На 65-тата Седница на Советот на општина Битола, советникот Николче Јанкуловски од ПОДЕМ предложи измена на дневниот ред на седницата со следната точка: Барање од Советот на општина Битола до Владата на РМ за одобрување на средства од Буџетот за 2020 година во износ од 30.000.000 денари на Општина Битола, како еднократна неповратна финансиска поддршка, за справување со COVID – 19 кризата. Од ПОДЕМ велат дека барањето не го поддржале советниците од мнозинството.

"Очекувам за ова барање да ме поддржите, бидејќи Битола е еден од најпогодените градови во кризата, и како град со регионален Ковид- центар,и колку Советот да издвојува средства, тоа се премалку во однос на потребите кои ги имаат и граѓаните, медицинскиот персонал, локалните фирми. А бидејќи Битола има и министер во Владата, кој само на зборови се декларира како голем локал патриот, очекувам како што на 11.12.2020 гласа за одобрување на исто толкав износ за општина многу помала од Битола и многу помалку погодена од ковид кризата, очекувам да даде и поддршка и за Битола."

Штабот за заштита и спасување на Општина Битола, денес одржа on - line состанок, кој го водеше началникот на штабот Кире Ѓоргиевски.

Директорите на здравствените институции во информацијата за актуелната состојба со КОВИД 19 информираа дека во Битола, зголемената бројка на новозаболени која се појави последните месеци, во моментот е во мала стагнација, но заштитата и почитувањето на мерките и понатаму се клучни за подобрување на епидемиолошката состојба.

Идната недела ќе се зголеми бројот на тестирања со брзи тестови што е важен предуслов за рана детекција на вирусот, како и брза интервенција од страна на здравствениот персонал.

На состанокот, беше заклучено дека Општина Битола и јавните претпријатија, веќе ги завршија своите активности во однос на подготовка на теренот за поставување на модуларните болници во Битола.

Општинскиот кризен штаб, апелира во празничниот период кој претстои, одговорно да се однесуваме за да се заштитиме себе си, но и да не го загрозиме здравјето на другите.

На 48 годишна возраст почина Драган Китановски, актуелен и извршен директор  на ЗК Пелагонија. Китановски ја загуби  битката со ковид-19 и почина вчера во болница во Скопје. Беше просперитетен стопанственик, истакнат менаџер,  а битолчани со неверување ја дочекаа веста за неговата прерана смрт. 

Произведени се околу 3000 килограми компост во рамки на шестмесечното пилот функционирање на био-компостерот во рамки на проектот „Симбиоза“ во кој како носечки партнер е ЈП „Комуналец“ од Битола. Тие компостот го користат за сопствени потреби во нивните расадници за цвеќиња и дрвја. Квалитетот на компостот е добар и може да ги замени ѓубривата. Сега на крајот на проектот ЈП Комуналец е способен
за независно работење на био-компостер и производство на квалитетен компост.

Денес ќе се одржи завршната конференција на проектот „Симбиотски мрежи за одржливо управување со органски отпад“ – Симбиоза.  Проектот е финансиран од Европската унија и националните фондови на земјите учеснички во рамки на ИНТЕРЕГ ИПА Програмата за погранична соработка „Грција – Република Северна Македонија“, а ЈП Комуналец – Битола е водечки партнер на проектот.

Во рамките на проектот „Симбиоза“ за прв пат во Општина Битола се организира селекција на органски отпад. 2000 канти за органски отпад од 120 l се дистрибуирани до домаќинствата и малите бизниси. 200 канти за органски отпад од 240 l се дистрибуирани до средни производители на органски отпад (на пример поголеми ресторани и хотели). 35 контејнери за органски отпад од 1,1 м3 се дистрибуирани до поголемитепроизводители на индустриски органски отпад.

 За прв пат во Општина Битола се организира селективно собирање на органски отпад. Набавено специјално возило, со капацитет од 12 м3, за собирање и транспорт на селектираниот органски отпад.  ЈП Комуналец Битола потпиша договори со 10 поголеми индустриски производители за селекција и подигнување на органски отпад.  Дел од собраниот органски отпад се рециклира во био-компостер. Пилот био-
компостер, со капацитет од 6 м3, е набавен и инсталиран во депонијата за отпадоци Мегленци.

„Селекцијата на органскиот отпад и работата на био-компостерот продолжува. Но, ова не е нашата крајна цел. Развивме и неколку студии со идеен проект за големарегионална постројка за компостирање на органски отпад“, велат од битолски „Комуналец“.