едната е световна творба, а другата е единствена транскрипција на световната творба од овоземен писател”, мислејќи на Мигуел де Сервантес. Во Новиот завет во Библијата ќе го сретнеме единствениот и вистински симбол на христијанството – Крстот. Составен од два дела: хоризонтален и вертикален дел.
Ште е претставува овој симбол ? Живеење по хоризонтала – материјалниот свет, и живеење по вертикала – духовниот свет. Токму оваа (овоземна) книга “Дон Кихот” е вистинско четиво и вистински прирачник, олицетворение на материјалното и духовното, преку ликот на Санчо Панса – материјалното , и Дон Кихот – духовното. Во една од најдраматичните епизоди на оваа книга, попот и берберот му ја “средуваат” библиотеката на Дон Кихот, со цел да му укажат на штетноста од книгите врз нековиот ум, а со тоа и да му го “олеснат” животот.....
Ех, што се дочека! Попот и Берберот, двајца брилијантни материјалисти, да му сугерираат на најголемиот идеалист Дон Кихот, што треба да чита, а што не! Двајца закоравени умови, се здружиле, и решиле да ги “претресат” светските библиотеки, за да го спасат човештвото од ИДЕАЛОТ. На луѓето “зркнати” по пари, не им треба идеал, а на тие истите, без идеал, не им треба ни љубов. Оти, што би правеле ние со љубовта, ако не ја идеализираме. Џабе ни е...
Ете, гледате, изборот не е многу голем. Или сте едно или сте друго. Нема трето. А, како што гледате тешко дека може, малку од едното, малку од другото. Не може. Изборот е личен и длабоко интимен, како “Слобода или смрт”. Или ќе се дружите и ќе им верувате на “поповите и берберите”, или ќе си ја сочувате интимната библиотека во Вашите чисти мисли... Оти твојата околина не се љуби со ум, туку со срце. Твојот роден град не се љуби со ум, туку со срце. А умот и срцето, одсекогаш биле во постојана меѓусебна кавга...
Тоа што за умот се парите, за срцето е љубовта.
Пишува Дипл.Инг.Арх. Зоран Николовски
Филипче: Вакцинацијата на граѓани над 75 години почнува в среда, термините за закажување преку матичните лекари
Март 29, 2021Не има насекаде, нашинци се попишуваат и од држави со најегзотични места за кои малку се знае
Март 29, 2021Сте знале ли дека македонски државјани живеат во полинезиската островска држава Тувалу во Тихиот Океан, со бројни егзотични места, потоа на архипелагот Свалбард кој се наоѓа во Арктичкиот Океан.
Соопштение од ЈКП "Нискоградба"
Март 29, 2021КЈП Нискоградба Битола ги известува
жителите на с. Буково дека на 30.03.2021 г (Вторник) од 08:00 до 13:00 часот сообраќајот на патен правец од Буковски Ливади до Буково ќе биди во прекин поради изведување на градежни работи на самиот патен правец.
ЈП "Пазари" со реакција на пресот на ВМРО ДПМНЕ
Март 29, 2021На обвинувањата на партискиот секретар на ОК на ВМРО ДПМНЕ и поранешен советник, Никола Котовски, за злоупотреби при набавката на фотоволтаиците во ЈП "Пазари", денеска се огласија и прозваните, директорот Владо Атанасовски, како и Валентин Груевски, вработен во јавното претпријатие кој ја спровел јавната набавка. Реакциите ги пренесуваме интегрално.
Реакција на директорот Владо Атанасовски на прес конференцијата на ВМРО ДПМНЕ
"Би сакал од мое лично име и од името на Јавното претпријатие Пазари да одговорам на обвинувањата кои пред два дена ги пласираше Вмро-Дпмне, преку еден нивни поранешен советник.
Веднаш на почетокот да ја известам јавноста дека немам намера да поднесувам никаква оставка, бидејќи набавката која ја спомнуваат на нивната прес конференциja е чиста како солза и нема ниту едно прекршување на целокупната постапка.
Кој го излажал екс- советникот за така јавно да настапува, не знам и не ми е важно, она што ми е важно е да добијам јавно извинување за искажаните невистини на пресот на екс- советникот. Се разбира дека немам намера да се влечкам по судови за овој случај, ама тоа не значи дека нема да го преземам и тој чекор, ако продолжат со лагите.
Ниту сум ја злоупотребил службената положба, ниту во овој случај, ниту тоа би го правел во иднина.
Во Пазари во овие три и пол години криминал нема, во Пазари во овие три и пол години има инвестиции, има нова енергетско-ефикасна фасада на управната зграда , имаме ново осветлување, добиваме нови павиљони, нова дограма во дуќаните, ќе имаме нов покриен дел од пазарот, ново еколошко затоплување, имаме инвестици поголеми отколку во претходните 12 години, а и и оваа година подготвуваме нови осовременувања на пазарниот простор.
На крајот, јавно ги повикувам сите политички партии и поединци, кои имаат нејаснотии и прашања за нашето работење да дојдат и да добијат објаснување секогаш и во секое време во Пазари, а не да се срамат пред целата јавност со своето незнаење", напиша Атанасовски
Реакција на Валентин Груевски
Како директно прозван од пресот на Вмро-Дпмне, како некој кој бил претседател на комисијата за јавни набавки која ја спровела постапката, најостро ги демантирам сите инсинуации искажани на пресот од страна на мојот поранешен колега во Советот на Општина Битола, кој најверојатно бил многу погрешно информиран и излажан од некои негови ,,пријатели“ .
1. Набавката е јавно објавена и склучена преку системот за јавни набавки на Бирото за јавни набавки. Секој кој сакал, можел да учествува на истата. Нема договор во четири очи.
2. Потпишаниот договор е на сума од 1.100.000 денари, а сумата која се спомнува на пресот, е истата сума зголемена за ДДВ. ДДВ-то во овој случај се враќа во касата на Пазари и не е трошок. Нема никаква злоупотреба на службена должност.
3. Објавувањето на проценетата сума во Огласот, не е задолжително, но истата се објавува во Одлуката за јавна набавка. Одлуката е јавна, се објавува во документацијата и секој може да ја види.
4. Јавни набавки во Пазари работам 15-на години, со сите директори и во овој и во претходните мандати, и можеби поранешниот колега, ако имаше желба можеше и многу повеќе да се информира.
На крај да завршам со една реченица. Криминали, местени тендери, провизии, станови, куќи, нема и нема да има.
Менаџментот на трите претпријатија КJП "Нискоградба", ЈП "Комуналец" и ЈКП "Водовод" Битола, како превентивна мерка за заштита на здравјето на вработените и корисниците на услугите донесоа одлука за времено затворање на Наплатниот пункт на улица Рузвелтова во период од 29.03.2021 до 04.04.2021 година.
Доколку има потреба од продолжување на оваа превентивна мерка, соодветна информација навремено ќе биде доставена до медиумите за информирање и споделена преку социјалците мрежи.
Најчитани
