Државниот пазарен инспекторат заедно со полицијата во средата затвориле кафана во битолската стара чаршија која работела на сред бел ден, рече Стојко Пауновски, директор на Државниот пазарен инспекторат.

По информацијата што ја доби Министерството за здравство дека еден новинар од телевизиски медиум е позитивен на коронавирусот, кој во текот на минатата недела имаше интервјуа со лидерите на ВМРО-ДПМНЕ и СДСМ, и Мицковски и Заев се тестирани на КОВИД-19.

На денешната прес конференција, министерот Филипче рече дека сме во фаза во која се воведени најрестриктивните мерки и ги повика граѓаните да ги почитуваат, затоа што само така ќе бидеме поблиску до враќање на животот во нормала.

Од почетокот на кризата до денес,  Центар за јавно здравје- Битола и регионот кој го покрива (Кичево, Ресен и Демир Хисар) земени се материјали за испитување (брисови) од вкупно 117 лица за COVID-19. Од вкупниот број на земени брисови, 101 се за лица со место на живеење во Битола, а 16 од Кичево, Ресен и Демир Хисар..

Министерот за здравство Венко Филипче на денешната прес конференција рече дека се следат сите пацинети заболени од КОВИД-19 кои се во домашно лекување, а двајца од нив се веќе негативизирани уште во текот на вчерашниот ден. 

Инаку, во Клиничката болница има четворица пацинети , тројца од нив се во стабилна состојба, а еден пацинет е на кислородна поддршка.